ۇيرەنۋ تاربيەسىنىڭ ساناعا ءسىڭىپ، كوكەيگە ۇيالاپ، ارەكەتتە ايگىلەنىپ، ونىمدىلىك كورسەتۋىن ىلگەرىلەتەيىك (ورتالىقتىڭ سەگىز ءتۇرلى بەلگىلەمەسىنىڭ رۋحىن بۇلجىماستان تياناقتاندىرايىق)

ورتالىقتىڭ سەگىز ءتۇرلى بەلگىلەمەسىنىڭ رۋحىن ىشكەرىلەي دايەكتىلەندىرۋ تاربيەسى ورىستەتىلگەننەن بەرى جەر ـ جەر وسكەلەڭ ساياسي سانالىلىقپەن جەدەل ورنالاستىرۋ جاساپ، پارمەندى، ءتارتىپتى ورىستەتىپ، قالىڭ پارتيالى كادرلاردى پارتيالىلىقتى شىڭداۋعا، يدەيالىق سانانى جوعارىلاتۋعا جەتەكتەپ، پارتيا مەن بۇقارانىڭ، كادرلار مەن بۇقارانىڭ قاتىناسىن قويۋلاتىپ، ۇيرەنۋ تاربيەسىنىڭ ساناعا ءسىڭىپ، كوكەيگە ۇيالاپ، ارەكەتتە ايگىلەنىپ، ونىمدىلىك كورسەتۋىن ىلگەرىلەتتى.

جاۋاپكەرشىلىكتى ناقتىلاندىرىپ، مىندەتتى ايقىندادى

جەر ـ جەر ۇيرەنۋ تاربيەسى جوباسىن دەرەۋ اقىلداسىپ ورنالاستىرىپ، جاۋاپكەرشىلىكتى ناقتىلاندىرىپ، مىندەتتى ايقىنداپ، ۇيرەنۋ تاربيەسىنىڭ ءتارتىپتى باستالۋىنا، جاپپاي ورىستەتىلۋىنە كەپىلدىك ەتتى.

ىشكى موڭعۇل اۆتونوميالى رايوندىق پارتكوم تۇراقتى كوميتەتىنىڭ ءماجىلىسى جانە اۆتونوميالى رايوندىق پارتكومنىڭ پارتيا قۇرىلىسى قىزمەتىنە باسشىلىق ەتۋ گرۋپپاسىنىڭ ءماجىلىسى اشىلىپ، اۆتونوميالى رايوننىڭ ۇيرەنۋ تاربيەسىن اتقارۋ جوباسى تەكسەرىپ بەكىتىلدى، ۇيرەنۋ تاربيەسى قىزمەتى اقىلداسىپ ورنالاستىرىلدى. اۆتونوميالى رايوندىق پارتكوم تۇراقتى كوميتەتىنىڭ باسشىلىق القاسى تۇراقتى كوميتەتتىڭ ۇيرەنۋ تاربيەسى قىزمەتى جوباسىن ەگجەي - تەگجەيلى جاساپ، باستاماشىلدىقپەن ىشكەرىلەي ۇيرەنۋ، زەرتتەۋ - تالقىلاۋ، ماسەلەلەردى باستاماشىلدىقپەن قاتاڭ تەكسەرۋ، ماسەلەلەردى ورتاعا قويۋ، باستاماشىلدىقپەن ناقتى يگەرۋ، شوعىرلى جونگە سالۋ، ۇدايىلىقتى، باياندى ونىمدىلىكتى باستاماشىلدىقپەن ىلگەرىلەتۋ سياقتى 4 جاقتاعى ناقتى مىندەتتى ارقاۋ ەتىپ، 12 ءتۇرلى ناقتى مىندەتتى العا قويدى.

لياۋنيڭ ولكەلىك پارتكومنىڭ پارتيا قۇرىلىسى قىزمەتىنە باسشىلىق ەتۋ گرۋپپاسى ءماجىلىس اشىپ، بۇكىل ولكەدەگى ءار دارەجەلى پارتيا ۇيىمدارىنان نىسانا ـ تالاپتاردى دۇرىس يگەرىپ، مۇقيات ۇيرەنىپ، تالقىلاپ، يدەيالىق نەگىزدى بەكەمدەپ، ماسەلەلەردى ىشكەرىلەي تەكسەرىپ، ورتاعا قويىپ، ماسەلەلەردى، جەتەرسىزدىكتەردى تەكسەرىپ، شوعىرلى جونگە سالۋدى كۇشەيتىپ، ۇستىنەن وڭاۋ مەن تۇبىرىنەن وڭاۋعا باسا ءمان بەرىپ، اشىق تاربيە جۇرگىزىپ، ناقتى ونىمدىلىككە قول جەتكىزۋدى تالاپ ەتتى. لياۋنيڭ ولكەلىك پارتكوم قىزمەت ارناۋلى توبىن قۇرىپ، ءتارتىپ تەكسەرۋ كوميتەتى، باقىلاۋ ـ تەكسەرۋ كوميتەتى ورگانى، كەڭسە مەڭگەرمەسى، ۇيىمداستىرۋ ءبولىمى، ۇگىت ءبولىمى سياقتىلاردى ءبىر تۇتاس جوسپارلاپ، بۇكىل ولكەدەگى ۇيرەنۋ تاربيەسىن ءبىر تۇتاس جوسپارلاۋ، ۇيىمداستىرۋ، سايكەستىرۋ، قارىم ـ قاتىناس جاساۋ، قىزمەت وتەۋ، قامتاماسىز ەتۋ سياقتى قىزمەتتەردى كۇشەيتتى.

حۋبەي ولكەلىك پارتكومنىڭ تۇراقتى كوميتەتى ءماجىلىس اشىپ، مىنالاردى تالاپ ەتتى: ۇيرەنۋ تاربيەسى قيمىلىن ورىستەتۋدى ”ەكىنى تۇراقتاندىرۋدى“ باتىل قورعاۋدىڭ، ”ەكىنى قورعاۋدى“ باتىل ورىنداۋدىڭ ناقتى امالياتى ەتىپ، باس شۋجي شي جينپيڭنىڭ پارتيانىڭ ستيل قۇرىلىسىن كۇشەيتۋ جونىندەگى ماڭىزدى بايىمداۋلارىنىڭ جانە حۋبەيدە قىزمەت تەكسەرگەندە سويلەگەن ماڭىزدى ءسوزىنىڭ رۋحىن ىشكەرىلەي ۇيرەنىپ، ءتۇسىنىپ، ءارى ورتا بولەكتەگى رايونداردىڭ ەڭسە كوتەرۋىندەگى ماڭىزدى ستراتەگيالىق ءتۇيىن، كادرلاردىڭ ساپاسىن جوعارىلاتۋ سياقتى ءتۇيىندى قىزمەتتەردى ءبىر تۇتاس جوسپارلاپ، پارتكومنىڭ (پارتيا باسشىلىق گرۋپپاسى) تۇلعالىق جاۋاپكەرشىلىگى مەن ءتارتىپ تەكسەرۋ، باقىلاۋ ـ تەكسەرۋ ورگاندارىنىڭ باقىلاۋ جاۋاپكەرشىلىگىن، كاسىپ جۇيەسىن باسقارۋشى تاراۋلاردىڭ جەتەكشىلىك جاۋاپكەرشىلىگىن قاتايتىپ، ناقتىلاندىرىپ، ۇيرەنۋ تاربيەسىنىڭ تىڭعىلىقتى، ءتارتىپتى باستالۋىن ىلگەرىلەتۋ كەرەك.

حۋنان ولكەلىك پارتكومنىڭ پارتيا قۇرىلىسى قىزمەتىنە باسشىلىق ەتۋ گرۋپپاسىنىڭ ءماجىلىسى اشىلىپ، مىنالار تالاپ ەتىلدى: بۇكىل ولكەدەگى ءار دارەجەلى پارتيا ۇيىمدارى پارتيالىلىقتى، پارتيا ستيلىن، پارتيا ءتارتىبىن قاتار يگەرۋگە، ستيلدى دۇرىستاپ، ءتارتىپتى قاتايتۋدى، شىرىكتەسۋگە قارسى تۇرۋدى ءوزارا ۇشتاستىرۋعا تاباندى بولىپ، ورتالىقتىڭ سەگىز ءتۇرلى بەلگىلەمەسى مەن ونى اتقارۋدىڭ ناقتى ەرەجەسىنىڭ رۋحىنا قايشى كەلەتىن كورنەكتى ماسەلەلەردى شوعىرلى جونگە سالىپ، قالىڭ پارتيالى كادرلاردى تاماشا ستيلمەن كۇش ـ قۋات توپتاپ، ءىس تىندىرىپ، يگىلىك جاراتۋعا جەتەكتەۋى كەرەك. حۋنان ولكەلىك پارتكوم قىزمەت ارناۋلى توبىن قۇرىپ، قىزمەت جوباسىن جاساپ، ولكەلىك پارتكوم تۇراقتى كوميتەت باسشىلىق القاسىنىڭ ۇيرەنۋ، تاربيەلەۋ مىندەت تىزىمدىگىن قالىپتاستىرىپ، 22 ءتۇرلى ءتۇيىندى مىندەتتى اشالاپ، ۋاقىت كەزەڭدەرىن، ناقتى تالاپتاردى ايقىندادى.

نيڭشيا حۇيزۋ اۆتونوميالى رايوندىق پارتكوم ۇيرەنۋ تاربيەسىن ورىستەتۋدى بيىلعى پارتيا قۇرىلىسى قىزمەتىنىڭ ءتۇيىندى مىندەتى ەتىپ، تىڭعىلىقتى، پارمەندى ىلگەرىلەتىپ، اۆتونوميالى رايوندىق پارتكوم تۇراقتى كوميتەتىنىڭ باسشىلىق القاسى باستاماشىلدىقپەن ۇيرەنىپ، تۇتاس رايونداعى ءار دارەجەلى پارتيا ۇيىمدارى مەن پارتيالى كادرلاردى ىرىقتىلىقپەن ۇيرەنۋگە جەتەكتەپ، 6 جاقتاعى 19 ءتۇرلى ءتۇيىندى قىزمەتتى ايقىنداپ، پارتيالى كادرلاردى ”ارتۋدى ورنىقتىرۋ، دامۋدى جەبەۋ جىلى“ قيمىلىنا بەلسەنە ات سالىسۋعا ۇيىمداستىردى.

ىشكەرىلەي ۇيرەنىپ، ەگجەي ـ تەگجەيلى ۇعىنىپ، تەرەڭدەي جۇرگىزدى، ناقتىلاندىردى

جەر ـ جەر ىشكەرىلەي ۇيرەنۋگە، ەگجەي ـ تەگجەيلى تۇسىنۋگە تاباندى بولىپ، باسشى كادرلاردىڭ باستاماشىلدىقپەن ۇيرەنۋىن كورنەكتىلەندىرىپ، پارتيالى كادرلاردى ىشكەرىلەي ۇيرەنۋگە ۇيىمداستىرىپ، تاربيەلەۋدى، باۋلۋدى كۇشەيتىپ، ۇيرەنۋ تاربيەسىنىڭ تەرەڭدەۋىن، ناقتىلانۋىن ىلگەرىلەتتى.

سانشي ولكەلىك پارتكومنىڭ نازاريا ۇيرەنۋ وزەكتى گرۋپپاسى 3 - ايدىڭ 18 - كۇنىنەن 19 - كۇنىنە دەيىن كىتاپ وقۋ كلاسىن اشىپ، ارناۋلى تاقىرىپتا پىسىقتاۋ، گرۋپپالارعا ءبولىنىپ ۇيرەنۋ، شوعىرلى زەرتتەۋ - تالقىلاۋ سياقتى تاسىلدەردى قولدانىپ، باس شۋجي شي جينپيڭنىڭ پارتيانىڭ ستيل قۇرىلىسىن كۇشەيتۋ جونىندەگى ماڭىزدى بايىمداۋلارىن ىشكەرىلەي ۇيرەنىپ، دايەكتىلەندىرىپ، ورتالىقتىڭ سەگىز ءتۇرلى بەلگىلەمەسىن جانە ونى اتقارۋدىڭ ناقتى ەرەجەسى سياقتىلاردى قاز - قالپىندا، تاراۋ - تارماق بويىنشا ۇيرەنىپ، ءوز قىزمەتىنىڭ ءىس جۇزىندىك جاعدايىمەن ۇشتاستىرىپ ىشكەرىلەي پىكىر اۋىستىرىپ، تالقى جۇرگىزدى، بۇكىل ولكەنىڭ ۇيرەنۋ تاربيەسىن تەرەڭدەتىپ، ناقتىلاندىردى. قازىرگە دەيىن ولكەگە توتە قاراستى جانە قالا، اۋدان نەگىزگى ساتى پارتيا ۇيىمدارى ۇيرەنۋ تاربيەسىن باستادى.

شيزاڭ اۆتونوميالى رايوندىق پارتكوم 3 – ايدىڭ 31 – كۇنىنەن 4 – ايدىڭ 1 – كۇنىنە دەيىن كىتاپ وقۋ كلاسىن اشىپ، باس شۋجي شي جينپيڭنىڭ پارتيانىڭ ستيل قۇرىلىسىن كۇشەيتۋ جونىندەگى ماڭىزدى پايىمداۋلارىن ىشكەرىلەي ۇيرەندى جانە دايەكتىلەندىردى، ءار دارەجەلى پارتيالى باسشى كادرلار سانالى تۇردە ۇيرەنۋ تاربيەسىن قىزمەتتى ىلگەرىلەتۋمەن تىعىز ۇشتاستىرىپ، ىشكەرىلەي ۇيرەنۋ بارىسىندا جۇڭگو كوممۋنيستىك پارتياسىنىڭ ماڭگى ”ەمتيحان تاپسىرۋداي“ سەرگەكتىگى مەن تاباندىلىعىن تەرەڭ ءتۇسىنىپ، ستيل قۇرىلىسىن سوڭىنا دەيىن جۇرگىزىپ، ۇيرەنۋ تاربيەسىنىڭ نىسانالىق تالابىن دۇرىس يگەرىپ، ەرەجەگە، تارتىپكە بويسۇنۋدى سانالى تۇردە كوكەيگە ۇيالاتىپ، كۇندەلىكتى پايدالاناتىن ءسوز - ارەكەت ولشەمىنە اينالدىرۋى كەرەكتىگىن باسا دارىپتەدى.

جياڭشي ولكەلىك پارتكومنىڭ تۇراقتى كوميتەتى ءماجىلىس اشىپ، مىنالاردى باسا دارىپتەدى: نازاردى نەگىزگى تاقىرىپقا شوعىرلاندىرىپ، ۇيرەنۋدى تەرەڭدەتىپ، بۇقاراعا سۇيەنىپ اشىق تاربيە جۇرگىزىپ، ۇيىمدىق باسشىلىقتى كۇش سالا كۇشەيتىپ، قالىڭ پارتيالى كادرلاردى پارتيالىلىقتى شىڭداپ، يدەيالىق سانانى جوعارىلاتىپ، پارتيا مەن بۇقارانىڭ، كادرلار مەن بۇقارانىڭ قاتىناسىن نىعايتۋعا تاربيەلەۋ، جەتەكتەۋ كەرەك. قىزمەت جوباسىن باسىپ تاراتىپ، 11 ءتۇرلى تياناقتاندىرۋ شاراسىن ورتاعا قويىپ، ۇيرەنۋ تاربيەسىن كۇندەلىكتى تۇرمىسپەن توعىستىرۋدى، ۇنەمى يگەرۋدى تالاپ ەتتى. تاربيە ارقىلى ۇيرەنۋگە دەم بەرۋدى مىقتى يگەرىپ، بۇكىل ولكەدەگى ءار دارەجەلى پارتيا مەكتەپتەرىنەن (اكىمشىلىك شۋەيۋاندارى)، كادرلار شۋەيۋاندارىنان نەگىزگى تاقىرىپتىق كلاستارعا قاتىستى ساباقتاردى ورنالاستىرىپ، جياڭشيدىڭ مول قىزىل بايلىعىنان پايدالانىپ ۇيرەنۋدى ورىستەتۋگە باسا ءمان بەرىپ، باۋراۋ قۋاتى مەن ناقتى ونىمدىلىگىن كۇشەيتۋ كەرەك.

سىچۋان ولكەلىك پارتكومنىڭ پارتيا قۇرىلىسىنا باسشىلىق ەتۋ گرۋپپاسى ءماجىلىس اشىپ، «بۇكىل ولكەدە ورتالىقتىڭ سەگىز ءتۇرلى بەلگىلەمەسىنىڭ رۋحىن ىشكەرىلەي دايەكتىلەندىرۋ جونىندەگى اتقارۋ جوباسىن» قاراپ ماقۇلدادى. جوبادا مىنالار تالاپ ەتىلدى: شوعىرلى زەرتتەۋ - تالقى ورىستەتۋ، اۋدان، باسقارما دارەجەلىدەن جوعارى باسشىلىق القا كىتاپ وقۋ كلاسىن اشۋ؛ ۇنەمىلىك ۇيرەنۋ ورىستەتىپ، ۇيرەنۋ تاربيەسىنە قاتىستى مازمۇنداردى پارتيا مۇشەلەرىنىڭ ۇيرەنۋ، پايدالانۋ تىزىمدىگىنە ”اي سايىن جەتكىزۋگە“ ەنگىزىپ، ”پاك سىچۋان“ جالپىلىق اقپارات قۇرالى بازاسىنان ويداعىداي پايدالانۋ؛ باۋلۋ، ءتۇسىندىرۋ قىزمەتىن ورىستەتىپ، ءار دارەجەلى پارتيا مەكتەپتەرى (اكىمشىلىك شۋەيۋان)، كادرلار شۋەيۋاندارى ۇيرەنۋ تاربيەسىنە قاتىستى مازمۇنداردى ءتۇرلى نەگىزگى تاقىرىپتىق كلاستارعا ەنگىزۋ كەرەك.

حاينان ولكەسى «ورتالىقتىڭ سەگىز ءتۇرلى بەلگىلەمەسىنىڭ رۋحىن ىشكەرىلەي دايەكتىلەندىرۋ، تاربيەلەۋ، باۋلۋ قىزمەت جوباسىن» جاساپ، نەگىزگى تاقىرىپتىق كلاستاردى ناقتى يگەرۋ، وقىتۋشىلار قامباسىن جانە ساباق قامباسىن ويداعىداي قۇرۋ، ءتۇيىندى وبيەكتىلەردى ويداعىداي يگەرۋ سىندى 3 جاقتان 9 ءتۇرلى شارانى العا قويىپ، پارتيالى كادرلاردى باس شۋجي شي جينپيڭنىڭ پارتيانىڭ ستيل قۇرىلىسىن كۇشەيتۋ جونىندەگى ماڭىزدى بايىمداۋلارىن جانە ورتالىقتىڭ سەگىز ءتۇرلى بەلگىلەمەسىنىڭ جانە ونى اتقارۋدىڭ ناقتى ەرەجەسىنىڭ رۋحىن ىشكەرىلەي ۇيرەنۋگە، تۇسىنۋگە ۇيىمداستىردى. ءار دارەجەلى پارتيا مەكتەپتەرىنىڭ (اكىمشىلىك شۋەيۋاندارى) تاربيەلەۋ، باۋلۋ نەگىزگى شەپتىك رولىن ساۋلەلەندىرىپ، ءتۇسىندىرۋ، باۋلۋدى كورنەكتىلەندىرىپ، زەرتتەۋ ـ تالقىلاۋ، اۋىس ـ كۇيىس جاساۋعا ءمان بەرىپ، ناق مايداندا سەزىنۋدى كۇشەيتىپ، پارتيالى كادرلاردىڭ ۇيرەنۋ جەتىستىكتەرىن پارتيالىلىقتى شىڭداۋدىڭ، ستيلدى جاقسارتۋدىڭ سانالى ارەكەتىنە اينالدىرۋدى ىلگەرىلەتۋ كەرەك.

ۇيرەنۋ مەن قولدانۋدى ۇشتاستىرىپ، ناقتى ونىمدىلىككە تالپىندى

جەر ـ جەر ۇيرەنۋدى، تەكسەرۋدى، تۇزەتۋدى ءبىر تۇلعالاندىرىپ ىلگەرىلەتىپ، ستيل قۇرىلىسىنىڭ ۇدايىلانۋىن، تۇزىمدەنۋىن ىلگەرىلەتىپ، ۇيرەنۋ تاربيەسى جەتىستىكتەرىن دامۋدى ىلگەرىلەتۋدىڭ ءىس جۇزىندىك ونىمدىلىگىنە اينالدىردى.

حيلۇڭجياڭ ولكەلىك پارتكوم اتقارۋ جوباسىن جاساپ، ۇيرەنۋ، تالقىلاۋ، ماسەلەلەردى تەكسەرىپ ورتاعا قويۋ، شوعىرلى جونگە سالۋ، اشىق تاربيە سىندى 4 ءتۇيىندى مىندەتتى ارقاۋ ەتىپ، ارناۋلى كىتاپ وقۋ كلاسىن اشۋ، ساتىعا، تۇرگە ءبولىپ تاربيەلەۋ، تيپتىك دەلولارعا ىشكەرىلەي تالداۋ جاساۋ، شوعىرلى جونگە سالۋ بويىنشا ”قايتا قاداعالاۋ“ سياقتى 18 ءتۇرلى ناقتى شارانى اشالاپ، قاتاڭ دا ناقتى شارا ارقىلى ۇيرەنۋدى، تەكسەرۋدى، تۇزەتۋدى ءبىر تۇتاس ىلگەرىلەتىپ، ۇيرەنۋدىڭ ساپالى، تەبىندى بولۋىنا، تۇزەتۋدىڭ ءونىمدى بولۋىنا شىنايى كەپىلدىك ەتتى.

انحۇي ولكەلىك پارتكوم بۇكىل ولكەنىڭ ۇيرەنۋ تاربيەسى اتقارۋ جوباسىن جاساپ، 13 ءتۇيىندى شارانى ايقىنداپ، دەرەۋ تەكسەرىپ، دەرەۋ تۇزەتۋگە، دەرەۋ وزگەرتۋگە ءمان بەرىپ، 11 جاقتاعى كورنەكتى ماسەلەگە نازار اۋدارىپ، ناقتى بەينەنى ءبىر - بىرلەپ ءتىزىپ، رەتتەۋ - تۇزەتۋ شارالارىن بەلگىلەدى. قىزمەتتى ۇشتاستىرۋعا باسا ءمان بەرىپ، پارتيالى كادرلاردى قىزمەت ورنىن تياناق ەتىپ، جوعارى ساپالى دامۋدى ىلگەرىلەتۋ، نەگىزگى ساتىنى جونگە سالۋدى كۇشەيتۋ، شۇعىل، قيىن، قاتەرلى، اۋىر مىندەتتەردى ورىنداۋ بارىسىندا جاۋاپكەرشىلىك ارقالاپ، ىسكەرلىك كورسەتۋگە، بۇقاراعا قىزمەت وتەۋگە تاربيەلەدى، جەتەكتەدى.

گۇيجوۋ ولكەلىك پارتكومنىڭ تۇراقتى كوميتەت ءماجىلىسى جانە ولكەلىك پارتكومنىڭ پارتيا قۇرىلىسى قىزمەتىنە باسشىلىق ەتۋ گرۋپپاسىنىڭ ءماجىلىسى اشىلىپ، 6 جاقتان 50 ءتۇرلى قىزمەت مىندەتى تىزىمدىگى اشالانىپ، مىنالار تالاپ ەتىلدى: ءار دارەجەلى پارتيا ۇيىمدارى جەتە ۇيرەنۋ، ىشكەرىلەي تەكسەرۋ، شىنايى تۇزەتۋ، ونىمدىلىككە قول جەتكىزۋ جاعىنا كۇش سالىپ، نىسانانى باعدار ەتۋدى، ماسەلەنى باعدار ەتۋدى، ونىمدىلىكتى باعدار ەتۋدى كورنەكتىلەندىرىپ، ماسەلەلەردى جاپپاي ىشكەرىلەي تەكسەرىپ تاۋىپ، شىنداپ كىرىسىپ، قيىن تۇيىندەردەن قامال الىپ، رەتتەۋ ـ تۇزەتۋدى ويداعىداي يگەرۋى كەرەك.

گانسۋ ولكەلىك پارتكوم ءتۇيىندى مىندەتتەردى 12 ءتۇرلى ىلگەرىلەتۋ شاراسىنا اشالاپ، ماسەلەنى نىشان ەتۋدى كورنەكتىلەندىرىپ، ءار دارەجەلى باسشىلىق القالارى مەن باسشى كادرلاردان باستاماشىلدىقپەن ماسەلەنى تاۋىپ، ءتۇپ تامىرىن قازىپ، ەسەپ داپتەرى ۇلگىسىندە باسقارۋدى جولعا قويىپ، نىسانعا اينالدىرىپ ىلگەرىلەتۋدى تالاپ ەتتى؛ ۇيرەنۋ تاربيەسىن ورىستەتۋدى پارتيا ورتالىق كوميتەتىنىڭ شەشىمدەرىن، ورنالاستىرۋلارىن تياناقتاندىرۋمەن، بۇكىل ولكەنىڭ ەكونوميكاسىنىڭ، قوعامىنىڭ جوعارى ساپالى دامۋىن جەدەلدەتۋمەن ۇشتاستىرىپ، حالىق تۇرمىسىنداعى ناقتى ىستەردى بار كۇشپەن ويداعىداي ىستەپ، قىزمەت ستيلىنە بۇرىلىس جاساۋ ارقىلى قىزمەت ساپاسىنىڭ جوعارىلاۋىن جەبەۋدى تالاپ ەتتى.

(«حالىق گازەتىنىڭ» تىلشىلەرى ۋ چۋچي، حان جۇنجيە، تيان دۋدۋ، جاڭ ۋىن، جوۋ ياجۇن، حاۋ يىڭسان، شىن جىلين، سۇڭ حاۋشين، جاڭ چىڭ، چيۇڭدا جوگا، ليۋ مىڭدان، جىڭ ياڭياڭ، جاۋ شۋايجيە، جوۋ حۋان، سۋ بين)

كەلۋ قاينارى: حالىق تورابى