شي جينپيڭ ۆيەتنام كوممۋنيستىك پارتياسى ورتالىق كوميتەتىنىڭ باس شۋجيى سۋ لينمەن، ۆيەتنامنىڭ مەملەكەت ءتوراعاسى لياڭ چياڭمەن بىرگە جۇڭگو - ۆيەتنام حالىقتارىنىڭ كولەمدى بىرلەسكەن ساۋىق قيمىلىنىڭ ۋاكىلدەرىمەن كەزدەستى

4 - ايدىڭ 15 - كۇنى تۇستەن بۇرىن جۇڭگو كوممۋنيستىك پارتياسى ورتالىق كوميتەتىنىڭ باس شۋجيى، مەملەكەت ءتوراعاسى شي جينپيڭ حانويداعى حالىقارالىق ءماجىلىس ورتالىعىندا ۆيەتنام كوممۋنيستىك پارتياسى ورتالىق كوميتەتىنىڭ باس شۋجيى سۋ لينمەن، ۆيەتنامنىڭ مەملەكەت ءتوراعاسى لياڭ چياڭمەن بىرگە جۇڭگو - ۆيەتنام حالىقتارىنىڭ كولەمدى بىرلەسكەن ساۋىق قيمىلىنىڭ ۋاكىلدەرىمەن كەزدەستى. سۋرەتتە: شي جينپيڭ «تاتۋ كورشىلىك، دوستىق نەگىزگى اۋەنىن اسقاقتاتىپ، تاعدىرلاس بولۋدىڭ جاڭا داستانىن جازايىق» دەگەن تاقىرىپتا ارناۋ ءسوز سويلەۋدە.

سۋرەتتى شينحۋا اگەنتتىگىنىڭ ءتىلشىسى شىن حۇڭ تۇسىرگەن

4 - ايدىڭ 15 - كۇنى تۇستەن بۇرىن جۇڭگو كوممۋنيستىك پارتياسى ورتالىق كوميتەتىنىڭ باس شۋجيى، مەملەكەت ءتوراعاسى شي جينپيڭ حانويداعى حالىقارالىق ءماجىلىس ورتالىعىندا ۆيەتنام كوممۋنيستىك پارتياسى ورتالىق كوميتەتىنىڭ باس شۋجيى سۋ لينمەن، ۆيەتنامنىڭ مەملەكەت ءتوراعاسى لياڭ چياڭمەن بىرگە جۇڭگو - ۆيەتنام حالىقتارىنىڭ كولەمدى بىرلەسكەن ساۋىق قيمىلىنىڭ ۋاكىلدەرىمەن كەزدەستى. سۋرەتتە: قيمىلدىڭ الدىندا شي جينپيڭ سۋليننىڭ، لياڭ چياڭنىڭ سەرىك بولۋىندا جۇڭگو مەن ۆيەتنامنىڭ ديپلوماتيالىق قارىم - قاتىناس ورناتقاندىعىنىڭ 75 جىلدىعى سۋرەت كورمەسىن كورۋدە.

سۋرەتتى شينحۋا اگەنتتىگىنىڭ ءتىلشىسى يىن بوگۋ تۇسىرگەن

4 - ايدىڭ 15 - كۇنى تۇستەن بۇرىن جۇڭگو كوممۋنيستىك پارتياسى ورتالىق كوميتەتىنىڭ باس شۋجيى، مەملەكەت ءتوراعاسى شي جينپيڭ حانويداعى حالىقارالىق ءماجىلىس ورتالىعىندا ۆيەتنام كوممۋنيستىك پارتياسى ورتالىق كوميتەتىنىڭ باس شۋجيى سۋ لينمەن، ۆيەتنامنىڭ مەملەكەت ءتوراعاسى لياڭ چياڭمەن بىرگە جۇڭگو - ۆيەتنام حالىقتارىنىڭ كولەمدى بىرلەسكەن ساۋىق قيمىلىنىڭ ۋاكىلدەرىمەن كەزدەستى. سۋرەتتە: قيمىلدان كەيىن شي جينپيڭ سۋ لين، لياڭ چياڭدارمەن بىرگە ”قىزىل ءتۇستى زەرتتەۋ - ۇيرەنۋ ساپارى“ نىسانىن باستاۋدا.

سۋرەتتى شينحۋا اگەنتتىگىنىڭ ءتىلشىسى شىن حۇڭ تۇسىرگەن

4 - ايدىڭ 15 - كۇنى تۇستەن بۇرىن جۇڭگو كوممۋنيستىك پارتياسى ورتالىق كوميتەتىنىڭ باس شۋجيى، مەملەكەت ءتوراعاسى شي جينپيڭ حانويداعى حالىقارالىق ءماجىلىس ورتالىعىندا ۆيەتنام كوممۋنيستىك پارتياسى ورتالىق كوميتەتىنىڭ باس شۋجيى سۋ لينمەن، ۆيەتنامنىڭ مەملەكەت ءتوراعاسى لياڭ چياڭمەن بىرگە جۇڭگو - ۆيەتنام حالىقتارىنىڭ كولەمدى بىرلەسكەن ساۋىق قيمىلىنىڭ ۋاكىلدەرىمەن كەزدەستى. سۋرەتتە: قيمىلدان كەيىن شي جينپيڭ سۋلينمەن، فان ميڭجىڭمەن بىرگە جۇڭگو - ۆيەتنام تەمىر جولى سەلبەستىك مەحانيزمىنىڭ باستالۋ سالتىنا كۋا بولۋدا.

سۋرەتتى شينحۋا اگەنتتىگىنىڭ ءتىلشىسى يىن بوگۋ تۇسىرگەن

«حالىق گازەتى»، 4 - ايدىڭ 15 - كۇنى، حانوي (تىلشىلەر ياڭ شۋەبو، ۋاڭ جوۋ). 4 - ايدىڭ 15 - كۇنى تۇستەن بۇرىن جۇڭگو كوممۋنيستىك پارتياسى ورتالىق كوميتەتىنىڭ باس شۋجيى، مەملەكەت ءتوراعاسى شي جينپيڭ حانويداعى حالىقارالىق ءماجىلىس ورتالىعىندا ۆيەتنام كوممۋنيستىك پارتياسى ورتالىق كوميتەتىنىڭ باس شۋجيى سۋ لينمەن، ۆيەتنامنىڭ مەملەكەت ءتوراعاسى لياڭ چياڭمەن بىرگە جۇڭگو - ۆيەتنام حالىقتارىنىڭ كولەمدى بىرلەسكەن ساۋىق قيمىلىنىڭ ۋاكىلدەرىمەن كەزدەستى.

ەكى پارتيانىڭ، ەكى ەلدىڭ باسشىلارى ءماجىلىس زالىنا بىرگە كىرگەندە جۇڭگو مەن ۆيەتنامنىڭ ءار سالاسىنداعى دوس قايراتكەرلەر قىزۋ شاپالاق سوقتى.

شي جينپيڭ «تاتۋ كورشىلىك، دوستىق نەگىزگى اۋەنىن اسقاقتاتىپ، تاعدىرلاس بولۋدىڭ جاڭا داستانىن جازايىق» دەگەن تاقىرىپتا ارناۋ ءسوز سويلەدى (تولىق مازمۇنىن «حالىق گازەتىنىڭ» 2 - بەتىنەن وقي الاسىزدار).

شي جينپيڭ قيمىلعا قاتىناسقان ەكى ەل ۋاكىلدەرىنە ىقىلاستى سالەم جولدادى.

شي جينپيڭ بىلاي دەپ اتاپ كورسەتتى: جۇڭگو - ۆيەتنام قارى - قاتىناسىنىڭ نەگىزى حالىقتا، قان تامىرى حالىقتا، كۇش - قۋاتى حالىقتا. ۇزاق ۋاقىتتان بەرى وتاندى جويىلۋدان قول ۇستاسا قۇتقارۋ جولىندا توڭكەرىس ۇشقىنىن تاراتۋدان تىزە قوسا شايقاس جاساپ، مەملەكەتتىڭ تاۋەلسىزدىگى مەن ۇلتتىڭ ازاتتىعىن جۇزەگە اسىرۋعا، ونان وسىزاماندانۋ جورىعىنا بىرگە قادام تاستاۋعا دەيىن، جۇڭگو مەن ۆيەتنام حالقى باستان - اياق ءبىر جاعادان باس، ءبىر جەڭنەن قول شىعارىپ، جۇڭگو - ۆيەتنام دوستىعىنىڭ تاريحي داستانىن بىرگە جازدى.

شي جينپيڭ بىلاي دەپ باسا دارىپتەدى: جۇڭگو مەن ۆيەتنامنىڭ دوستىعى ەكى ەل حالقىنىڭ ءوزارا قارايلاسىپ دەم بەرۋى بارىسىندا تامىر تارتىپ، وركەن جايدى، ەكى ەل حالقى مەملەكەتتىڭ تاۋەلسىزدىگى مەن ۇلتتىڭ ازاتتىعىنا قول جەتكىزۋ ادىلەتتى ىستەرىندە تىزە قوسا شايقاس جاساپ، ”جولداس ۇستىنە باۋىرلاس بولۋ“ تەرەڭ سۇيىسپەنشىلىگىنە قىزىل ءتۇستى بوياۋ قوستى.

جۇڭگو مەن ۆيەتنامنىڭ دوستىعى ەكى ەل حالقىنىڭ ىنتىماقتاسا سەلبەسۋىندە گۇل اشىپ، جەمىس بەردى، ەكى جاق ”التى اناعۇرلىم“ جالپى تۇلعالىق نىساناسىن دانەكەر ەتىپ، ءبىر - ءبىرىنىڭ ءوز ەلىنىڭ مەملەكەت جاعدايىنا ۇيلەسەتىن سوتسياليزم جولىمەن ءجۇرۋىن باتىل قولداپ، سوتسياليستىك قۇرىلىس ىستەرىندە ۇزدىكسىز تىڭ تابىستارعا قول جەتكىزدى. جۇڭگو - ۆيەتنام دوستىعى ەكى ەل حالقىنىڭ ورتاق تالپىنىسى بارىسىندا جالعاسىپ، جوعارى ورەگە كوتەرىلدى، ەكى جاق دۇنيە جۇزىلىك دامۋ باستاماسىن، دۇنيە جۇزىلىك حاۋىپسىزدىك باستاماسىن، دۇنيە جۇزىلىك وركەنيەت باستاماسىن بەلسەنە امالياتتا ايگىلەپ، حالىقارالىق ادىلدىك پەن تۋراشىلدىقتى باتىل قورعاپ، باستان - اياق تاريحتىڭ دۇرىس جاعىندا، ءداۋىردىڭ العا باسۋ جاعىندا باتىل تۇرىپ، ازيا مەن دۇنيە ءجۇزىن اناعۇرلىم كوپ وڭ ەنەرگيامەن قامدادى.

شي جينپيڭ بىلاي دەپ اتاپ كورسەتتى: حالىق − تاريحتى جاراتۋشى، ەكى ەل حالقىنىڭ قولداۋى − جۇڭگو - ۆيەتنام تاعدىرلاس ورتاق تۇلعاسىن قۇرۋدىڭ بەرىك نەگىزى. جاستار − ىستەردىڭ بولاشاعى جانە ءۇمىتى.

جۇڭگو جاق الداعى 3 جىلدا ۆيەتنام جاستارىن جۇڭگوعا بارىپ ”قىزىل ءتۇستى زەرتتەۋ - ۇيرەنۋ ساپارىن“ ورىستەتىپ، ەكى پارتيانىڭ، ەكى ەلدىڭ اعا بۋىن باسشىلارىنىڭ توڭكەرىستىك ءىزىن بويلاپ، جۇڭگو - ۆيەتنام دوستىعىنىڭ قىزىل گەنىن ىزدەپ، جۇڭگو ۇلگىسىندەگى وسىزامانداندىرۋدىڭ سان الۋان بەينەسىن سەزىنىپ، ەكى ەلدىڭ ءوز سوتسياليزم ىستەرىنە جانە ستراتەگيالىق مانگە يە جۇڭگو - ۆيەتنامنىڭ تاعدىرلاس ورتاق تۇلعاسىن قۇرۋعا جاستىق ورالدارىن ارناۋعا ۇسىنىس ەتەدى.

سۋ لين مىنالاردى ءبىلدىردى: باس شۋجي، مەملەكەت ءتوراعاسى شي جينپيڭ ۆيەتنامدا تاريحي ساپاردا بولىپ، ەكى ەلدىڭ ديپلوماتيالىق قارىم - قاتىناس ورناتقاندىعىنىڭ 75 جىلدىعىن جانە گۋمانيتارلىق اۋىس - كۇيىس جىلىن بىرگە قۇتتىقتاپ وتىرعان ساتتە، جۇڭگو - ۆيەتنام حالىقتارىنىڭ كولەمدى بىرلەسكەن ساۋىق قيمىلىن وتكىزۋ ماڭىزدى مانگە يە. دوستىق سەلبەستىك اۋەلدەن ۆيەتنام - جۇڭگو قارىم - قاتىناسىنىڭ نەگىزگى اعىمى بولىپ كەلەدى، جۇڭگو پارتياسى، ۇكىمەتى جانە حالقى ۆيەتنامنىڭ ۇلت تاۋەلسىزدىگى، مەملەكەتتىڭ تۇتاستىعى جانە قۇرىلىسى بارىسىندا قالتقىسىز كومەك كورسەتتى، ۆيەتنام جاق مۇنى ماڭگى ۇمىتپايدى. ستراتەگيالىق مانگە يە تاعدىرلاس ورتاق تۇلعا قۇرۋ ۆيەتنام - جۇڭگو قارىم - قاتىناسىنىڭ جاڭا كەزەڭگە وتۋىنە جەتەكشىلىك ەتەدى ءارى ادامزاتتىڭ دامۋى مەن العا باسۋىنا ماڭىزدى ۇلەس قوسادى.

جاستار − ەكى ەلدىڭ ءداستۇرلى دوستىعىنا مۇراگەرلىك ەتۋدىڭ جانە ونى دامىتۋدىڭ ءۇمىتى. ۆيەتنام، جۇڭگو جاستارى تاريحي بورىشتى ارقالاپ، ەكى ەلدىڭ نەشە ۇرپاق باسشىلارى ورناتقان جانە جەتىلدىرگەن ءداستۇرلى دوستىقتى ۇرپاقتان ـ ۇرپاققا جالعاستىرۋى؛ ۆيەتنام جاستارىنىڭ جۇڭگوعا بارىپ ”قىزىل ءتۇستى زەرتتەۋ - ۇيرەنۋ ساپارىن“ ورىستەتۋىن ويداعىداي ۇيىمداستىرىپ، ەكى ەلدىڭ ”جولداس ۇستىنە باۋىرلاس“ دوستىق سۇيىسپەنشىلىگىن تەرەڭدەتۋى؛ ءورىس اشا جاڭالىق اشىپ، ىنتىماقتاسا سەلبەسىپ، دامۋعا بىرگە تالپىنىپ، ەكى ەلدىڭ وسىزاماندانۋىن ىسكە اسىرۋدا نەگىزگى قوسىندىق رولىن ساۋلەلەندىرۋى كەرەك.

قيمىلدىڭ الدىندا شي جينپيڭ سۋليننىڭ، لياڭ چياڭنىڭ سەرىك بولۋىندا جۇڭگو مەن ۆيەتنام ديپلوماتيالىق قارىم - قاتىناس ورناتقاندىعىنىڭ 75 جىلدىعى سۋرەت كورمەسىن كورىپ، جۇڭگو مەن ۆيەتنام ەكى جاقتىڭ دوستىق بارىس - كەلىسىنىڭ باعالى كورىنىسىن قايتا ەسكە الدى.

قيمىلدان كەيىن شي جينپيڭ سۋ لينمەن، لياڭ چياڭمەن بىرگە ”قىزىل ءتۇستى زەرتتەۋ - ۇيرەنۋ ساپارى“ نىسانىن باستادى. شي جينپيڭ سۋلينمەن، فان ميڭجىڭمەن بىرگە جۇڭگو - ۆيەتنام تەمىر جولى سەلبەستىك مەحانيزمىنىڭ باستالۋ سالتىنا كۋا بولدى.

ساي چي، ۋاڭ ي، ۋاڭ شياۋحۇڭ قاتارلىلار جوعارىداعى قيمىلدارعا قاتىناستى.

كەلۋ قاينارى: حالىق تورابى