جاۋ لىجي فينلانديانىڭ پارلامەنت باستىعى حاللا - احومەن كەڭەس وتكىزدى

شينحۋا اگەنتتىگى، 4 ـ ايدىڭ 7 ـ كۇنى، بەيجيڭ. مەملەكەتتىك حالىق قۇرىلتايى تۇراقتى كوميتەتىنىڭ باستىعى جاۋ لىجي 4 ـ ايدىڭ 7 ـ كۇنى تۇستەن كەيىن حالىق سارايىندا فينلانديانىڭ پارلامەنت باستىعى حاللا ـ احومەن كەڭەس وتكىزدى.

جاۋ لىجي مىنالاردى ءبىلدىردى: فينلانديا زۇڭتۇڭى − جاڭا جۇڭگونى ەڭ ەرتە مويىنداعان ءارى ديپلوماتيالىق قارىم - قاتىناس ورناتقان باتىس ەلدەرىنىڭ ءبىرى. بىلتىر ءتوراعا شي جينپيڭ جۇڭگوعا مەملەكەتتىك ساپارمەن كەلگەن ستۋب زۇڭتۇڭمەن كەڭەس وتكىزىپ، ماڭىزدى ورتاق تانىمعا كەلىپ، جۇڭگو ـ فينلانديا قارىم ـ قاتىناسىنىڭ اناعۇرلىم كوركەم، كەڭ بولاشاعىن بىرگە اشتى. بيىل − جۇڭگو مەن فينلانديانىڭ ديپلوماتيالىق قارىم - قاتىناس ورناتقاندىعىنىڭ 75 جىلدىعى، جۇڭگو جاق فينلانديا جاقپەن بىرگە ەكى ەل باسشىلارىنىڭ ماڭىزدى ورتاق تانىمىن ويداعىداي تياناقتاندىرىپ، جۇڭگو مەن فينلانديانىڭ بولاشاققا بەت العان جاڭاشا سەلبەستىك سەرىكتەستىك قارىم - قاتىناسىنىڭ ۇزدىكسىز دامۋىن ىلگەرىلەتۋدى قالايدى.

جاۋ لىجي مىنالاردى اتاپ كورسەتتى: جۇڭگو ـ فينلانديا قارىم ـ قاتىناسىنىڭ اقاۋسىز، ورنىقتى دامۋىنداعى ەڭ ماڭىزدى سەبەپ − باستان ـ اياق ءوزارا قۇرمەت ەتۋگە، تەڭ تۇرعىدا مامىلە جاساۋعا تاباندى بولىپ، ءبىر ـ ءبىرىنىڭ وزەكتى مۇددەسى مەن كوڭىل ءبولىپ وتىرعان كەلەلى ماسەلەلەرىنە كوڭىل ءبولۋ. ەكى جاق ديپلوماتيالىق قارىم - قاتىناس ورناتۋ اۋەلگى ماقساتىنان جازباي، ەكى ەلدىڭ دوستىق سەلبەستىگىنە باستان ـ اياق ستراتەگيالىق جانە ۇزاق بولاشاقتىق تۇرعىدان مامىلە جاساۋى جانە ونى دامىتۋى كەرەك. فينلانديا جاقتىڭ ءبىر جۇڭگو پرينسيبىنە تاباندى بولىپ، جۇڭگو جاقتىڭ مەملەكەتتىڭ يەلىك ۇقىعى مەن تەرريتوريا تۇتاستىعىن قورعاۋداعى زاڭدى ۇقىعىن ءتۇسىنىپ جانە قولداپ، ەكى ەلدىڭ ساياسي ءوزارا سەنىم نەگىزىن بەكەمدەۋىن ءۇمىت ەتەمىن. جۇڭگو رەفورمانى ونان ارى جاپپاي تەرەڭدەتىپ، جوعارى دەڭگەيدە سىرتقا ەسىك اشۋدى كەڭەيتۋدە، بۇل ەكى ەلدىڭ سەلبەستىگىنە تىڭ وراي اكەلەدى، ەكى جاقتىڭ سەلبەستىكتى كەڭەيتىپ، ءوزارا پايدا جەتكىزىپ، تەڭ يگىلىككە كەنەلۋىن ءۇمىت ەتەمىن. جۇڭگو جاق فينلانديا جاقپەن ساياسي پارتيا، گۋمانيتارلىق، جاستار سياقتى سالالارداعى اۋىس ـ كۇيىستى تەرەڭدەتىپ، ەكى جاقتى قارىم - قاتىناستىڭ حالىق رايى نەگىزىن بەكەمدەۋدى قالايدى. فينلانديا جاقتىڭ بەلسەندى رولىن ۇزدىكسىز ساۋلەلەندىرىپ، جۇڭگو ـ فينلانديا، جۇڭگو ـ ەۆروپا قارىم ـ قاتىناسىندا ءبىرىن ـ ءبىرى جەبەپ، بىرگە دامۋدى ىلگەرىلەتۋىن ءۇمىت ەتەمىن.

جاۋ لىجي مىنالاردى باسا دارىپتەدى: جۇڭگو مەملەكەتتىك حالىق قۇرىلتايى فينلانديا پارلامەنتىمەن ءداستۇرلى دوستىقتى جالعاستىرىپ، زاڭ شىعارۋ قۇرىلىمدارىنىڭ جوعارى جىكتەگىلەرىنىڭ، ارناۋلى كوميتەتتەردىڭ، ەكى جاقتى دوستىق گرۋپپالارىنىڭ، حالىق قۇرىلتايى ۋاكىلدەرى مەن پارلامەنت مۇشەلەرىنىڭ اۋىس ـ كۇيىسىن، سەلبەستىگىن نىعايتۋدى قالايدى. جۇڭگو مەن فينلانديانىڭ مەملەكەتتى جونگە سالۋ، دامۋ ۇستانىمى، جاڭالىق اشۋ جۇيەسى سياقتى جاقتاردا ءوز ەرەكشەلىكتەرى بار، ەكى ەلدىڭ زاڭ شىعارۋ قۇرىلىمدارى وسى جونىندە ءوزارا ۇيرەنۋدى، ءوزارا ۇلگى الۋدى ورىستەتىپ، زاڭ شىعارۋ، باقىلاۋ سياقتى فۋنكتسيالىق رولىن ساۋلەلەندىرىپ، ەكى ەلدىڭ ناقتى سەلبەستىگىنە تاماشا، ورنىقتى زاڭدىق ورتا ازىرلەۋى؛ ءار ەل پارلامەنت وداعى سياقتى كوپ جاقتى ورىنداردا سايكەسۋدى، سەلبەسۋدى كۇشەيتۋى كەرەك.

جاۋ لىجي جۇڭگونىڭ جالپى بارىستىق حالىق دەموكراتياسىنا قاتىستى جاعدايلاردى تانىستىرىپ، جۇڭگونىڭ مەملەكەتتىك حالىق قۇرىلتايىنىڭ فينلانديا پارلامەنتىمەن دەموكراتيانى دامىتۋ، زاڭمەن جونگە سالۋدى كەمەلدەندىرۋ سياقتى جاقتاردا اۋىس ـ كۇيىستى كۇشەيتۋدى قالايتىندىعىن ءبىلدىردى.

حاللا - احو مىنالاردى ءبىلدىردى: جۇڭگو − تاريحى ۇزاق ۇلى مەملەكەت، عىلىم ـ تەحنيكا، جاڭالىق اشۋ سياقتى سالالارداعى دامۋ جەتىستىكتەرى جۇرت نازارىن اۋداردى. فينلانديا ءبىر جۇڭگو ساياساتىنا تاباندى بولادى ءارى ونى ۇزدىكسىز اتقارادى، جۇڭحۋا حالىق رەسپۋبليكاسى ۇكىمەتى بۇكىل جۇڭگوعا ۋاكىلدىك ەتەتىن بىردەن - ءبىر زاڭدى ۇكىمەت دەپ قارايدى، ءوزارا قۇرمەت ەتۋ جانە سەنىم ارتۋ نەگىزىندە، ناقتى سەلبەستىكتى ىلگەرىلەتىپ، ەركىن ساۋدانى قورعاپ، ورتاق ءدوپ كەلىپ وتىرعان سىن - سايىسقا توتەپ بەرۋدى قالايدى. فينلانديا پارلامەنتى جۇڭگو مەملەكەتتىك حالىق قۇرىلتايىمەن بارىس - كەلىستى كۇشەيتىپ، فينلانديا - جۇڭگو قارى - قاتىناسىن تەرەڭدەتۋدە بەلسەندى رول اتقارۋدى ءۇمىت ەتەدى.

كەلۋ قاينارى: حالىق تورابى