سىرتقى ىستەر مينيسترلىگى: جۇڭگو مەن مالايزيا ءوزارا ۆيزاسىز ءوتۋ كەلىسىمىنە قول قويىپ، ەكى جاقتى اۋىس – كۇيىستى، سەلبەستىكتى اناعۇرلىم جەبەيدى

شينحۋا اگەنتتىگىنىڭ 4 ـ ايدىڭ 17 ـ كۇنى بەيجيڭنەن بەرگەن حابارى. سىرتقى ىستەر مينيسترلىگىنىڭ مالىمدەمەشىسى لين جيان 4 ـ ايدىڭ 17 ـ كۇنى جۇڭگو مەن مالايزيانىڭ ءوزارا ۆيزاسىز ءوتۋ كەلىسىمىنە قول قويۋى جونىندە بىلاي دەدى: بۇل، ءسوز جوق، ەكى جاقتىڭ ادامدارىنىڭ بارىس ـ كەلىسى مەن ءار سالاداعى اۋىس ـ كۇيىسىن، سەلبەستىگىن ونان ارى جەبەپ، جۇڭگو مەن مالايزيانىڭ تاعدىرلاس ورتاق تۇلعاسىن بىرگە قالىپتاستىرۋدىڭ تىڭ ساتىعا كوتەرىلۋىن ىلگەرىلەتەدى.

لين جيان سول كۇنگى كەزەكتى تىلشىلەر جينالىسىندا سۇراۋلارعا جاۋاپ بەرگەندە بىلاي دەدى: جۇڭگو مەن مالايزيانىڭ دوستىعى ارىدان باستاۋ الادى، ەكى ەلدىڭ ۇستانىمى قارايلاس، مۇددەسى توعىسقان، گۋمانيتارلىق جاقتان ساباقتاسقان. ءتوراعا شي جينپيڭ مالايزيادا مەملەكەتتىك ساپاردا بولعان كەزدە، ەكى ەل ۇكىمەتى ۇكىمەت ىستەرى جاي پاسپورتى مەن جاي پاسپورتى بارلاردىڭ ءوزارا ۆيزاسىز ءوتۋ جونىندەگى كەلىسىمگە رەسمي قول قويدى. بۇل، ءسوز جوق، ەكى جاقتىڭ ادامدارىنىڭ بارىس ـ كەلىسىن جانە ءار سالاداعى اۋىس ـ كۇيىسى مەن سەلبەستىگىن ونان ارى جەبەپ، جۇڭگو مەن مالايزيانىڭ تاعدىرلاس ورتاق تۇلعاسىن بىرگە قالىپتاستىرۋدىڭ تىڭ ساتىعا كوتەرىلۋىن ىلگەرىلەتەدى.

كەلۋ قاينارى: حالىق تورابى