شينجياڭ اۋا رايى ستانسياسى قۇمدى بوراننان ساقتانۋدىڭ سارى ءتۇستى ساقتىق سيگنالىن جاريالادى

جۇڭگو اۋا رايى تورابىنىڭ حابارىنا قاراعاندا، 4 – ايدىڭ 10 - كۇنى ساعات 16 دان 53 مينۋت وتكەندە، شينجياڭ اۋا رايى ستانسياسى قۇمدى بوراننان ساقتانۋدىڭ سارى ءتۇستى ساقتىق سيگنالىن جاريالاعان: مەجەمەن 4 – ايدىڭ 10 – كۇنى تۇننەن 11 – كۇنى تۇنگە دەيىن، وڭتۇستىك شينجياڭداعى ويپاتتاردىڭ كوپ جەرىندە قيىس شىعىستان 5 بال اينالاسىندا جەل سوعادى، مەزەتتىك جەل كۇشى 7 دە 8 بال بولادى، اقسۋ ايماعىنىڭ شىعىس بولەگى، حوتان ايماعى، بايىنعولىن وبلىسىنىڭ ءىشىنارا وڭىرلەرىندە جانە قاشقار ايماعىنىڭ شىعىس بولەگى، تۇرپان قالاسى، قۇمىل قالاسى قاتارلى جەرلەردىڭ ءىشىنارا وڭىرلەرىندە قۇمدى بوران سوعادى، ساقتانۋدى كۇشەيتىڭىزدەر.

4 – ايدىڭ 11 – كۇنى تۇننەن 12 – كۇنى كۇندىزگە دەيىن، وڭتۇستىك شينجياڭنىڭ باتىس بولەگىندەگى، بايىنعولىن وبلىسىنىڭ وڭتۇستىك بولەگىندەگى تاۋلى وڭىرلەردىڭ ءىشىنارا وڭىرلەرىندە سەبەزگى جاڭبىر جاۋادى، تاۋلى وڭىرلەردە قار ارالاس جاڭبىر نەمەسە جاڭبىر ارالاس قار جاۋادى، مۇنىڭ ىشىندە وڭتۇستىك شينجياڭنىڭ باتىس بولەگىندەگى تاۋلى وڭىرلەردە، حوتان ايماعىنىڭ تاۋلى وڭىرلەرىندە، اقسۋ ايماعىنىڭ باتىس بولەگىندەگى، سولتۇستىك بولەگىندەگى تاۋلى وڭىرلەردىڭ ءىشىنارا وڭىرلەرىندە ورتاشادان باستاپ قالىڭ جاڭبىر نەمەسە قار جاۋادى، تاۋلى وڭىرلەردىڭ ءىشىنارا جەرلەرىندە نوسەر نەمەسە قار جاۋادى. ىلە اڭعارىنىڭ باتىس بولەگى، تارباعاتاي ايماعىنىڭ سولتۇستىك بولەگى، التاي ايماعىنىڭ باتىس بولەگى، ءۇرىمجى قالاسى، سانجى وبلىسى قاتارلى جەرلەردە قيىس شىعىستان 5 بال اينالاسىندا جەل سوعادى، مۇنىڭ ىشىندە تارباعاتاي ايماعىنىڭ سارعۋسىن جانە مايتاس جەل رايونى، التاي ايماعىنىڭ نوقاي جەل رايونى، ءۇرىمجى قالاسىنىڭ ۇلانباي جانە حۇڭيانچى قاتارلى جەل وتتەرىندە 8 دە 9 بال جەل سوعادى، وڭتۇستىك شينجياڭ ويپاتىنىڭ ورتا، شىعىس بولەگىندە قيىس شىعىستان 5 بال اينالاسىندا جەل سوعادى، مەزەتتىك جەل كۇشى 7 دە 8 بال بولادى، كەي جەرلەردە قۇمدى بوران سوعادى.

4 – ايدىڭ 12 – كۇنى تۇننەن 13 – كۇنى كۇندىزگە دەيىن، حوتان ايماعىنىڭ تاۋلى رايوندارىندا، بايىنعولىن وبلىسىنىڭ وڭتۇستىك تاۋلى رايوندارىنىڭ ءىشىنارا وڭىرلەرىندە سەبەزگى جاڭبىر جاۋادى، ءىشىنارا تاۋلى رايونداردا قار ارالاس جاڭبىر نەمەسە قار جاۋادى، ءىشىنارا وڭىرلەردە ورتاشا نەمەسە قالىڭ جاڭبىر نەمەسە قار جاۋادى. تارباعاتاي ايماعىنىڭ سولتۇستىك بولەگى، التاي ايماعىنىڭ باتىس بولەگى، ءۇرىمجى قالاسى، سانجى وبلىسى قاتارلى جەرلەردە قيىس شىعىستان 5 بال اينالاسىندا جەل سوعادى، مۇنىڭ ىشىندە تارباعاتاي ايماعىنىڭ سارعۋسىن جانە مايتاس جەل رايونى، التاي ايماعىنىڭ نوقاي جەل رايونى، ءۇرىمجى قالاسىنىڭ ۇلانباي جانە حۇڭيانچى قاتارلى جەل وتتەرىندە 8 دە 9 بال جەل سوعادى.

كەلۋ قاينارى: حالىق تورابى