”14 - بەسجىلدىقتان“ بەرى جىلىنا ورتا ەسەپپەن 46 ميلليون مۋ جايىلىم قالپىنا كەلتىرىلدى

«حالىق گازەتى»، 4 – ايدىڭ 22 - كۇنى، بەيجيڭ (ءتىلشى دۇڭ سى - يۇي). 4 – ايدىڭ 22 - كۇنى − دۇنيە جۇزىلىك جەر شارى كۇنى. ءتىلشىنىڭ سول كۇنى مەملەكەتتىك ورمان – جايىلىم مەكەمەسىندە وتكىزىلگەن اقپار جاريالاۋ ماجىلىسىنەن ۇعىسۋىنشا، ”14 - بەسجىلدىقتان“ بەرى ورتالىق قازىنانىڭ جايىلىمدى قورعاۋعا، قالپىنا كەلتىرۋگە قولداۋ كورسەتۋ جالپى قارجىسى 110 ميلليارد يۋانعا جەتىپ، جىلىنا ورتا ەسەپپەن 46 ميلليون مۋدان استام جايىلىم قالپىنا كەلتىرىلىپ، جايىلىمنىڭ جاس ءشوبىنىڭ جالپى ءونىم مولشەرى 550 ميلليون توننادان اسقان. ءۇش تەرىستىك وڭىرىندەگى جايىلىمنىڭ ەكولوگيالىق ساپاسى ۇزدىكسىز جوعارىلادى، حورچين قۇمدى شولىندە بۇرىنعى سيرەك كەزىگەتىن كورىنىس قايتا قالپىنا كەلدى، بەيجيڭ مەن تيانجيننىڭ جوعارعى جەل وتىندەگى قۇم قاينارى كورنەكتى ازايىپ، مەملەكەتتىڭ ەكولوگيالىق حاۋىپسىزدىك قالتقىسى اناعۇرلىم بەكەمدەلە ءتۇستى.

جەر - جەر جاساندى جولمەن ءشوپ ەگۋ تەبىنىن ارتتىرۋ، مال جايۋعا تيىم سالۋ جانە جايىلىم مەن مالدىڭ تەپە - تەڭدىگىن ساقتاۋ ءتۇزىمىن تياناقتاندىرۋ سياقتى شارالار ارقىلى ءداستۇرلى جايىلىم مال شارۋاشىلىق ءوندىرىس تاسىلىنە جەدەل بۇرىلىس جاسادى. كەلەسى قادامدا ورمان، جايىلىم تاراۋلارى ”ءۇش تەرىستىك“، ”قوس كەلەلى“ سياقتى ينجەنەريا نىساندارىنا سۇيەنىپ، جايىلىم ەكولوگياسىن قالپىنا كەلتىرۋدى ۇزدىكسىز كۇشەيتەدى. ءشوپ تۇقىمىن اسىلداندىرۋ جانە ءشوپ تۇقىمى بازاسى قۇرىلىسى نىسانىن ناقتى يگەرىپ، شۇرايلاندىرىلعان جەر اۋدانىن 40 ميلليون مۋدان اسىرىپ، جاڭادان 300 مىڭ مۋ ءشوپ تۇقىمىن جەتىلدىرۋ بازاسىن قۇرىپ، ەكولوگيالىق ءشوپ تۇقىمىمەن قامداۋ قۋاتىن 30 مىڭ تونناعا جەتكىزىپ، ەلىمىزدە وندىرىلگەن ءشوپ تۇقىمىمەن ءوزىن - ءوزى قامداۋ شاماسىن ونان ارى جوعارىلاتادى.

كەلۋ قاينارى: حالىق تورابى