1 - توقساندا ناقتى زاتتاردىڭ ينتەرنەتتە بولشەك ساتىلۋ سوماسى %5.7 ارتتى ەلەكتروندىق ساۋدا ىشكى سۇرانىمدى ۇلعايتىپ، ىشكى ساتۋدى كەڭەيتۋ رولىن ۇزدىكسىز ساۋلەلەندىردى

«حالىق گازەتى»، 4 – ايدىڭ 22 - كۇنى، بەيجيڭ (ءتىلشى ۋاڭ كى). 1 - توقساندا ەلىمىزدىڭ ينتەرنەتتە بولشەك ساتۋ سوماسى 3 تريلليون 600 ميلليارد يۋاننان استى، مۇنىڭ ىشىندە ناقتى زات تاۋارلارىنىڭ ينتەرنەتتە بولشەك ساتىلۋ سوماسى 3 تريلليون يۋانعا تاياپ، %5.7 ارتتى. ءتىلشىنىڭ ساۋدا مينيسترلىگىنەن ۇعىسۋىنشا، ەلىمىزدىڭ ەلەكتروندى ساۋدا ىستەرى باياندى، اقاۋسىز دامىپ، جەلى ءىشى - سىرتىن تۇتاستىرۋ، كاسىپ تىزبەگىندە جوعارى - تومەنگى اعاردى تۇتاستىرۋ، ەل ءىشى - سىرتىن ۇشتاستىرۋ ابزالدىقتارىن ساۋلەلەندىرىپ، ىشكى سۇرانىمدى كەڭەيتۋدى ىلگەرىلەتىپ، سىرتقى ساۋدانىڭ ىشكى ساتىلىمدى كەڭەيتۋىنە دەم بەرىپ، جالپىعا ءتيىمدى، كوپ بولىپ پايداسىن كورەتىن دۇنيە جۇزىلىك ەلەكتروندىق ساۋدا ءىرى بازارى قۇرىلعان.

ساپا جوعارىلاپ، ارتۋ مولشەرى كەڭەيدى. ساۋدا ىستەرى ءىرى ساندى مالىمەتىنە قاراعاندا، 1 - توقساندا كونەسىن جاڭاعا اۋىستىرۋ كولەمى كەڭەيتىلىپ، سيفرلى ونىمدەردىڭ %7.4 ارتۋىن جەبەپ، جوعارى باعا العان كينو فيلمدەرى جەلىدەگى مادەنيەت، كوڭىل اشۋ كاسىبىنىڭ %40 ارتۋىن جەبەگەن. ”جاساندى زەردە تەحنيكاسى + سيفرلى زاۆود“ ۇلگىسى كاسىپ سالاسى تىزبەگىنىڭ جوعارعى - تومەنگى جەلىسىندەگى كاسىپورىنداردىڭ اينالىم وزىندىك قۇنىن %30 كە جۋىق تومەندەتتى، ”ەلەكتروندى ساۋدا + كاسىپ سالاسى بەلدەۋى“ تاپسىرىستى جيناقتاۋدى جانە سيفرلاندىرۋدى سايكەستىرۋدى كۇشەيتىپ، ورتا، شاعىن كاسىپورىنداردىڭ ءوندىرىس ونىمدىلىگىن %35 جوعارىلاتتى.

قامداۋ مەن قاجەتسىنۋدى تىكە بايلانىستىرىپ، ىشكى ساتۋدى كەڭەيتتى. ۇكىمەت پەن كاسىپورىن قول ۇستاسىپ، ىشكى - سىرتقى ساۋدانىڭ ءبىر تۇلعالانۋىن جەدەل ىلگەرىلەتتى. 10 نەشە ەلەكتروندى ساۋدا تەكشەسى تاپسىرىستى تىكە جيناۋ، سىرتقى ساۋدا رايونى، اعىن مولشەرىن قولداۋ سياقتى 8 ءتۇرلى شارا ارقىلى ساپالى سىرتقى ساۋدا ونىمدەرىن بارشا تۇتىنۋشىعا جەتكىزدى.

كەلۋ قاينارى: حالىق تورابى