شي جينپيڭ ۆيەتنامنىڭ مەملەكەت ءتوراعاسى لياڭ چياڭمەن كەزدەستى

جۇڭگو كوممۋنيستىك پارتياسى ورتالىق كوميتەتىنىڭ باس شۋجيى، مەملەكەت ءتوراعاسى شي جينپيڭ 4 - ايدىڭ 15 - كۇنى تۇستەن بۇرىن حانويداعى ءتوراعا سارايىندا ۆيەتنامنىڭ مەملەكەت ءتوراعاسى لياڭ چياڭمەن كەزدەستى.

سۋرەتتى شينحۋا اگەنتتىگىنىڭ ءتىلشىسى جاڭ ليڭ تۇسىرگەن

«حالىق گازەتى»، 4 - ايدىڭ 15 - كۇنى، حانوي (تىلشىلەر ياڭ يە، شيڭ شۋە). 4 - ايدىڭ 15 - كۇنى تۇستەن بۇرىن جۇڭگو كوممۋنيستىك پارتياسى ورتالىق كوميتەتىنىڭ باس شۋجيى، مەملەكەت ءتوراعاسى شي جينپيڭ حانويداعى ءتوراعا سارايىندا ۆيەتنامنىڭ مەملەكەت ءتوراعاسى لياڭ چياڭمەن كەزدەستى.

شي جينپيڭ اۆتوكولىكپەن كەلگەندە لياڭ چياڭ اۆتوكولىكتەن تۇسەتىن جەردە ىستىق ىقىلاسپەن قارسى الدى.

شي جينپيڭ ۆيەتنام كوممۋنيستىك پارتياسى قۇرىلعاندىعىنىڭ 95 جىلدىعىن، ۆيەتنامنىڭ رەسپۋبليكا قۇرعاندىعىنىڭ 80 جىلدىعىن جانە وڭتۇستىگىنىڭ ازات بوعاندىعىنىڭ 50 جىلدىعىن قىزۋ قۇتتىقتادى. شي جينپيڭ بىلاي دەپ اتاپ كورسەتتى: بيىل − جۇڭگو مەن ۆيەتنامنىڭ ديپلوماتيالىق قارىم - قاتىناس ورناتقاندىعىنىڭ 75 جىلدىعى جانە ”جۇڭگو - ۆيەتنام گۋمانيتارلىق اۋىس - كۇيىس جىلى“. 75 جىلدان بەرى جۇڭگو - ۆيەتنام قارىم - قاتىناسى ”جولداس ۇستىنە باۋىرلاس“ ءداستۇرلى دوستىقتان ستراتەگيالىق مانگە يە تاعدىرلاس ورتاق تۇلعاعا اينالىپ، مەملەكەت پەن مەملەكەت اراسىنداعى دوستىقتىڭ، ءوزارا كومەكتەسۋدىڭ، ىنتىماقتاسىپ سەلبەسۋدىڭ ۇلگىسىن ورناتتى. جاڭا تاريحي باستامادا جۇڭگو جاق ۆيەتنام جاقپەن بىرگە ”التى اناعۇرلىم“ جالپى تۇلعالىق نىساناسى بويىنشا ستراتەگيالىق قارىم - قاتىناستى كۇشەيتىپ، ىنتىماقتى، سەلبەستىكتى جيىلەتىپ، ءوز - ءوزىنىڭ وسىزاماندانۋىن ىلگەرىلەتۋ بارىسىندا قول ۇستاسا بىرگە ىلگەرىلەپ، سوتسياليستىك ەلدەردىڭ بىرلەسە الۋەتتەنۋىنىڭ، ءوزارا پايدا جەتكىزىپ، تەڭ يگىلىككە كەنەلۋىنىڭ جاڭا تاراۋىن جازىپ، جۇڭگو - ۆيەتنام تاعدىرلاس ورتاق تۇلعاسىنىڭ وڭىرلىك جانە دۇنيە جۇزىلىك ىقپال كۇشىن ۇزدىكسىز ايگىلەۋدى قالايدى.

شي جينپيڭ بىلاي دەپ باسا دارىپتەدى: جۇڭگو مەن ۆيەتنام ەكى جاق جۇڭگو مەن ۆيەتنامنىڭ دوستىق سەلبەستىگىنىڭ ورنىقتىلىعى مەن سوتسياليستىك ءتۇزىمنىڭ ابزالدىعى ارقىلى سىرتقى جاعدايدىڭ تۇراقسىزدىعىنا توتەپ بەرىپ، جۇڭگو - ۆيەتنام تاعدىرلاس ورتاق تۇلعا كەمەسىنىڭ دۇرىس بەتالىسپەن تولقىن جارا العا ىلگەرىلەۋىن ىلگەرىلەتۋى كەرەك. ساياسي جاقتا العا باسۋدىڭ تىزگىنىن مىقتى يگەرىپ، جوعارى جىكتەگىلەردىڭ ستراتەگيالىق تىلدەسۋىن ساقتاپ، پارتيانى، مەملەكەتتى جونگە سالۋ تاجىريبەلەرىن ءوزارا ۇيرەنۋدى، ءوزارا ۇلگى الۋدى كۇشەيتىپ، پارتيانىڭ باسشىلىق قابىلەتىن بىرگە جوعارىلاتىپ، ءوزدى - ءوز سوتسياليزم جولىمەن قول ۇستاسا نىق قاداممەن ءجۇرۋ كەرەك. حاۋىپسىزدىك جاعىندا ىنتىماقتىڭ ياكورىن بەكەمدەپ، ەكى ەلدىڭ ديپلوماتيا، مەملەكەت قورعانىسى، قوعام حاۋىپسىزدىگى سىندى ”3 + 3“ ستراتەگيالىق پىكىرلەسۋ مەحانيزمىنىڭ دارەجەسىن جوعارىلاتۋدى وراي ەتىپ، قورعانىس ىستەرى مەن زاڭ اتقارۋ، حاۋىپسىزدىك سەلبەستىگىن ۇزدىكسىز تەرەڭدەتۋ كەرەك، جۇڭگو جاق ۆيەتنامنىڭ ۆيەتنام كوممۋنيستىك پارتياسى 14 - قۇرىلتايىنا ويداعىداي دايىندالۋىن قولدايدى، ۆيەتنامنىڭ مەملەكەتتىڭ يەلىك ۇقىعىن، حاۋىپسىزدىگىن، دامۋ مۇددەسىن قورعاۋىن قولدايدى. ەكونوميكادا سەلبەستىكتى مىقتاپ يگەرىپ، دامۋ ستراتەگياسىن ۇشتاستىرۋدى كۇشەيتىپ، ”ءبىر بەلدەۋ، ءبىر جولدى“ بىرگە قۇرۋ باستاماسى مەن ”ەكى ءدالىز، ءبىر شەڭبەر“ جۇلگەسىن ءتۇيىلىستىرۋ سەلبەستىك جوباسىن ويداعىداي تياناقتاندىرىپ، تەمىر جول، تاس جول، اۆياتسيا سياقتى كوپ ولشەمدى ۇلاستىرۋ - تۇتاستىرۋدى تەرەڭدەتىپ، كاسىپ سالاسى تىزبەگىنىڭ، قامداۋ تىزبەگىنىڭ ورنىقتى، ىركىلىسسىز بولۋىن قامتاماسىز ەتىپ، 5G، جاساندى زەردە، جاسىل دامۋ سياقتى جاڭادان گۇلدەنگەن سالالارداعى سەلبەستىكتى كەڭەيتىپ، جاڭاشا وندىرگىش كۇش ارقىلى ەكى ەلدىڭ جان - جاقتى سەلبەستىك ارناسىنا قۋات ۇستەۋ كەرەك. گۋمانيتارلىق جاقتا دوستىق جەلكەنىن جايىپ، بيىلعى ”جۇڭگو - ۆيەتنام گۋمانيتارلىق اۋىس - كۇيىس جىلى“ جەلىلەس قيمىلدارىن ويداعىداي وتكىزىپ، ”شاعىن ءارى كوركەم“ حالىق تۇرمىسى نىساندارىن كوبىرەك اتقارىپ، مادەنيەت، ساياحات، اقپارات قۇرالدارى، جەرگىلىكتى ورىندار سياقتى اۋىس - كۇيىس ارقىلى جۇڭگو - ۆيەتنام دوستىعىن جۇرت جۇرەگىنە اناعۇرلىم تەرەڭ ۇيالاتۋ كەرەك.

شي جينپيڭ بىلاي دەپ اتاپ كورسەتتى: تاياۋ جىلداردان بەرى بىرلەسكەن مەملەكەتتەر ۇيىمىنىڭ رولى سوققىعا ۇشىراپ، سىڭار جاقتىلىق ايقىن باس كوتەرىپ، قورعانىمپازدىق قايتا بەلەڭ بەردى. ساۋدا سوعىسى حالىقارالىق ساۋدا جۇيەسىن ءبۇلدىرىپ، دۇنيە ءجۇزىنىڭ ەكونوميكالىق ءتارتىبىنىڭ ورنىقتىلىعىنا ىقپال جاساپ، دۇنيە جۇزىندەگى ەلدەردىڭ، اسىرەسە، قالىڭ وركەندەپ كەلە جاتقان ەلدەردىڭ ورىندى مۇددەسىنە زيان جەتكىزدى. دۇنيە ءجۇزى وڭتۇستىگىنىڭ ماڭىزدى كۇشى رەتىندە، جۇڭگو مەن ۆيەتنام ەكى ەل سايكەسۋدى جانە سەلبەسۋدى كۇشەيتىپ، بىرلەسكەن مەملەكەتتەر ۇيىمىن وزەك ەتكەن حالىقارالىق جۇيە مەن حالىقارالىق زاڭدى نەگىز ەتكەن حالىقارالىق ءتارتىپتى قورعاپ، وكتەمدىك ساياسي مەن سىڭار جاقتىلىققا بىرگە قارسى تۇرىپ، ادامزاتتىڭ تاعدىرلاس ورتاق تۇلعاسىن قۇرۋدى ىلگەرىلەتۋ ءۇشىن كەۋدە كەرە جاۋاپكەرشىلىك ارقالاۋى كەرەك.

لياڭ چياڭ مىنالاردى ءبىلدىردى: ءتوراعا شي جينپيڭ وسى رەتكى ۆيەتنامداعى تاريحي ساپارىندا سۋ لين باس شۋجيمەن ۆيەتنام مەن جۇڭگونىڭ جان - جاقتى ستراتەگيالىق سەلبەستىگىن تەرەڭدەتۋ جونىندە كەڭ كولەمدى ورتاق تانىمعا كەلىپ، ۆيەتنام مەن جۇڭگونىڭ ساياسي ءوزارا سەنىمدىلىگىن بارىنشا كۇشەيتىپ، ەكى ەلدىڭ ”جولداس ۇستىنە باۋىرلاس“ سۇيىسپەنشىلىگىن ونان ارى قويۋلاتىپ، ۆيەتنام مەن جۇڭگونىڭ تاعدىرلاس ورتاق تۇلعاسى قۇرىلىسىن ىلگەرىلەتۋگە كەلەلى ستراتەگيالىق جەتەكشىلىك ازىرلەدى. شي جينپيڭ جاڭا ءداۋىر جۇڭگوشا سوتسياليزم يدەياسىنىڭ جەتەكشىلىگىندە جۇڭگو ۇلى دامۋ جەتىستىكتەرىنە قول جەتكىزدى.

ۆيەتنام جاق جۇڭگونىڭ ەكىنشى 100 جىلدىق كۇرەس نىساناسىن ءساتتى جۇزەگە اسىرىپ، باي، قۇدىرەتتى، دەموكراتيالى، وركەنيەتتى، جاراسىمدى، كورىكتى سوتسياليستىك وسىزاماندانعان قۇدىرەتتى ەل قۇرىپ، ءوڭىردىڭ جانە دۇنيە ءجۇزىنىڭ بەيبىتشىلىگى مەن دامۋىنا اناعۇرلىم زور ۇلەس قوساتىندىعىنا كامىل سەنەدى. جۇڭگو ۆيەتنامنىڭ سىرتقى قارىم - قاتىناسىندا ماڭداي الدى ورىندا تۇرادى، ۆيەتنام پارتياسى، مەملەكەتى جانە حالقى جۇڭگومەن قارىم - قاتىناستى دامىتۋعا ايرىقشا ءمان بەرەدى، ءبىر جۇڭگو ساياساتىن تاباندىلىقپەن اتقارادى، ”تايۋان دەربەستىگى“ بولشەكتەۋ ارەكەتىنە باتىل قارسى تۇرادى، جۇڭگونىڭ شينجياڭعا ساياتىن، شيزاڭعا، شياڭگاڭعا ساياتىن ماسەلەلەردەگى تۇرعىسىن قولدايدى، بارلىق سىرتقى كۇشتىڭ جۇڭگونىڭ ىشكى ىسىنە كيلىگۋىنە قارسى تۇرادى.

ۆيەتنام ج جۇڭگو جاقپەن جوعارى جىكتەگىلەردىڭ بارىس - كەلىسىن ساقتاۋدى، ەل باسقارۋ تاجىريبەلەرى جونىندە اۋىس - كۇيىس جاساۋدى كۇشەيتۋدى، ناقتى سەلبەستىك دەڭگەيىن جوعارىلاتۋدى، ۇلاستىرۋ - تۇتاستىرۋ، جوعارى عىلىم - تەحنيكا، قورشاعان ورتانى قورعاۋ سياقتى سالالاردا اناعۇرلىم كوپ كورىنەۋ تۇيىندەر قالىپتاستىرۋدى، گۋمانيتارلىق اۋىس - كۇيىستى جيىلەتىپ، ەكى ەل قارىم - قاتىناسىنىڭ حالىق رايى نەگىزىن بەكەمدەۋدى؛ كوپ جاقتى سايكەسۋدى، سەلبەسۋدى كۇشەيتىپ، ەكى ەلدىڭ حالىقاراداعى ىقپالىن جوعارىلاتۋدى؛ الاۋىزدىقتاردى ۇيلەسىمدى مەڭگەرىپ، تەڭىزدەگى ورنىقتىلىقتى قورعاۋدى قالايدى.

سول كۇنى تۇستە لياڭ چياڭ شي جينپيڭگە ارناپ قارسى الۋ قوناعاسىن بەردى.

ساي چي، ۋاڭ ي، ۋاڭ شياۋحۇڭ قاتارلىلار جوعارىداعى قيمىلدارعا قاتىناستى.

كەلۋ قاينارى: حالىق تورابى