سۋ يگىلىگى مينيسترلىگى قاتارلى 5 تاراۋ سۋ ۇنەمدەۋ ءتۇزىمى ساياسات جۇيەسىن جاپپاي ورناتتى

شينحۋا اگەنتتىگىنىڭ 4 – ايدىڭ 9 – كۇنى بەيجيڭنەن بەرگەن حابارى. ءتىلشىنىڭ 4 – ايدىڭ 9 – كۇنى سۋ يگىلىگى مينيسترلىگىنەن ۇعىسۋىنشا، سۋ يگىلىگى مينيسترلىگى قاتارلى 5 تاراۋ تاياۋدا «سۋ ۇنەمدەۋ ءتۇزىمى ساياسات جۇيەسىن جاپپاي ورناتۋ جونىندەگى پىكىردى» بىرلەسىپ باسىپ تاراتىپ، اۋىل شارۋاشىلىعىندا سۋ ۇنەمدەپ، ونىمدىلىكتى ارتتىرۋ، ونەركاسىپتە سۋ ۇنەمدەپ، لاس شىعارۋدى ازايتۋ، قالا - قالاشىقتاردا سۋ ۇنەمدەپ، زياندى ازايتۋ سىندى ”ءۇش ۇلكەن سالا“ ءتۇزىم جۇيەسىن ورناتتى جانە كەمەلدەندىردى.

سۋ يگىلىگى مينيسترلىگىنىڭ قاتىستى جاۋاپتىسى تانىستىرىپ بىلاي دەدى: پىكىردە سۋ ۇنەمدەۋ ءتۇزىمى ساياسات جۇيەسىنىڭ جوعارى دەڭگەيلى جوباسى، جالپى تۇلعالىق جوباسى جاپپاي كۇشەيتىلىپ، ءتۇزىم جۇيەسىنىڭ جۇيەلىلىگى، كەمەلدىلىگى، سايكەسىمدىلىگى ارقىلى سۋ ۇنەمدەۋ ىستەرىنىڭ جوعارى ساپالى دامۋىن ىلگەرىلەتۋ ماقسات ەتىلدى.

پىكىردە مىنالار العا قويىلدى: 2030 ـ جىلعا بارعاندا، ەلىمىزدىڭ سۋ ۇنەمدەۋ ساياساتى، زاڭدىق ەرەجەلەرى، ولشەمدەرى اناعۇرلىم كەمەلدەنىپ، باسقارۋ ونىمدىلىگى كۇشەيىپ، بۇكىل ەل بويىنشا سۋدان پايدالانۋ جالپى مولشەرى قاتاڭ تىزگىندەلەدى، 10 مىڭ يۋاندىق ىشكى ءوندىرىستىڭ جالپى ءونىم قۇنىنداعى سۋ ىستەتۋ مولشەرى مەن 10 مىڭ يۋاندىق ونەركاسىپتىڭ ارتقان قۇنىنداعى سۋ ىستەتۋ مولشەرى 2025 ـ جىلداعىدان %10 تەن استام تومەندەپ، ەگىس اتىزدارىن سۋاراتىن سۋدان ءونىمدى پايدالانۋ كوەففيتسەنتى 0.6 دان جوعارىلاپ، ەرەكشە بەلگىلەنگەن سۋدان پايدالانۋ كولەمى 30 ميلليارد تەكشە مەتردەن اسادى؛ 2035 - جىلعا بارعاندا، سوتسياليستىك وسىزامانداندىرۋدى نەگىزىنەن جۇزەگە اسىرۋعا ۇيلەسەتىن سۋ ۇنەمدەۋ ءتۇزىمى ساياسات جۇيەسى قالىپتاسىپ، سۋ بايلىعىن ۇنەمدى، شوعىرلى پايدالانۋ دۇنيە جۇزىلىك وزىق ورەگە جەتەدى.

پىكىردە مىنالار ايقىن بەلگىلەندى: اۋىل شارۋاشىلىعىندا سۋ ۇنەمدەپ، ونىمدىلىكتى ارتتىرۋ ءتۇزىمىن، ساياساتىن جەدەل كەمەلدەندىرىپ، عىلىمي سۋارۋ ءتۇزىمى جۇيەسىن، سۋدان پايدالانۋدى ولشەۋ، باقىلاۋ جۇيەسىن، اۋىل شارۋاشىلىق سۋ باعاسى ساياسات جۇيەسىن، سۋ ۇنەمدەۋ بازارى ءتۇزىمى جۇيەسىن، سۋ ۇنەمدەۋ تەحنيكاسى مەن قىزمەت وتەۋ جۇيەسىن ورناتۋ جانە كەمەلدەندىرۋ كەرەك. ونەركاسىپتە سۋ ۇنەمدەپ، لاس شىعارۋدى ازايتۋ ءتۇزىم، ساياساتىن جەدەل كەمەلدەندىرىپ، نورما بەلگىلەپ باسقارۋ جۇيەسىن، دالمە - ءدال ولشەۋ جۇيەسىن، اينالمالى پايدالانۋ جۇيەسىن، سۋدان پايدالانۋ ۇقىعىن ساۋدالاۋ جۇيەسىن، سۋ ۇنەمدەۋ كاسىبىن دامىتۋ جۇيەسىن ورناتۋ جانە كەمەلدەندىرۋ كەرەك. قالا ـ قالاشىقتاردا سۋ ۇنەمدەپ، زياندى ازايتۋ ءتۇزىم، ساياساتىن جەدەل كەمەلدەندىرىپ، سۋ مەجە ەسەبىن باسقارۋ جۇيەسىن، سۋ باعاسى، سۋ بايلىعى باجىسىن باسقارۋ جۇيەسىن، سۋ ۇنەمدەۋدى توقتام بويىنشا باسقارۋ جۇيەسىن، قايتا تۋىندايتىن سۋدان پايدالانۋدى باسقارۋ جۇيەسىن، سۋ ۇنەمدەيتىن قوعامدىق باسقارۋ جۇيەسىن ورناتۋ جانە كەمەلدەندىرۋ كەرەك.

كەلۋ قاينارى: حالىق تورابى