ۋاڭ حۋنيڭ فينلانديانىڭ پارلامەنت باستىعى حاللا - احومەن كەزدەستى

شينحۋا اگەنتتىگى، 4 ـ ايدىڭ 7 ـ كۇنى، بەيجيڭ. مەملەكەتتىك ساياسي كەڭەستىڭ ءتوراعاسى ۋاڭ حۋنيڭ 4 ـ ايدىڭ 7 ـ كۇنى بەيجيڭدە فينلانديانىڭ پارلامەنت باستىعى حاللا - احومەن كەزدەستى.

ۋاڭ حۋنيڭ مىنالاردى ءبىلدىردى: جۇڭگو مەن فينلانديا ديپلوماتيالىق قارىم - قاتىناس ورناتقان 75 جىلدان بەرى ەكى ەل قارىم - قاتىناسى ورنىقتى، اقاۋسىز دامىدى. بىلتىر ءتوراعا شي جينپيڭ جۇڭگوعا مەملەكەتتىك ساپارمەن كەلگەن ستۋب زۇڭتۇڭمەن كەڭەس وتكىزىپ، سەرىكتەستىك قارىم - قاتىناستى كۇشەيتۋ، ءوزارا ءتيىمدى سەلبەستىكتى تەرەڭدەتۋ جونىندە كەڭ كولەمدى ورتاق تانىمعا كەلدى. جۇڭگو جاق فينلانديا جاقپەن بىرگە ەكى ەلدىڭ مەملەكەت باسشىلارى جاساعان جوبا بويىنشا ساياسي سەنىمدىلىكتى بەكەمدەپ، ناقتى سەلبەستىكتى كەڭەيتىپ، گۋمانيتارلىق اۋىس ـ كۇيىستى تەرەڭدەتىپ، جۇڭگو مەن فينلانديانىڭ بولاشاققا بەت العان جاڭاشا سەلبەستىك سەرىكتەستىك قارىم - قاتىناسىنىڭ مازمۇنىن ۇزدىكسىز بايىتۋدى قالايدى. جۇڭگو مەملەكەتتىك ساياسي كەڭەسى جۇڭگو - فينلانديا قارىم - قاتىناسىنىڭ دامۋىنا ۇلەس قوسۋدى قالايدى.

حاللا – احو مىنالاردى ءبىلدىردى: جۇڭگو ۇزاق تاريحقا يە، قازىرگى دۇنيە جۇزىندەگى ەڭ ومىرشەڭدىك كۇشكە يە نەگىزگى ەكونوميكالىق تۇلعالاردىڭ ءبىرى. بيىل − فينلانديا مەن جۇڭگونىڭ ديپلوماتيالىق قارىم ـ قاتىناس ورناتقاندىعىنىڭ 75 جىلدىعى. فينلانديا ءبىر جۇڭگو ساياساتىنا تاباندى بولادى، جۇڭگومەن ءوزارا قۇرمەت ەتۋگە، ءوزارا سەنىم ارتۋعا تاباندى بولىپ، سەلبەستىكتى كۇشەيتىپ، فينلانديا - جۇڭگو، ەۆروپا - جۇڭگو قارىم - قاتىناسىنىڭ دامۋىن جەبەپ، سىن - سايىسقا بىرگە توتەپ بەرۋدى قالايدى. فينلانديا پارلامەنتى بۇل جونىندە بەلسەندى قۇلشىنىس جاساۋعا پەيىل.

ۋاڭ دۇڭفىڭ قاتارلىلار كەزدەسۋدە بىرگە بولدى.

كەلۋ قاينارى: حالىق تورابى