شي جينپيڭ ۆيەتنام كوممۋنيستىك پارتياسى ورتالىق كوميتەتىنىڭ باس شۋجيى سۋ لينمەن قوشتاستى

4 - ايدىڭ 15 - كۇنى تۇستەن بۇرىن ۆيەتنامداعى مەملەكەتتىك ساپارىن اياقتاتۋ قارساڭىندا جۇڭگو كوممۋنيستىك پارتياسى ورتالىق كوميتەتىنىڭ باس شۋجيى، مەملەكەت ءتوراعاسى شي جينپيڭ ۆيەتنام كوممۋنيستىك پارتياسى ورتالىق كوميتەتىنىڭ باس شۋجيى سۋ لينمەن قوشتاستى.

سۋرەتتى شينحۋا اگەنتتىگىنىڭ ءتىلشىسى لي شۋەرىن تۇسىرگەن

«حالىق گازەتى»، 4 - ايدىڭ 15 - كۇنى، حانوي (تىلشىلەر ۋاڭ يۇيلين، لي جيە). 4 - ايدىڭ 15 - كۇنى تۇستەن بۇرىن ۆيەتنامداعى مەملەكەتتىك ساپارىن اياقتاتۋ قارساڭىندا جۇڭگو كوممۋنيستىك پارتياسى ورتالىق كوميتەتىنىڭ باس شۋجيى، مەملەكەت ءتوراعاسى شي جينپيڭ ۆيەتنام كوممۋنيستىك پارتياسى ورتالىق كوميتەتىنىڭ باس شۋجيى سۋلينمەن قوشتاستى.

شي جينپيڭ بىلاي دەپ اتاپ كورسەتتى: وسى رەتكى ساپاردىڭ ۋاقىتى قىسقا بولعانىمەن، قيمىلدىڭ مازمۇنى باي، تابىسى قوماقتى بولدى. ەكى جاق دۇنيە جۇزىلىك سوتسياليزم ىستەرىن بىرگە ۇلعايتۋ ساياسي تىلەگىن قايتالاي دارىپتەدى، ەكەۋى دە ”التى اناعۇرلىم“ جالپى تۇلعالىق نىساناسىن بەتكە الىپ ەكى ەلدىڭ ستراتەگيالىق سەلبەستىگىن جاپپاي ىلگەرىلەتۋدى ءۇمىت ەتەدى، ەكەۋى دە سىرتقى حاۋىپ - قاتەرلەر مەن سىن - سايىستارعا قارسى تۇرىپ، ءوڭىردىڭ بەيبىتشىلىگى مەن ورنىقتىلىعىن جانە حالىقارالىق ادىلدىك پەن تۋراشىلدىقتى قورعايتىندىقتارىن ءبىلدىردى. مەن جۇڭگو - ۆيەتنام قارىم - قاتىناسىنىڭ دامۋ بولاشاعىنا كامىل سەنەمىن. ەكى جاق وسى رەتكى ساپاردىڭ تابىسىن جاپپاي تياناقتاندىرىپ، جۇڭگو - ۆيەتنام تاعدىرلاس ورتاق تۇلعاسى قۇرىلىسىن ۇزدىكسىز ىلگەرىلەتۋى كەرەك.

سۋ لين مىنالاردى ءبىلدىردى: باس شۋجي، مەملەكەت ءتوراعاسى شي جينپيڭنىڭ وسى رەتكى ساپارى سۇبەلى تابىستارعا قول جەتكىزدى، ەكى جاق ورتاق كوڭىل ءبولىپ وتىرعان كەلەلى جالپى جاعدايلىق، ستراتەگيالىق ماسەلەلەر جونىندە ىشكەرىلەي پىكىرلەسىپ، ءبىر قىدىرۋ ماڭىزدى ورتاق تانىمعا كەلىپ، ەكى پارتيا، ەكى ەل اراسىنداعى ستراتەگيالىق سەلبەستىكتى پارمەندى ىلگەرىلەتىپ، ۆيەتنامنىڭ حاۋىپ - قاتەر مەن سىن - سايىستاردى جەڭۋ سەنىمىن كۇشەيتتى، سونداي - اق ەكى ەل حالقىنىڭ دوستىعىن تىڭ دەڭگەيگە كوتەردى. ۆيەتنام جاق ساپار جەتىستىكتەرىن بەلسەنە تياناقتاندىرىپ، ەكى پارتيا، ەكى ەل قارىم - قاتىناسىنىڭ ۇزدىكسىز دامۋىن ىلگەرىلەتىپ، ەكى ەلدىڭ بىرگە گۇلدەنىپ - كوركەيۋ بولاشاعىن جاراتادى.

ساي چي، ۋاڭ ي، ۋاڭ شياۋحۇڭ قاتارلىلار قاتىناستى.

كەلۋ قاينارى: حالىق تورابى