ورتالىقتىڭ سەگىز ءتۇرلى بەلگىلەمەسىنىڭ رۋحىن تاباندىلىقپەن تياناقتاندىرىپ، تاماشا پارتيا ستيلى ارقىلى قوعامدىق ستيلگە، حالىقتىق ستيلگە جەتەكشىلىك ەتەيىك

شينحۋا اگەنتتىگى، 5 ـ ايدىڭ 15 ـ كۇنى، بەيجيڭ. 5 ـ ايدىڭ 16 ـ كۇنى باسپادان شىعاتىن «ىزدەنۋ» جۋرنالىنىڭ 10 ـ سانىندا جۇڭگو كوممۋنيستىك پارتياسى ورتالىق كوميتەتىنىڭ باس شۋجيى، مەملەكەت ءتوراعاسى، ورتالىق اسكەري ىستەر كوميتەتىنىڭ ءتوراعاسى شي جينپيڭنىڭ «ورتالىقتىڭ سەگىز ءتۇرلى بەلگىلەمەسىنىڭ رۋحىن تاباندىلىقپەن تياناقتاندىرىپ، تاماشا پارتيا ستيلى ارقىلى قوعامدىق ستيلگە، حالىقتىق ستيلگە جەتەكشىلىك ەتەيىك» اتتى ماڭىزدى ماقالاسى جاريالانادى. بۇل − باس شۋجي شي جينپيڭنىڭ 2012 ـ جىلى 12 - ايدان 2025 ـ جىلى 3 - ايعا دەيىنگى قاتىستى ماڭىزدى بايىمداۋلارىنىڭ قىسقارتىلعانى.

ماقالادا بىلاي دەپ باسا دارىپتەلدى: پارتيا ستيلى ماسەلەسى بيلىكتى پارتيانىڭ ءومىر ءسۇرۋى مەن قۇرىپ - جوعالۋىنا بايلانىستى. ستيل قۇرىلىسى پارتيامىزدىڭ ۇزاق ۋاقىت بيلىك جۇرگىزە الۋ - الماۋىنا، بيلىك جۇرگىزۋ بورىشىن ويداعىداي اتقارا الۋ - الماۋىنا سايادى. پارتيا 18 ـ قۇرىلتايىنان بەرى ءبىز پارتيا ىشىندە ورىن تەپكەن ءتۇرلى ماسەلەلەر مەن كىناراتتارعا بەتپە ـ بەت كەلىپ، ورتالىقتىڭ سەگىز ءتۇرلى بەلگىلەمەسىن جاساۋدان جانە اتقارۋدان باستاپ ماسەلەنى شەشىپ، جاڭا جاعدايدا ستيل قۇرىلىسىندا نەنى يگەرۋ، قالاي يگەرۋ ماسەلەسىن شەشىپ، پارتيانى جاپپاي قاتاڭ جونگە سالۋدى ىلگەرىلەتتىك. جاڭا داۋىردە پارتيانى جاپپاي قاتاڭ جونگە سالۋدىڭ توڭكەرىستىك شىڭدالۋى ارقىلى تارتىپتگ بوساڭسۋ، ستيلدەگى تۇرلاۋسىزدىق جاعدايى وزگەرىپ، شىنايى باسقارۋ، شىنايى قاتايتۋ، باتىلدىقپەن باسقارۋ، باتىلدىقپەن قاتايتۋ، ۇزاق ۋاقىت باسقارۋ، ۇزاق ۋاقىت قاتاڭ بولۋ جاعدايى نەگىزىنەن قالىپتاسىپ، پارتيا ستيلى، ۇكىمەت ستيلى شىت جاڭا تۇسكە ەنىپ، قوعامدىق ستيل، حالىقتىق ستيل ۇزدىكسىز جاقسارىپ، پارتيانىڭ حالىق جۇرەگىندەگى وبرازىن قايتا سومدادى.

ماقالادا بىلاي دەپ اتاپ كورسەتىلدى: سەگىز ءتۇرلى بەلگىلەمەنىڭ جەتەكشى يدەياسى − قاتاڭ تالاپ قويۋ، ول پارتيانى پارتيا باسقارۋدى، پارتيانى قاتاڭ جونگە سالۋدى ايگىلەيدى، قىزمەت ستيلىن ورتالىق كوميتەتتىڭ ساياسي بيۋروسىنان باستاپ جاقسارتادى. پارتيانىڭ 18 - قۇرىلتايىنان بەرى ورتالىق كوميتەتتىڭ ساياسي بيۋروسى ستيلدى باستاماشىلدىقپەن جاقسارتىپ، ورتالىقتىڭ سەگىز ءتۇرلى بەلگىلەمەسىن قاتاڭ اتقاردى، اتاپ ايتقاندا، ءىس جۇزىندىك ارەكەتى ارقىلى بۇكىل پارتيانىڭ ستيلىن جاقسارتۋىنا جاقسى ۇلگى بولدى. ءار دارەجەلى باسشى كادرلار جوعارى ارقىلى تومەنگە جەتەكشىلىك ەتىپ، جوعارىدان تومەنگە قاراي ىستەپ، ءبىر دارەجە ءبىر دارەجەنى جەتەكتەپ، ءبىر دارەجە ءبىر دارەجەگە ۇلگى كورسەتىپ، سانالى تۇردە ۇلگىلىك، باستاماشىلدىق رول اتقارۋى كەرەك. ءبىز شىنداپ كىرىسسەك بولعانى، شەشە المايتىن ماسەلە بولمايدى.

ماقالادا بىلاي دەپ اتاپ كورسەتىلدى: ستيل ماسەلەسى، ءمانى جاعىنان العاندا، پارتيالىلىق ماسەلەسى. ”ءتورت ءتۇرلى بۇرىس ستيل“ ماسەلەسى، تۇپتەپ كەلگەندە، پارتيالىلىقتان الشاقتاپ، نەگىزگى ماقساتتان ايرىلدى. ستيل قۇرىلىسىن كۇشەيتۋدە، ءسوز جوق، پارتيانىڭ حالىق بۇقاراسىمەن ەتەنە بايلانىسىن ساقتاۋ سىندى تەتىكتى مىقتاپ ارقاۋ ەتىپ، ورتالىقتىڭ سەگىز ءتۇرلى بەلگىلەمەسىنىڭ رۋحىن قاجىماي - تالماي تياناقتاندىرىپ، ”ءتورت ءتۇرلى بۇرىس ستيلدى“ تۇزەتۋدى، وڭاۋدى ۇزدىكسىز تەرەڭدەتىپ، ”شارشاۋ سيندرومىنىڭ“ تۋىلۋىنان باتىل ساقتانىپ، راقاتقۇمارلىق، استا - توك ىسىراپشىلدىق سياقتى بۇرىس ستيلدەردىڭ، ناشار ادەتتەردىڭ بەلەڭ بەرۋىنەن باتىل ساقتانىپ، ”ءتورت ءتۇرلى بۇرىس ستيلدىڭ“ كومەسكى، قۇبىلمالى جاڭا بەتالىسىنان قاي - قاشان دا ساقتانىپ، قايتا باس كوتەرۋىنە استە جول بەرمەۋ كەرەك! فورماشىلدىقتى، تورەشىلدىكتى تۇزەتۋدى، جونگە سالۋدى اناعۇرلىم كورنەكتى ورىنعا قويىپ، ستيل قۇرىلىسىنىڭ ءتۇيىندى مىندەتى ەتىپ، باعىتتامالى شارالاردى زەرتتەپ، عىلمي، دالمە ـ ءدال نىسانالى جونگە سالىپ، شىنداپ كىرىسىپ، قيىندىقتان تايسالماي، ناقتى ونىمدىلىككە قول جەتكىزۋ كەرەك. تەك تاستى دومالاتىپ تاۋعا شىعۋ تەبىنىمەن، بەتكەيگە ورمەلەپ شىعىپ، وتكەلدەن ءوتۋ باتىلدىعىمەن تاباندىلىقتى ساقتاپ، تيتتەي دە جول بەرمەي، ىشكەرىلەي جونگە سالىپ، تۇبەگەيلى ونىمدىلىككە قول جەتكىزسەك بولعانى، كىناراتتاردى ءبىر ـ بىرلەپ الاستاپ، تىنىشتىق ورناتا الامىز. ماقالادا بىلاي دەپ باسا دارىپتەلدى: ستيل قۇرىلىسى ماڭگى جالعاسادى، اياقتالمايدى. ورتالىقتىڭ سەگىز ءتۇرلى بەلگىلەمەسىن بەلگىلەۋ، اتقارۋ − پارتيامىزدىڭ جاڭا داۋىردەگى تيپ ورناتىپ، سەنىمگە يە بولۋ شاراسى، ونى، ءسوز جوق، قاجىماي - تالماي يگەرىپ، ۇزاق ۋاقىت ۇلەس قوسۋ كەرەك، 10 جىل جەتپەسە 20 جىل، 20 جىل جەتپەسە 30 جىل قۇلشىنىپ، ناعىز سالت قالىپتاستىرىپ، تاماشا پارتيا ستيلى ارقىلى قوعامدىق ستيلگە، حالىق ستيلىنە جەتەكشىلىك ەتۋ كەرەك. ءبىز تاسقا تاڭبا، تەمىرگە ءىز قالدىراتىن جىگەرمەن بارىنشا كۇش سالىپ يگەرىپ، شەبەرلىكپەن باستاپ، شەبەرلىكپەن اياقتاتىپ، شەبەرلىكپەن ىستەپ، شەبەرلىكپەن تىندىرۋىمىز كەرەك. پارتيا ورتالىق كوميتەتى بۇكىل پارتيادا ورتالىقتىڭ سەگىز ءتۇرلى بەلگىلەمەسىنىڭ رۋحىن ىشكەرىلەي دايەكتىلەندىرۋ جونىندەگى ۇيرەنۋ تاربيەسىن ورىستەتۋدى ۇيعاردى، بۇل − بيىلعى پارتيا قۇرىلىسى قىزمەتىنىڭ ءتۇيىندى مىندەتى. ءار دارەجەلى پارتيا ۇيىمدارى دەن قويا ۇيىمداستىرىپ اتقارىپ، پارتيا مۇشەلەرىنىڭ، كادرلاردىڭ تاباندىلىقتى كۇشەيتىپ، ادەت قالىپتاستىرىپ، تاڭداۋلى ستيل ارقىلى زەيىن - زەردەنى، كۇش - قۋاتتى ۇيىستىرىپ، ءىس تىندىرىپ، ناتيجە شىعارۋىن ىلگەرىلەتۋى كەرەك.

كەلۋ قاينارى: حالىق تورابى