جۇڭگو كوممۋنيستىك پارتياسى ورتالىق كوميتەتى، مەملەكەتتىك كەڭەس «ەركىن ساۋدا سىناق رايونىنىڭ دەڭگەيىن جوعارىلاتۋ ستراتەگياسىن اتقارۋ جونىندەگى پىكىردى» باسىپ تاراتتى

شينحۋا اگەنتتىگى، 4 - ايدىڭ 21 - كۇنى، بەيجيڭ. تاياۋدا جۇڭگو كوممۋنيستىك پارتياسى ورتالىق كوميتەتى، مەملەكەتتىك كەڭەس «ەركىن ساۋدا سىناق رايونىنىڭ دەڭگەيىن جوعارىلاتۋ ستراتەگياسىن اتقارۋ جونىندەگى پىكىردى» (تومەندە قىسقاشا «پىكىر» دەلىنەدى) باسىپ تاراتىپ، ەركىن ساۋدا سىناق رايونى قۇرىلىسى قىزمەتىنە جۇيەلى ورنالاستىرۋ جاسادى.

«پىكىردە» مىنالار العا قويىلدى: ەركىن ساۋدا سىناق رايونىنىڭ دەڭگەيىن جوعارىلاتۋ ستراتەگياسىن اتقارۋ − جوعارى دەڭگەيدە سىرتقا ەسىك اشۋدى ىلگەرىلەتۋدىڭ، جوعارى ساپالى دامۋدى ىلگەرىلەتۋدىڭ ماڭىزدى شاراسى.

شي جينپيڭ جاڭا ءداۋىر جۇڭگوشا سوتسياليزم يدەياسىن جەتەكشى ەتۋگە تاباندى بولىپ، پارتيا 20 - قۇرىلتايىنىڭ جانە پارتيا 20 - كەزەكتى ورتالىق كوميتەتى ەكىنشى، ءۇشىنشى جالپى ماجىلىستەرىنىڭ رۋحىن ىشكەرىلەي دايەكتىلەندىرىپ، جاڭا دامۋ ۇستانىمىن تولىق، دۇرىس، جاپپاي دايەكتىلەندىرىپ، جاڭا دامۋ ارناسىن قالىپتاستىرىپ، پارتيانىڭ جاپپاي باسشىلىعىنا تاباندى بولىپ، جوعارى دەڭگەيدە ەسىك اشۋدى جەتەكشى، تۇزىمدە جاڭالىق اشۋدى وزەك ەتۋگە تاباندى بولىپ، دامۋ مەن حاۋىپسىزدىكتى ءبىر تۇتاس جوسپارلاۋعا تاباندى بولىپ، حالىقارالىق جوعارى ولشەمدى ەكونوميكا - ساۋدا ەرەجەسىمەن ىرىقتىلىقپەن ۇشتاسىپ، ەرەجە، بەلگىلەمە، باسقارۋ، ولشەم سياقتى تۇزىمدىك ەسىك اشۋدى ورنىقتى كەڭەيتىپ، رەفورمانىڭ جالپى تۇلعالىق جوبالانۋى مەن جۇيەلى شوعىرلانۋىن كۇشەيتىپ، تۇتاس كاسىپ تىزبەگىندە جاڭالىق اشا دامۋدى ىلگەرىلەتىپ، ەركىن ساۋدا سىناق رايونىن ەل ىشىندەگى جانە حالىقاراداعى قوس اينالىمدى ىركىلىسسىزدەندىرۋدىڭ ماڭىزدى تورابىنا، جوعارى ساپالى دامۋدى ىلگەرىلەتۋدىڭ پارمەندى قوزعاۋشى كۇشىنە اينالدىرىپ، رەفورمانى ونان ارى جاپپاي تەرەڭدەتۋ، جۇڭگو ۇلگىسىندەگى وسىزامانداندىرۋدى ىلگەرىلەتۋ بارىسىندا ۇلگىلىك رولىن اناعۇرلىم ويداعىداي ساۋلەلەندىرۋ كەرەك.

«پىكىردە» مىنالار دارىپتەلدى: 5 جىل اينالاسىندا العاشقى جاسامپازدىق، شوعىرلى ىزدەنىستەر ارقىلى ەركىن ساۋدا سىناق رايونىنىڭ تۇزىمدىك ەسىك اشۋ ورەسىن، جۇيەلى رەفورما ونىمدىلىگىن، اشىق ەكونوميكا ساپاسىن جاپپاي جوعارىلاتىپ، ساۋدا، قارجى قوسۋ، قارجى اينالىمى، قاتىناس - تاسىمال، ادامداردىڭ بارىس - كەلىسىنە ەركىن، قولايلى بولۋ جانە ساندى مالىمەتتىڭ حاۋىپسىز، ءتارتىپتى اينالىمعا ءتۇسۋىن ءتۇيىن ەتكەن ساياساتتىق جۇيەنى اناعۇرلىم كەمەلدەندىرىپ، عىلىم - تەحنيكادا جاڭالىق اشۋ مەن كاسىپ سالاسىندا جاڭالىق اشۋدى ىشكەرىلەي توعىستىرىپ، وسى زامانعى كاسىپ سالاسى شوعىرىنىڭ دارەجەسىن جوعارىلاپ، جاڭاشا وندىرگىش كۇشتەردى جەدەل دامىتىپ، ەسىك اشۋ دەڭگەيى اناعۇرلىم جوعارى، شارۋاشىلىق - ساۋدا ورتاسى اناعۇرلىم ساپالى، ىقپال رولى اناعۇرلىم كۇشتى رەفورما جاساپ، ەسىك اشۋدىڭ جاڭا بيىگىن قالىپتاستىرۋ كەرەك.

«پىكىردە» مىنالار ورتاعا قويىلدى: سىرتقى ساۋدانىڭ جالپىلىق باسەكەلىك قۋاتىن كۇشەيتىپ، زات ساۋداسىنىڭ ساپالىلانۋىن، دارەجەسىن جوعارىلاتىپ، قىزمەت وتەۋ ساۋداسىنىڭ دامۋ ومىرشەڭدىك قۋاتىن ارتتىرىپ، سيفرلى ساۋدانىڭ جاڭالىق اشا دامۋىن قولداۋ كەرەك. رايون ىشىندەگى كاسىپورىنداردىڭ قورعامالى باجى زات اينالىمى تاسىلىمەن ۇقساماعان باجى نومىرىندەگى التىن كەن قيىرشىقتارىن فيزيكالىق جولمەن ارالاستىرۋىنا جول بەرۋ كەرەك. بيولوگيالىق ءدارى - دارمەك كاسىپورىندارى يمپورت ەتۋگە پايدالانىلاتىن زاتتارعا قاراتا ”اق تىزىمدىك“ قولدانۋ ءتۇزىمىن ورناتۋ جونىندە ىزدەنىس جاساپ، يمپورت ەتىلەتىن ءدارى - دارمەكتەردى كەدەننەن وتكىزۋ تالونىن كەشىرىم ەتۋگە جول بەرۋ كەرەك. يمپورت ەتىلگەن ازىق - تۇلىك، ءدارى - دارمەك زاتتارىنا ”اق تىزىمدىك“ ءتۇزىمىن ورناتۋ جونىندە ىزدەنىس جاساپ، ازىق - تۇلىككە پايدالانىلاتىن ازىق - تۇلىك، ءدارى - دارمەك زاتتارىنىڭ ءىس جۇزىندىك قولدانىلۋى بويىنشا كەدەننەن وتۋىنە جول بەرۋ كەرەك. شەتەل تۇرعىندارىنا قاراتىلعان جاڭاشا حالىقارالىق ساۋدا كاسىبىن دامىتۋعا، شارتقا ۇيلەسەتىن كاسىپورىنداردىڭ بەلگىلەمە بويىنشا وزىق قىزمەت وتەۋ كاسىپورىندارىن تانۋدى ءوتىنىش ەتۋىنە قولداۋ كورسەتۋ كەرەك. شەكارا سىرتىنداعى كاسىپتىك تولىمدىلىقتى مويىنداۋدى تۇيىندە سىناق ەتۋ جونىندە ىزدەنىس جاساۋ كەرەك. ەلەكتروندىق زات الۋ تالونى، ەلەكتروندىق قامبا تالونى سياقتى ەلەكتروندىق بەلەت - كۋالىكتەردى قولدانۋدى ىلگەرىلەتىپ، ەلەكتروندىق قول قويۋدىڭ حالىقارالىق ۇلاسپالى تاسىمال، قاعازسىز تاسىمال سالاسىندا قولدانىلۋىن ىلگەرىلەتۋ كەرەك.

ەلەكتروندىق قول قويۋدىڭ سيفرلى سالاۋاتتى كۋالاندىرۋدا قولدانىلۋىن ىلگەرىلەتىپ، سيفرلى سالاۋاتتى ءوزارا مويىنداۋدى تۇيىندە سىناق ەتۋدى ورىستەتۋ كەرەك.

«پىكىردە» مىنالار اتاپ كورسەتىلدى: قارجى قوسۋدىڭ ەركىن، قولايلى بولۋىن جەبەپ، بازاردى اشىق ۇستاۋ دەڭگەيىن جوعارىلاتىپ، بازارلانعان، زاڭمەن باسقارىلاتىن، حالىقارالانعان ماڭداي الدى ساۋدا ورتاسىن قالىپتاستىرۋ كەرەك. شەتەل قارجىسىن اناعۇرلىم زور تەبىنمەن باۋراۋ جانە پايدالانۋ كەرەك. شارتقا ۇيلەسەتىن رايون ىشىندەگى شەتەل كاپيتالىمەن قۇرىلعان كاسىپورىنداردىڭ كينونى سوڭعى مەزگىلدە جاساۋ جونىنەن قىزمەت وتەۋىنە جول بەرۋ كەرەك. شارتقا ۇيلەسەتىن شياڭگاڭدىق، اۋمىندىق، تايۋاندىق شيپاگەرلەردىڭ شيپاگەرلىك تولىمدىلىق كۋالىگىن العاننان كەيىن رايون ىشىندە ەمدەۋ ورىندارىن قۇرۋىنا قولداۋ كورسەتۋ كەرەك. شەكارا سىرتىنداعى ايگىلى تورەلىك ايتۋ قۇرىلىمدارىنىڭ شارتقا ۇيلەسەتىن ەركىن ساۋدا سىناق رايونىندا كاسىپتىك قۇرىلىم قۇرۋىنا جول بەرۋ كەرەك. ساۋدا ىستەرىن جاراستىرۋ ۇيىمدارىن تىزىمگە الىپ باسقارۋدى تۇيىندە سىناق ەتۋدى ورىستەتۋ كەرەك.

«پىكىردە» مىنالار العا قويىلدى: جوعارى قۋاتتى عىلىم - تەحنيكادا جاڭالىق اشۋ ەكولوگياسىن قالىپتاستىرىپ، جاڭالىق اشۋ تىزبەگىنىڭ، كاسىپ سالاسى تىزبەگىنىڭ توعىسۋىن جەبەپ، حالىقارالىق عىلىم - تەحنيكا اۋىس - كۇيىسى مەن سەلبەستىگىن كەڭەيتۋ كەرەك. وسىزاماندانعان كاسىپ سالاسى جۇيەسىن قۇرىپ، كاسىپ سالاسى تىزبەگىنىڭ وسىزاماندانۋ دەڭگەيىن جوعارىلاتىپ، وزىق كاسىپ سالاسى شوعىرىن قۇرۋدى ىلگەرىلەتىپ، ەركىن ساۋدا سىناق رايونىنداعى كاسىپ سالالارىنىڭ سايكەسە بىرلەسىپ ارەكەتتەنۋىن جەبەۋ كەرەك. ەركىن ساۋدا سىناق رايوندارىنىڭ تۇتاس كاسىپ تىزبەگىندە شوعىرلى جاڭالىق جاراتۋىنا دەم بەرۋ كەرەك. مەملەكەت دارەجەلى كاسىپ سالاسى شوعىرى قۇرىلىسىنا اتسالىسۋعا قولداۋ كورسەتۋ كەرەك. ەركىن ساۋدا سىناق رايونىنىڭ مەملەكەتتىڭ دەربەس جاڭالىق اشۋدان ۇلگى كورسەتۋ رايونىمەن بىرلەسىپ دامۋىن ءبىر تۇتاس جوسپارلاپ ىلگەرىلەتىپ، شارت - جاعدايى بار رايونداردا تاڭداپ ىزدەنىس جاساۋ كەرەك. شارت - جاعدايى بار ەركىن ساۋدا سىناق رايونىنىڭ زەردەلى توراپپەن تۇتاسقان اۆتوموبيل جولىن سىناق ەتۋدى، ۇلگى كورسەتىپ قولدانۋدى تەرەڭدەتۋگە قولداۋ كورسەتىپ، حالىقتىق شوفەرسىز اۆياتسيا سىناق بازاسى (سىناق رايونى) قۇرىلىسىن ورىستەتۋ كەرەك.

«پىكىردە» مىنالار ايقىن بەلگىلەندى: ساندى مالىمەتتىڭ ءونىمدى، قولايلى، حاۋىپسىز اينالىمىن ىلگەرىلەتىپ، ساندى مالىمەت فاكتورى بازار ەرەجەسىن ورناتىپ جانە كەمەلدەندىرىپ، ساندى مالىمەتتىڭ شەكارا اتتاپ اينالىمعا ءتۇسۋىن قولايلىلاندىرۋ دەڭگەيىن جوعارىلاتۋ كەرەك. جوعارى ءونىمدى، ىركىلىسسىز ەسىك اشۋ ارناسىن قۇرىپ، تەڭىز تاسىمالىنا قىزمەت وتەۋ دەڭگەيىن جوعارىلاتىپ، قۇرلىق تاسىمالىنىڭ، اۋە تاسىمالىنىڭ ىقپال قۋاتىن كۇشەيتۋ كەرەك. قورعامالى باجى زات اينالىمى ءتاسىلى ارقىلى تۇرلىشە باجى نومىرىندەگى جوعارى، تومەن كۇكىرتتى جانار مايدى ارالاستىرىپ اۋىستىرۋ كاسىبىن ورىستەتۋگە جول بەرۋ كەرەك. سۇيىتىلعان تابيعي گازدا حالىقارادا قاتىنايتىن كەمەلەردىڭ جانار زاتى رەتىندە قورعامالى باجى ساياساتىنان يگىلىكتەنۋگە جول بەرۋ كەرەك. فينانس سالاسىندا ەسىك اشۋدى، جاڭالىق اشۋدى تەرەڭدەتىپ، فينانستىڭ ناقتى ەكونوميكاعا قىزمەت كورسەتۋىن ىلگەرىلەتىپ، فينانستى اشىق ۇستاۋدى تارتىپپەن كەڭەيتۋ كەرەك. ەل ارالىق سەرىكتەستىكتەردىڭ شەتەل اقشاسىن ءبىر تۇلعالاندىرۋ قارجى جيناعى كاسىبىن تۇيىندە سىناق ەتۋدى كەڭەيتۋ كەرەك. شارتقا ۇيلەسەتىن ەركىن ساۋدا سىناق رايوندارىنىڭ شەكارا سىرتىنداعى تولىمدى شەكتى سەرىكتەستەرمەن ارىپتەستىك ورناتۋدى تۇيىندە سىناق ەتۋىنە قولداۋ كورسەتۋ كەرەك.

شەكارا ىشىندەگى كەسىكتى بۇيىمداردىڭ ەرەكشە سورتتارىن نەگىز ەتكەن كەسىكتى بۇيىمدار بازارىن اشىق ۇستاۋدى ىلگەرىلەتىپ، ەرەكشە سورتتاردىڭ كولەمىن كەڭەيتىپ، شەكارا ىشىندەگى كەسىكتى بۇيىمداردىڭ باعاسىن ەسەپتەۋ ۇقىعىن بەرۋ سياقتى كوپ نەگىزدى ەسىك اشۋ جولىن قاراستىرۋ كەرەك.

اناعۇرلىم بەلسەندى، اشىق، ءونىمدى دارىندىلار ساياساتىن اتقارىپ، دارىندىلاردى باۋلۋ، ىستەتۋ مەحانيزمىندە جاڭالىق اشىپ، ادامداردىڭ بارىس - كەلىسىنىڭ قولايلىلاسۋىن جەبەۋ كەرەك.

«پىكىردە» مىنالار باسا دارىپتەلدى: قاتىستى جەرلەر، تاراۋلار پارتيا ورتالىق كوميتەتىنىڭ ورتالىقتانعان ءبىر تۇتاس باسشىلىعىندا رەفورمادا قامال الۋ سەرپىنىن ارتتىرىپ، ءىس جۇزىندىك جاعدايمەن ۇشتاستىرا وتىرىپ دايەكتىلەندىرۋدى، تياناقتاندىرۋدى ويداعىداي يگەرۋى كەرەك. قاتىستى جەرگىلىكتى ورىندار تۇلعالىق جاۋاپكەرشىلىكتى كۇشەيتىپ، نىسان، قارجى، دارىندى سياقتىلارعا ۇسىنىلىم سەرپىنىن ارتتىرۋى كەرەك. تاراۋلار تۇرگە ءبولىپ جەتەكشىلىك ەتۋدى كۇشەيتىپ، ءىس جۇزىندىك جاعدايمەن ۇشتاستىرىپ، رەفورماعا قاتىستى ىستەردى ەركىن ساۋدا سىناق رايونىندا الدىمەن اتقارىپ، الدىمەن سىناق ەتۋى كەرەك. ساۋدا مينيسترلىگى ءبىر تۇتاس جوسپارلاپ سايكەستىرۋدى كۇشەيتىپ، قاتىستى تاراۋلارمەن بىرگە ىزىنە ءتۇسىپ ونىمدىلىگىن قۋزاۋ جانە تاجىريبەلەردى كوشىرىپ جالپىلاستىرۋدى ويداعىداي ىستەپ، ەركىن ساۋدا سىناق رايونىنىڭ دەڭگەيىن جوعارىلاتۋ ستراتەگياسىن ءساتتى اتقارۋدى ىلگەرىلەتۋى كەرەك.

كەلۋ قاينارى: حالىق تورابى