ارميا مەن ۇكىمەتتىڭ، ارميا مەن حالىقتىڭ بولاتتاي بەرىك ىنتىماعىن بەكەمدەپ، دامىتىپ، حالقىمىزدى ءسۇيۋدىڭ، ارميامىزدى ءسۇيۋدىڭ داۋىرلىك جاڭا تاراۋىن بىرگە جازۋ كەرەك

«حالىق گازەتى»، 4 - ايدىڭ 23 - كۇنى، بەيجيڭ (ءتىلشى جاۋ بيڭ). جۇڭگو كوممۋنيستىك پارتياسى ورتالىق كوميتەتىنىڭ باس شۋجيى، مەملەكەت ءتوراعاسى، ورتالىق اسكەري ىستەر كوميتەتىنىڭ ءتوراعاسى شي جينپيڭ جۋىردا قوس قولداۋ قىزمەتى جونىندە ماڭىزدى نۇسقاۋ بەرىپ بىلاي دەپ اتاپ كورسەتتى: ارميانى قورعاپ، ولاردىڭ ءۇي ىشىندەگىلەرگە قامقورلىق جاساۋ، ۇكىمەتتى قورعاپ، حالىقتى ءسۇيۋ − پارتيامىزدىڭ، ارميامىزدىڭ، حالقىمىزدىڭ تاڭداۋلى ءداستۇرى جانە ەرەكشە ساياسي ابزالدىعى. جاڭا جورىقتا جاڭا ءداۋىر جۇڭگوشا سوتسياليزم يدەياسىن جەتەكشى ەتۋگە تاباندى بولىپ، پارتيانىڭ جاپپاي باسشىلىعىنا تاباندى بولىپ، رەفورما جاساپ، جاڭالىق اشۋدى تەرەڭدەتىپ، ساياسات - مەحانيزمدى كەمەلدەندىرىپ، قوس قولداۋ قىزمەتىنىڭ ۇزدىكسىز تىڭ ىلگەرىلەۋشىلىكتەرگە قول جەتكىزۋىن ىلگەرىلەتۋ كەرەك.

شي جينپيڭ بىلاي دەپ باسا دارىپتەدى: ءار دارەجەلى پارتكومدار مەن ۇكىمەتتەر اسكەري ءبولىم قۇرىلىسى مەن رەفورماسىنا كوڭىل ءبولىپ، قولداۋ كورسەتىپ، قالىڭ كوماندير - جاۋىنگەرلەردى ىرىقتىلىقپەن ۋايىمنان ارىلتىپ، قيىنشىلىعىن شەشىپ، مەملەكەت قورعانىسىنا كوڭىل بولەتىن، ارميانى قىزۋ سۇيەتىن، اسكەريلەردى قاستەرلەيتىن تاماشا قوعامدىق راي قالىپتاستىرۋى كەرەك. ارميا تۇپكى ماقسات تانىمىن بەرىك ورناتىپ، جەرگىلىكتى ورىندار قۇرىلىسىنىڭ دامۋىنا بەلسەنە كومەكتەسىپ، ءىس جۇزىندىك ارەكەتى ارقىلى حالىققا باقىت جاراتىپ، پايدا جەتكىزۋى كەرەك. ارميا مەن جەرگىلىكتى ورىن تىعىز سەلبەسىپ، ارميا مەن ۇكىمەتتىڭ، ارميا مەن حالىقتىڭ بولاتتاي بەرىك ىنتىماعىن بەكەمدەپ، دامىتىپ، حالقىمىزدى ءسۇيۋدىڭ، ارميامىزدى ءسۇيۋدىڭ داۋىرلىك جاڭا تاراۋىن بىرگە جازۋى كەرەك.

قوس قولداۋداعى مەملەكەتتىك ۇلگىلى قالالارعا (اۋدان) اتاق بەرۋ جينالىسى 4 - ايدىڭ 23 - كۇنى بەيجيڭدە اشىلدى. ماجىلىستە شي جينپيڭنىڭ ماڭىزدى نۇسقاۋى جەتكىزىلدى. جۇڭگو كوممۋنيستىك پارتياسى ورتالىق كوميتەتى ساياسي بيۋروسىنىڭ تۇراقتى مۇشەسى، مەملەكەتتىك كەڭەستىڭ زۇڭليى لي چياڭ جينالىسقا قاتىناستى ءارى ءسوز سويلەدى.

لي چياڭ سوزىندە بىلاي دەپ اتاپ كورسەتتى: باس شۋجي شي جينپيڭنىڭ قوس قولداۋ قىزمەتى جونىندەگى ماڭىزدى بايىمداۋلارى مەن ماڭىزدى نۇسقاۋلارى − پارتيانىڭ قوس قولداۋ قىزمەتىنە باسشىلىق ەتۋدەگى تاريحي تاجىريبەلەرىنىڭ قورىتىندىسى جانە نازاريالىق جاڭالىق اشۋ جەتىستىگى، جاڭا ءداۋىردىڭ جاڭا جورىعىندا قوس قولداۋ قىزمەتىن ويداعىداي ىستەۋگە ءتۇبىرلى تياناق ازىرلەدى.

ءبىز باتىل دايەكتىلەندىرىپ، تياناقتاندىرىپ، قوس قولداۋ قىزمەتىندە ۇزدىكسىز جاڭا جاعداي اشۋىمىز كەرەك.

لي چياڭ بىلاي دەدى: سوڭعى جىلدارى ارميا مەن جەرگىلىكتى ورىنداعى ءار دارەجەلى ورىنداردىڭ، ءار جاقتىڭ بىرگە قۇلشىنۋىنىڭ ناتيجەسىندە، قوس قولداۋ قىزمەتىندە بەلسەندى ىلگەرىلەۋشىلىكتەرگە قول جەتىپ، قاتىستى زاڭدار، زاڭ ەرەجەلەر جۇيەسى اناعۇرلىم اقاۋسىزدانىپ، قوعامدىق ارميانى قولداۋ ۇيىمى جانە قىزمەت وتەۋ تورى اناعۇرلىم كەمەلدەنىپ، بۇكىل ارمياداعى اسكەري بولىمدەر كەدەيلىكتەن ارىلتۋدان قامال الۋ، اۋىل - قىستاقتى گۇلدەندىرۋ جانە شەكارانى كۇشەيتۋ، قورعانىستى بەكەمدەۋ سياقتى كەلەلى ستراتەگيالاردى اتقارۋعا بەلسەنە ات سالىسىپ، قاتەردەن اراشالاۋ، اپاتتان قۇتقارۋ، چياۋرىنداردى شەگىندىرىپ، تەڭىز قاتىناسىن قورعاۋ، ورنىقتىلىقتى قورعاۋ، توسىن وقيعالاردى ءبىر جاقتى ەتۋ سياقتى مىندەتتەردى ءساتتى ورىندادى. قازىر جانە بۇدان بىلايعى ءبىر مەزگىل − جۇڭگو ۇلگىسىندەگى وسىزامانداندىرۋ ارقىلى مەملەكەتتى قۇدىرەتتەندىرۋ قۇرىلىسىن، ۇلتتى گۇلدەندىرۋ ۇلى ءىسىن جاپپاي ىلگەرىلەتۋدىڭ شەشۋشى مەزگىلى. قوس قولداۋ قىزمەتى ارميا مەن جەرگىلىكتى ورىندى بايلانىستىرىپ، ارميا مەن حالىقتى ىنتىماقتاستىرادى، زەيىن - زەردەنى، كۇش - قۋاتتى شوعىرلاندىرۋدىڭ ماڭىزدى رولىن اناعۇرلىم ويداعىداي ساۋلەلەندىرىپ، ارميا مەن جەرگىلىكتى ورىندى قوس باعىتتا قولداۋدىڭ وزگەشە ابزالدىعىن ساۋلەلەندىرىپ، پارتيا مەن مەملەكەت ىستەرىنىڭ دامۋىنا ۇلەس قوسۋ كەرەك.

لي چياڭ بىلاي دەپ باسا دارىپتەدى: جەر - جەر، تاراۋلار مەملەكەت قورعانىسى تانىمى مەن جالپى جاعداي كوزقاراسىن بەرىك ورناتىپ، نازاردى ارميا قۇرىلىسى مەن رەفورما تۇيىنىنە شوعىرلاندىرىپ، بايلىقتى ءبىر تۇتاس جوسپارلاۋدى كۇشەيتىپ، ارميا مەن جەرگىلىكتى ورىننىڭ سەلبەستىگىن جيىلەتىپ، مەملەكەت قورعانىسى مەن ارميانى وسىزامانداندىرۋ قۇرىلىسىنا ىرىقتىلىقپەن قىزمەت ەتۋى كەرەك. مىندەت وتەپ جاتقان اسكەريلەر مەن قوسىننان شەگىنگەن اسكەريلەردىڭ ءىس جۇزىندىك قاجەتىن ءبىر تۇتاس ويلاستىرىپ، قىزمەت وتەۋ، قامتاماسىزداندىرۋ شارالارىنىڭ دالدىگىن جوعارىلاتىپ، اسكەريلەر كوڭىل ءبولىپ وتىرعان پەرزەنتتەرىن تاربيەلەۋ، وتباسىنداعىلاردىڭ جۇمىستانۋى، اتا - انالارىنىڭ كۇتىمدەلۋى سياقتى ماسەلەلەردى شەشۋگە دەن قويا، سۇيىسپەنشىلىكپەن كومەكتەسىپ، قوسىننان شەگىنگەندەردى ورنالاستىرۋ، جۇمىستاندىرۋ، يگىلىك جاراتۋ، قامقورلىق جاساۋ جانە قيىنشىلىعى بارلارعا كومەكتەسۋ سياقتى قىزمەتتەردى تىڭعىلىقتى ويداعىداي ىستەۋ كەرەك. ارميانىڭ ءوز ابزالدىعىن تياناق ەتىپ، جەرگىلىكتى ورىننىڭ ەكونوميكالىق، قوعامدىق قۇرىلىسىنا بەلسەنە ات سالىسىپ، جوعارى ساپالى دامۋدى ىلگەرىلەتۋ، جەرگىلىكتى ورىنعا كومەكتەسۋ - سۇيەمەلدەۋدى كۇشەيتۋ، حاۋىپسىزدىكتى، ورنىقتىلىقتى قورعاۋ سياقتى جاقتاردا اناعۇرلىم زور رول اتقارۋىن قولداۋ كەرەك. رەفورمانى تەرەڭدەتۋ، جاڭالىق اشۋ بارىسىندا قوس قولداۋ قىزمەتىنىڭ ساپاسى مەن ونىمدىلىگىن جوعارىلاتىپ، ۇيىمدىق باسشىلىق مەحانيزمىن كەمەلدەندىرىپ، قوس قولداۋداعى ۇلگىلى ورىن قۇرۋدى تەرەڭدەتىپ، قوس قولداۋدىڭ قوعامدىق نەگىزىن بەكەمدەپ، كەڭەيتىپ، پارتيا ورتالىق كوميتەتىنىڭ قوس قولداۋ قىزمەتى جونىندەگى شەشىمدەرى مەن ورنالاستىرۋلارىنىڭ تياناقتانۋىن، ناقتىلانۋىن ىلگەرىلەتۋ كەرەك.

جينالىستا قوس قولداۋداعى مەملەكەتتىك ۇلگىلى قالاعا (اۋدان) اتاق بەرۋ جونىندەگى قارار وقىلدى (ەسىمدىكتى «حالىق گازەتىنىڭ» 6 - بەتىنەن وقي الاسىزدار) ءارى قوس قولداۋداعى مەملەكەتتىك ۇلگىلى قالانىڭ (اۋدان) ۋاكىلدەرىنە سيلىق تاراتىلدى. ارميا مەن جەرگىلىكتى ورىنداردىڭ قاتىستى ۋاكىلدەرى ءسوز سويلەدى.

شى تايفىڭ، لي شۋلەي، جاڭ يوۋشيا، ۋاڭ دۇڭميڭ، ۋ جىڭلۇڭ، شىن يۋەيۋە جينالىسقا قاتىناستى. چىن ي - چين جينالىستى باسقاردى.

مەملەكەتتىك قوس قولداۋداعى ۇلگىلى قالالاردىڭ (اۋدان) ۋاكىلدەرى، مەملەكەتتىك قوس قولداۋ قىزمەتىنە باسشىلىق ەتۋ گرۋپپاسىنىڭ مۇشەلەرى، ارميا مەن جەرگىلىكتى ورىنداردىڭ قاتىستى تاراۋلارىنداعى جاۋاپتى جولداستار، ولكەلەردىڭ، اۆتونوميالى رايونداردىڭ، توتە قاراستى قالالاردىڭ جانە شينجياڭ ءوندىرىس - قۇرىلىس بيڭتۋانىنىڭ قوس قولداۋ قىزمەتىنە باسشىلىق ەتۋ گرۋپپاسىنداعى جانە قوس قولداۋ كەڭسەسىندەگى جاۋاپتى جولداستار قاتارلىلار جينالىسقا قاتىناستى.

كەلۋ قاينارى: حالىق تورابى