دەنساۋلىققا ساياتىن تۇتىنۋدى ىلگەرىلەتەدى! بۇل جوبادا 10 ءتۇرلى جاقتاعى ءتۇيىندى مىندەتتەر ايقىن تۇراقتاندىرىلعان 

ساۋدا مينيسترلىگى قاتارلى تاراۋلار جۋىردا دايىنداعان «دەنساۋلىققا ساياتىن تۇتىنۋدى ىلگەرىلەتۋ جاعىنداعى ارناۋلى ارەكەت جوباسى» 4 – ايدىڭ 9 – كۇنى جاريالاندى.

جوبادا اقاۋسىز ازىقتىقتاردى تۇتىنۋ ورەسىن جوعارىلاتۋ، ەرەكشە ازىق – تۇلىكتەر بازارىنداعى قامداۋدى جاقسارتۋ، اقاۋسىز ارەكەت جاعىنداعى تۇتىنۋ تۇرلەرىن بايىتۋ، دەنە تاربيە – ساياحات كاسىپ سالاسىن كۇش سالا دامىتۋ، قارتتارعا باعىتتالعان بازارداعى قىزمەت وتەۋ قۋاتىن كۇشەيتۋ، دەنساۋلىق جاعىنداعى جاڭا تيپتى قىزمەت وتەۋ كۇيىن زورايتۋ، دەنساۋلىققا ساياتىن كاسىپ سالاسىن كوپ نەگىزدى دامۋعا جەتەلەۋ، ءدارى – دارمەك دۇكەندەرىنىڭ دەنساۋلىقتى جاقسارتۋ جاعىنداعى ىلگەرىلەتۋ يقۋاتىن كۇشەيتۋ، دەنساۋلىققا ساياتىن تۇتىنۋدى ىلگەرىلەتۋ جاعىنداعى قيمىلداردى ۇيىمداستىرۋ، دەنساۋلىققا ساياتىن دۇرىس تانىمدار مەن بىلىمدەردى ۇگىتتەۋ جانە جالپىلاستىرۋ سىندى 10 ءتۇرلى جاقتاعى ءتۇيىندى مىندەتتەر ورتاعا قويىلعان.

مۇندا مىنالار ايقىن تۇراقتاندىرىلعان: ازىق – تۇلىكتەرگە زاڭسىز تۇردە قوسپا قوسۋعا سوققى بەرىپ، ورگانيكالىق ازىقتىقتاردى كۋالاندىرۋدىڭ ونىمدىلىگىنە ۇلگى الىپ تەكسەرۋ جۇرگىزۋ. قۋاتتىق ازىق – تۇلىكتەردى الدىن الا تەكسەرىپ باعالاۋ جانە سوڭىنان باعا بەرۋ مەحانيزمىن كەمەلدەندىرۋ. قۋاتتىق ازىق – تۇلىكتەر، قارتتار مەن بوبەكتەرگە قاتىستى بۇيىمدار قاتارلى سالالاردا باعاعا قاتىستى زاڭعا قايشى ارەكەتتەرگە سوققى بەرۋ تەبىنىن كۇشەيتۋ. جەرگىلىكتى ورىنداردىڭ دەنە تاربيە باقشاسى، دەنە شىنىقتىرۋعا ارنالعان جاياۋلار جولى، جالپى حالىقتىق دەنە شىنىقتىرۋ ورتالىعى، قوعامدىق فۋتبول الاڭى قاتارلى الاڭ قۇرىلىستارىن سالۋىنا قولداۋ كورسەتۋ. ”دەنە تاربيە جارىستارىنىڭ كورىنىس رايوندارىندا وتكىزىلۋى، مالىلەر مەن الەۋمەتتىك اۋماقتاردا وتكىزىلۋى، ساۋدالىق اۋماقتاردا وتكىزىلۋى“، ”جارىستاردى كورە ءجۇرىپ ساياحاتتاۋ“، ”دالادا ارەكەتتەنىپ، ”تاۋ – وزەندى تاماشالاۋ“ قاتارلى قيمىلداردى ىشكەرىلەي ورىستەتۋ. قارتتاردىڭ وتباسىن قارتتارعا ۇيلەسىمدى ەتىپ وزگەرتۋگە قولداۋ كورسەتۋ، قارتتارعا ۇيلەسىمدى بۇيىمداردى زەرتتەپ جاساۋ. ساۋىقتىرۋ ەمحاناسىن، كۇتىمحانالاردى، الاڭسىز ەمدەلۋ - كۇتىمدەلۋ قۇرىلىمدارىن جەدەل قۇرىپ، ەمدەۋ – دەنساۋلىق ساقتاۋ قۇرىلىمدارىنىڭ ەمدەۋ مەن كۇتىمدەۋدى ۇشتاستىرعان قىزمەت وتەۋ تۇرلەرىن ورىستەتۋىنە قولداۋ كورسەتۋ. ءدارى – دارمەكتى بولشەك ساتاتىن دۇكەندەردى دەنساۋلىقتى جاقسارتۋ، قورەكتىك سيلاۋ – قۋاتتاندىرۋ قاتارلى يقۋاتتارىن كەڭەيتۋگە جەتەلەۋ.

كەلۋ قاينارى: حالىق تورابى