شي جينپيڭ ۆيەتنامداعى مەملەكەتتىك ساپارىن تابىسپەن اياقتاتتى

«حالىق گازەتى»، 4 - ايدىڭ 15 - كۇنى، حانوي (تىلشىلەر يۇي جيڭحاۋ، سۇن گۋاڭيۇڭ). 4 - ايدىڭ 15 - كۇنى تۇستەن كەيىن جۇڭگو كوممۋنيستىك پارتياسى ورتالىق كوميتەتىنىڭ باس شۋجيى، مەملەكەت ءتوراعاسى شي جينپيڭ ۆيەتنامداعى مەملەكەتتىك ساپارىن اياقتاتتى.

حانويدان اتتاناردا ۆيەتنامنىڭ زۇڭليى فان ميڭجىڭ، ۆيەتنام كوممۋنيستىك پارتياسى ورتالىق كوميتەتى ساياسي بيۋروسىنىڭ مۇشەسى، ورتالىق كوميتەت شۋجيچۋىنىڭ ۇنەمىلىك ىستەرگە جاۋاپتى شۋجيى چىن جينشيۋ، ۆيەتنام كوممۋنيستىك پارتياسى ورتالىق كوميتەتى شۋجيچۋىنىڭ شۋجيى، ورتالىق كوميتەت كەڭسە مەڭگەرمەسىنىڭ مەڭگەرۋشىسى لي حۋايجۇڭ قاتارلى ۆيەتنامنىڭ پارتيا، ۇكىمەت باسشىلارى مەن جەرگىلىكتى ورىنداردىڭ ۋاكىلدەرى اۋەجايعا بارىپ اتتاندىرىپ سالدى. جەرگىلىكتى حالىق بۇقاراسى مەن جۇڭگو قارجىلاندىرعان قۇرىلىمداردىڭ، سوندا وقىپ جاتقان وقۋشىلاردىڭ ۋاكىلدەرى قىزىل كەرمە تۋدى بيىك ۇستاپ، شي جينپيڭنىڭ ۆيەتنامعا ساپارىنىڭ تابىستى بولعاندىعىن قىزۋ قۇتتىقتادى.

كەلۋ قاينارى: حالىق تورابى