قايتكەندە ەنەرگيا قۇرىلىمىن ءۇرتىس ساپالىلاندىرىپ رەتتەۋگە بولادى (ساياساتتىق سۇراق – جاۋاپ . ەكونوميكالىق، قوعامدىق دامۋدى جاپپاي جاسىل تيپكە وزگەرتۋدى جەدەلدەتۋ)

ورتالىقتىڭ ەكونوميكالىق قىزمەت ماجىلىسىندە كومىر قىشقىل گازىنىڭ شىعارىلۋىن تومەندەتۋدى، لاس زاتتاردىڭ شىعارىلۋىن ازايتۋدى، جاسىلدانۋدى كەڭەيتۋدى، ەكونوميكانى ارتتىرۋدى سايكەستى ىلگەرىلەتىپ، ەكونوميكالىق، قوعامدىق دامۋدىڭ جاپپاي جاسىل تيپكە بۇرىلىس جاساۋىن جەدەلدەتۋ ورتاعا قويىلدى. بيىلعى «ۇكىمەت قىزمەتىنەن باياندامادا» كومىر قىشقىل گازىنىڭ شىعارىلۋىن جوعارى مانگە جەتكىزىپ، كومىر قىشقىل گازىن بەيتاراپتاندىرۋدى بەلسەندى، ورنىقتى ىلگەرىلەتۋ ورتاعا قويىلدى.

ەنەرگيا − ەكونوميكالىق، قوعامدىق دامۋدىڭ ماڭىزدى زاتتىق نەگىزى جانە قوزعاۋشى كۇش قاينارى ءارى كومىر قىشقىل گازىنىڭ شىعارىلۋىن جوعارى مانگە جەتكىزىپ، كومىر قىشقىل گازىن بەيتاراپتاندىرۋدى ىلگەرىلەتۋدەگى نەگىزگى شايقاس مايدانى.

2024 – جىلدىڭ سوڭىنا دەيىن ەلىمىزدىڭ تۋىندامالى ەنەرگيا گەنەراتور اگراگاتتارىنىڭ سيىمدىلىعى ءبىر ميلليارد 889 ميلليون كيلوۆاتقا جەتىپ، سايكەس مەزگىلدەگىدەن %24.6 ارتىپ، گەنەراتور اگراگاتتارىنىڭ سالىستىرماسى ءۇرتىس ەكى جىل تەڭ جارىمىنان استى.

سونىمەن بىرگە، ءبىر توپ كەلەلى سۋ ەلەكتر نىساندارىن تەكسەرىپ بەكىتۋ قۇرىلىسى جۇرگىزىلىپ، يادرو ەلەكترى اينالىسقا ءتۇسىپ جاتقان، سالىنىپ جاتقان قۇرىلىس كولەمى دۇنيە ءجۇزى بويىنشا ءبىرىنشى ورىنعا كوتەرىلدى، جاڭاشا ەلەكتر قۋاتى جۇيەسى جەدەل قۇرىلدى، تيپىن وزگەرتۋ وزگەرىسى دۇنيە ءجۇزى بويىنشا الدىڭعى قاتاردا تۇردى.

مەملەكەتتىك ەنەرگيا مەكەمەسىنىڭ باستىعى ۋاڭ حۇڭجى بىلاي دەپ تانىستىردى: جاسىل، تومەن كومىرتەكتى تيپكە بۇرىلىس جاساۋعا تاباندى بولىپ، ەنەرگيا قۇرىلىمىن ساپالىلاندىرۋدى، رەتتەۋدى ۇزدىكسىز ىلگەرىلەتۋدە 2025 - جىلى مىناداي قىزمەتتەردى ءتۇيىندى تۇردە ويداعىداي ىستەۋ كەرەك:

جەل ەلەكترى مەن فوتوۆولتتىق ەلەكتردى اشىپ پايدالانۋدى كۇش سالا ىلگەرىلەتۋ. 2 -، 3 - توپتاعى ”قۇمدى ءشول، قۇبا ءتۇز، يەن دالا“ كولەمدى جەل ەلەكتر فوتوۆولتتىق بازا نىسانى قۇرىلىسىن بەلسەنە ىلگەرىلەتۋ. تەڭىزدەگى جەل ەلەكترىن جەدەل دامىتۋ.

تارالمالى فوتوۆولت، بىتىراندى جەل ەلەكترىن بەلسەنە دامىتىپ، جارىق جىلۋى ارقىلى ەلەكتر تاراتۋدى كولەمدەندىرىپ دامىتۋدى ىلگەرىلەتۋ. جەل ەلەكترى مەن فوتوۆولتتىق ەلەكتر شىعارۋ بايلىعىن جاپپاي تەكسەرۋدى تۇيىندە سىناق ەتۋدى مىقتى يگەرىپ، جاڭا ەنەرگيانى دامىتۋدى، ۇيلەسىمدى پايدالانۋ جانە جۇيەلى رەتتەۋ قابىلەتىن ءبىر تۇتاس جوسپارلاپ، جاڭا ەنەرگيانى جوعارى ساپالى قابىلداۋدى كۇش سالا جەبەۋ. تۇتاس جىلدا 200 ميلليون كيلوۆاتتىق جەل ەلەكترى مەن فوتوۆولتتىق ەلەكتر گەنەراتورلارىن تىڭنان قوسىپ، تۋىندامالى ەنەرگيا تۇتىنۋ مولشەرىن ءبىر ميلليارد 100 ميلليون توننادان اسىرۋ.

سۋ ەلەكترىن اشۋ مەن ەكولوگيانى قورعاۋدى ءبىر تۇتاس جوسپارلاۋ. ءىرى سۋ ەلەكتر ينجەنەريالارىن اشۋدى بەلسەنە، ورنىقتى ىلگەرىلەتىپ، چاڭجياڭ وزەنى الابىنىڭ سۋ ەلەكترىن اشۋ قۇرىلىسى جوباسىن جاساپ، نەگىزگى اعارلاردىڭ سۋ مەن كۇن نۇرىن ءبىر تۇلعالاندىرۋ بازاسى قۇرىلىسىن ىلگەرىلەتۋ. سۋ تارتىپ، ەنەرگيا جيناۋ نىسانىن جوبالاۋ، قۇرۋدى تارتىپپەن ىلگەرىلەتۋ.

يادرو ەلەكترىن حاۋىپسىز، ءتارتىپتى دامىتۋ. شارت - جاعدايى پىسىپ - جەتىلگەن ءبىر توپ تەڭىز جاعالاۋىنداعى يادرو ەلەكتر نىسانىنىڭ سالىنۋ ۇستىندەگى يادرو ەلەكتر ينجەنەرياسى قۇرىلىسىن ورنىقتى ىلگەرىلەتۋ. 2025 - جىلدىڭ سوڭىنا جەتكەندە يادرو ەلەكتر اگراگاتتارىنىڭ سيىمدىلىعىن 65 ميلليون كيلوۆات اينالاسىنا جەتكىزۋ. كاسىپورىنداردىڭ تۇلعالىق جاۋاپكەرشىلىگىن ناقتىلاندىرىپ، يادرو ەلەكتر اگرەگاتتارىنىڭ حاۋىپسىز، ورنىقتى اينالىمىنا كەپىلدىك ەتىپ، يادرو ەلەكترى كاسىپ سالاسى تىزبەگىنىڭ، قامداۋ تىزبەگىنىڭ سەرپىمدىلىك جانە حاۋىپسىزدىك دەڭگەيىن اناعۇرلىم جوعارىلاتۋ.

جاڭاشا ەلەكتر جۇيەسى قۇرىلىسىن ءبىر تۇتاس ىلگەرىلەتۋ. ءبىر توپ ءتۇيىندى ەلەكتر قۋاتى ءوزارا كومەكتەسۋ ينجەنەرياسىن تەكسەرىپ بەكىتىپ، ىشكى موڭعۇلدىڭ باتىسىنان بەيجيڭ ـ تيانجين ـ حىبەيگە، شيزاڭنىڭ شىعىس وڭتۇستىگىنەن گۋاڭدۇڭ ـ شياڭگاڭ ـ اۋمىن ۇلكەن شىعاناق رايونىنا، گانسۋدىڭ بادانجيلين قۇمدى ءشول بازاسىنان سىچۋانعا، وڭتۇستىك شينجياڭنان سىچۋان ـ چۇڭچيڭگە ەلەكتر جەتكىزۋ سياقتى ارنالاردى تەكسەرىپ بەكىتۋ جۇمىسىن بەلسەنە ىلگەرىلەتۋ. ەلەكتر جۇيەسىن رەتتەۋ قابىلەتىن ساپالىلاندىرۋ، ەلەكتر ۇلەستىرۋ تورابىن جوعارى ساپالى دامىتۋ، جاڭا بۋىن كومىر ەلەكترىنىڭ دارەجەسىن جوعارىلاتۋ سياقتى ارناۋلى قيمىلداردى اتقارىپ، توراپ قۇرۋ تەحنيكاسى، جۇيەسى جاراسىمدى جاڭاشا ەنەرگيا ەلەكتر ستانسياسىن سالۋ، ەلەكتر قۋاتىن ەسەپتەۋى سايكەسىمدى جاڭا تەحنيكا، جاڭا ۇلگىنى تۇيىندە سىناق ەتۋدى ىلگەرىلەتۋ. جاڭاشا ەنەرگيا ساقتاۋدى تۇيىندە سىناق ەتۋدەن ۇلگى كورسەتۋ جانە رەتتەۋ، پايدالانۋدى كۇشەيتۋ. ۆيرتۋالدى ەلەكتر ستانسيالارىنىڭ دامۋىن جەدەل ىلگەرىلەتىپ، اۆتوموبيل مەن توراپتىڭ ىقپالداستىعىن كولەمدەندىرۋدى تۇيىندە سىناق ەتۋ، قولدانىسقا ەنگىزۋ.

”2025 - جىل جانە ’15 - بەسجىلدىق‘ مەزگىلى − جاڭاشا ەنەرگيا جۇيەسىن جەدەل ورناتۋدىڭ، ەنەرگيانىڭ جوعارى ساپالى دامۋىن، جوعارى دەڭگەيلى حاۋىپسىزدىگىن ىلگەرىلەتۋدىڭ شەشۋشى مەزگىلى“. ۋاڭ حۇڭجى بىلاي دەدى: ەنەرگيا قىزمەتىندە عىلىم ـ تەحنيكادا جاڭالىق اشۋدى جەتەكشى، ءتۇزىلىس رەفورماسىن قوزعاۋشى كۇش، حاۋىپسىزدىكتىڭ جەتكىلىكتى بولۋىن العى شارت، ۇنەمدى، جارامدى بولۋىن نەگىز ەتۋگە تاباندى بولىپ، ەنەرگيا حاۋىپسىزدىگىنىڭ جاڭا ستراتەگياسىن دايەكتىلەندىرىپ، تياناقتاندىرۋدى ىلگەرىلەتۋدە اناعۇرلىم زور تابىستارعا قول جەتكىزەمىز.

كەلۋ قاينارى: حالىق تورابى