شي جينپيڭ كليمات جانە ادىلەتتى بۇرىلىس جاساۋ باسشىلار ماجىلىسىنە ارناۋ ءسوز جولدادى

4 - ايدىڭ 23 - كۇنى مەملەكەت ءتوراعاسى شي جينپيڭ كليمات جانە ادىلەتتى بۇرىلىس جاساۋ باسشىلار بەينە ەكران ماجىلىسىنە ارناۋ ءسوز جولدادى.

سۋرەتتى شينحۋا اگەنتتىگىنىڭ ءتىلشىسى حۋاڭ جيڭۋىن تۇسىرگەن

شينحۋا اگەنتتىگى، 4 - ايدىڭ 23 - كۇنى، بەيجيڭ. 4 - ايدىڭ 23 - كۇنى مەملەكەت ءتوراعاسى شي جينپيڭ كليمات جانە ادىلەتتى بۇرىلىس جاساۋ باسشىلار بەينە ەكران ماجىلىسىنە ارناۋ ءسوز جولدادى (ءسوزدىڭ تولىق مازمۇنىن «حالىق گازەتىنىڭ» 2 - بەتىنەن وقي الاسىزدار).

شي جينپيڭ بىلاي دەپ اتاپ كورسەتتى: بيىل − «پاريج كەلىسىمىنە» قول قويىلعاندىعىنىڭ 10 جىلدىعى ءارى بىرلەسكەن مەملەكەتتەر ۇيىمى قۇرىلعاندىعىنىڭ 80 جىلدىعى. قازىر دۇنيە جۇزىندەگى 100 جىلدىق وزگەرىس جەدەل قۇبىلىپ، ادامزات قوعامى جاڭا جول ايىرىعىنا قادام تاستادى. ءىشىنارا ءىرى ەلدەر سىڭار جاقتىلىققا، قورعانىمپازدىققا بوي ۇرىپ، حالىقارالىق ەرەجە مەن حالىقارالىق تارتىپكە اۋىر سوققى بەرگەنىمەن، تاريح قاشان دا بۇراڭدىلىق بارىسىندا العا باسىپ كەلەدى. سەنىمدى بەكەمدەپ، ىنتىماقتى، سەلبەستىكتى كۇشەيتكەندە عانا، ءسوز جوق، كەرى اعىستى تالقانداپ، دۇنيە جۇزىلىك كليماتتى جونگە سالۋدىڭ جانە دۇنيە ءجۇزىنىڭ بارلىق العا باسۋ ىستەرىنىڭ ورنىقتى، باياندى دامۋىن ىلگەرىلەتۋگە بولادى.

ءبىرىنشى، كوپ جاقتىلىققا تاباندى بولۋ. بىرلەسكەن مەملەكەتتەر ۇيىمىن ۇيىتقى ەتكەن حالىقارالىق جۇيەنى، حالىقارالىق زاڭدى نەگىز ەتكەن حالىقارالىق ءتارتىپتى باتىل قورعاپ، حالىقارالىق ادىلدىك پەن ادىلەتتىلىكتى باتىل قورعاۋ كەرەك. زاڭمەن جونگە سالۋ رۋحىن ۇستانىپ، سەنىمگە ءمان بەرىپ، ۋادەسىندە تۇرىپ، جاسىل، تومەن كومىرتەكتى دامۋدى كوزدەپ، كوپ جاقتى جونگە سالۋ ارقىلى كليمات داعدارىسىنا بىرگە توتەپ بەرۋ كەرەك.

ەكىنشى، حالىقارالىق سەلبەستىكتى تەرەڭدەتۋ. اشىق، سيىسىمدى بولۋ ارقىلى كىربەڭدىكتەن، قاقتىعىستان اسىپ ءتۇسىپ، سەلبەستىك ارقىلى تەحنيكادا جاڭالىق اشۋ مەن كاسىپ سالاسى وزگەرىسىن جەبەپ، ساپالى، جاسىل تەحنيكا مەن ونىمدەردىڭ ەركىن اينالىمعا تۇسۋىنە، ءار ەلدىڭ، اسىرەسە، قالىڭ وركەندەپ كەلە جاتقان ەلدەردىڭ ءبارىنىڭ قول جەتكىزە الۋىنا، پايدالانا الۋىنا، ويداعىداي پايدالانۋىنا مۇمكىندىك جاساۋ كەرەك. جۇڭگو وڭتۇستىك پەن وڭتۇستىك سەلبەستىگىن زور كۇشپەن تەرەڭدەتىپ، باسقا وركەندەپ كەلە جاتقان ەلدەرگە شاماسىنىڭ جەتىسىنشە ۇزدىكسىز كومەكتەسەدى.

ءۇشىنشى، ءادىل بۇرىلىس جاساۋدى ىلگەرىلەتۋ. حالىقتى وزەك ەتىپ، حالىق تۇرمىسىنىڭ باقىتىن جاقسارتۋ مەن كليماتتى جونگە سالۋدى سايكەستى ىلگەرىلەتىپ، ورتانى قورعاۋ، ەكونوميكانى دامىتۋ، جۇمىستاندىرۋ، كەدەيلىكتى جويۋ سياقتى نىسانالاردى ءبىر تۇتاس جوسپارلاۋ كەرەك. دامىعان ەلدەر وركەندەپ كەلە جاتقان ەلدەرگە كومەك بەرىپ جانە قولداۋ كورسەتىپ، دۇنيە ءجۇزىنىڭ جاسىل، تومەن كومىرتەكتى تيپكە بۇرىلىس جاساۋىنا دەم بەرىپ، ءار ەل حالقىنىڭ ورتاق جانە ۇزاق بولاشاقتىق ىرىس - قۇتىن ارتتىرۋعا مىندەتتى.

ءتورتىنشى، ناقتى ارەكەتتى كۇشەيتۋ. ءارقايسى جاق ەڭ زور قۇلشىنىس كورسەتىپ، ەكونوميكانىڭ دامۋى مەن ەنەرگيادا تيپكە بۇرىلىس جاساۋدى ءبىر تۇتاس جوسپارلاۋ نەگىزىندە مەملەكەتتىڭ دەربەس ۇلەس قوسۋ ارەكەت باعدارلاماسىن جاساۋى جانە اتقارۋى كەرەك. جۇڭگو بىرلەسكەن مەملەكەتتەر ۇيىمىنىڭ كليمات وزگەرىسى بەللون جينالىسىنان بۇرىن، تۇتاس ەكونوميكالىق كولەمدى، بارلىق جىلىجاي گازىن قامتىعان 2035 ـ جىلعى مەملەكەتتىڭ دەربەس ۇلەس قوسۋ نىساناسىن جاريالايدى.

شي جينپيڭ بىلاي دەپ باسا دارىپتەدى: ادام مەن تابيعاتتىڭ جاراسىمدى قاتار ءومىر ءسۇرۋى − جۇڭگو ۇلگىسىندەگى وسىزامانداندىرۋدىڭ ايقىن ەرەكشەلىگى.

جۇڭگو − دۇنيە ءجۇزىنىڭ جاسىل دامۋىنداعى باتىل ارەكەتتەنۋشى، ماڭىزدى ۇلەس قوسۋشى، 5 جىلدىڭ الدىندا مەن كومىر قىشقىل گازىنىڭ شىعارىلۋىن جوعارى مانگە جەتكىزۋ، كومىر قىشقىل گازىن بەيتاراپتاندىرۋ نىساناسىن جاريالاعاننان بەرى، جۇڭگو دۇنيە ءجۇزى بويىنشا ەڭ ۇلكەن، دامۋى ەڭ تەز تۋىندامالى ەنەرگيا جۇيەسىن قۇرىپ، دۇنيە ءجۇزى بويىنشا ەڭ ۇلكەن، ەڭ كەمەلدى جاڭا ەنەرگيا كاسىپ سالاسى تىزبەگىن قۇرىپ، دۇنيە جۇزىنىڭ جاسىل جەر اۋدانىنىڭ كوبەيۋىنە شيرەك شامادا ۇلەس قوستى. حالىقارالىق جاعداي مەيلى قالاي وزگەرسە دە، جۇڭگونىڭ كليمات وزگەرىسىنە بەلسەنە توتەپ بەرۋ ارەكەتى باياۋلامايدى، حالىقارالىق سەلبەستىكتى جەبەۋ قۇلشىنىسى السىرەمەيدى، ادامزاتتىڭ تاعدىرلاس ورتاق تۇلعاسىن قۇرۋدى ىلگەرىلەتۋ امالياتى توقىرامايدى. جۇڭگو ءار جاقپەن بىرگە ورتاق ءبىراق پارىقتى جاۋاپكەرشىلىكتى شىنايى اتقارىپ، اركىم قابىلەتىنە قاراي ىستەپ، ىنتىماقتاسا سەلبەسىپ، تازا، كوركەم، باياندى دۇنيە ءجۇزىن بىرگە قۇرۋدى ىلگەرىلەتۋدى قالايدى.

كەلۋ قاينارى: حالىق تورابى