سىرتقى ىستەر مينيسترلىگى: سوعىسام دەسە سوڭىنا دەيىن شىدايمىز، كەلىسەم دەسە ەسىگىمىز اشىق

4 – ايدىڭ 23 – كۇنى، سىرتقى ىستەر مينيسترلىگى كەزەكتى تىلشىلەر جينالىسىن وتكىزدى. ءبىر ءتىلشى بىلاي دەپ سۇرادى: حابارعا قاراعاندا، ا ق ش زۇڭتۇڭى ترامپ تىلشىگە جاۋاپ بەرگەندە جۇڭگوعا قاراتىلعان %145 كەدەن باجىسى شىنىندا وتە جوعارى، كەلىسىم جاسالعاننان كەيىن ا ق ش – تىڭ جۇڭگوعا قاراتقان كەدەن باجىسى زور مولشەردە تومەندەيدى، ءبىراق نولگە تۇسپەيدى دەگەن. ا ق ش قازىنا مينيسترى بەيسەنت قازىرگى جاعداي ءمانى جاعىنان العاندا، ساۋدا تاسىمالىنا تيىم سالۋ بولىپ تابىلادى. ا ق ش نىساناسى جۇڭگودان قول ءۇزۋ ەمەس، ەكى ەل ەكى دە ءۇش جىل ىشىندە جالپى بەتتىك كەلىسىمگە كەلۋى مۇمكىن. جۇڭگومەن وسى تەكتەس كەلىسىمدەر جونىندەگى كەلىسسوز ءالى باستالا قويعان جوق دەگەندى بىلدىرگەن. جۇڭگو بۇعان قالاي قارايدى؟

بۇل جونىندە گو جياكۇن مىنانى ءبىلدىردى: جۇڭگو جاق سوناۋ ەرتەدە - اق مىنانى اتاپ كورسەتكەن بولاتىن: كەدەن سالىعى سوعىسىندا، ساۋدا سوعىسىندا جەڭىمپاز بولمايدى، قورعانىمپازدىقتىڭ شىعار جولى بولمايدى، ”اجىراپ تىزبەكتى ٴۇزۋ“ تەك ءوزىن عانا وقشاۋ قالدىرادى. ا ق ش قوزعاعان كەدەن باجىسى سوعىسى جونىندە جۇڭگو جاقتىڭ پوزيتسياسى وتە ايقىن، ءبىز سوعىسقىمىز كەلمەيدى، سوعىسۋدان دا قورىقپايمىز. سوعىسام دەسە سوڭىنا دەيىن شىدايمىز، كەلىسەم دەسە ەسىگىمىز اشىق، ەگەر ا ق ش ماسەلەنى پىكىرلەسۋ، كەلىسسوز وتكىزۋ ارقىلى شەشپەكشى بولسا، قوقانلوقى جاساۋدى توقتاتىپ، تەڭدىك، قۇرمەت ەتۋ، ءوزارا تيىمدىلىك جاساۋ نەگىزىندە جۇڭگومەن پىكىرلەسۋى كەرەك. ءبىر جاعىنان جۇڭگو جاقپەن كەلىسىمگە كەلەمىز دەپ، ەندى ءبىر جاعىنان، ۇزدىكسىز شەكتى قىسىم ءتۇسىرۋ جۇڭگو جاقپەن قارىم - قاتىناس جاساۋدىڭ دۇرىس ءتاسىلى ەمەس، ىسكە اسپايدى.

كەلۋ قاينارى: حالىق تورابى