شي جينپيڭ توگونىڭ جاڭادان تاعايىندالعان باسشىلارىنا قۇتتىقتاۋ تەلەگرامماسىن جولدادى

شينحۋا اگەنتتىگى، 5 ـ ايدىڭ 15 ـ كۇنى، بەيجيڭ. 5 ـ ايدىڭ 14 ـ كۇنى مەملەكەت ءتوراعاسى شي جينپيڭ جان - ليۋسەن ساۆي دەتوۆقا تەلەگرامما جولداپ، ونىڭ توگو رەسپۋبليكاسىنىڭ زۇڭتۇڭى بولعاندىعىن قۇتتىقتادى. سول كۇنى ءتوراعا شي جينپيڭ تاعى فورە ەسوچەمنا ناشينبەگە تەلەگرامما جولداپ، ونىڭ توگو رەسپۋبليكاسى مينيسترلەر كەڭەسىنىڭ ءتوراعاسى بولعاندىعىن قۇتتىقتادى.

شي جينپيڭ بىلاي دەپ اتاپ كورسەتتى: جۇڭگو مەن توگونىڭ دوستىق قارىم - قاتىناسىن ەكى ەلدىڭ ءار داۋىردەگى باسشىلارى بىرگە سومدادى جانە دەن قويا جەتىلدىردى. جارتى عاسىردان استام ۋاقىتتان بەرى ەكى جاق باستان ـ اياق شىنايى دوستىققا، تەڭ تۇرعىدا ءوزارا سەنىمدىلىككە، سەلبەسىپ تەڭ يگىلىككە كەنەلۋگە تاباندى بولىپ، ءبىر ـ ءبىرىنىڭ وزەكتى مۇددەسىنە جانە ءجىتى قاداعالاپ وتىرعان كەلەلى ىستەرىنە ساياتىن ماسەلەلەردە ءبىرىن ـ ءبىرى باتىل قولداپ، ۇلكەن ـ كىشى ەلدەردىڭ تەڭ تۇرعىدا مامىلە جاساۋىنىڭ جانە دۇنيە ءجۇزىنىڭ وڭتۇستىگى مەن سولتۇستىگىنىڭ ىنتىماعىنىڭ، سەلبەستىگىنىڭ ۇلگىسىنە اينالدى. 2024 ـ جىلعى جۇڭگو ـ افريكا سەلبەستىك تالقى مىنبەرىنىڭ بەيجيڭدەگى باسشىلار ءماجىلىسى كەزىندە، جۇڭگو ـ توگو قارىم - قاتىناسى جالپى بەتتىك ستراتەگيالىق سەرىكتەستىك قارىم - قاتىناسقا كوتەرىلىپ، ەكى ەل قارىم - قاتىناسىنىڭ تىڭ پاراعىن اشتى. مەن جۇڭگو ـ توگو قارىم ـ قاتىناسىنىڭ دامۋىنا ايرىقشا ءمان بەرەمىن، توگو باسشىلارىمەن بىرگە قۇلشىنىپ، جۇڭگو ـ افريكا سەلبەستىك تالقى مىنبەرىنىڭ بەيجيڭدەگى باسشىلار ءماجىلىسىنىڭ جەتىستىكتەرىن تياناقتاندىرۋدى وراي ەتىپ، ءداستۇرلى دوستىقتى جالعاستىرىپ، ءار سالاداعى سەلبەستىكتى كەڭەيتىپ، ەكى ەلدىڭ جان ـ جاقتى ستراتەگيالىق سەرىكتەستىك قارىم ـ قاتىناسىنىڭ مازمۇنىن ۇزدىكسىز بايىتىپ، ەكى ەل حالقىن اناعۇرلىم ويداعىداي باقىتقا كەنەلتۋدى قالايمىن.

سول كۇنى مەملەكەتتىك كەڭەستىڭ زۇڭليى لي چياڭ دا تەلەگرامما جولداپ، فورەنىڭ توگو رەسپۋبليكاسى مينيسترلەر كەڭەسىنىڭ ءتوراعاسى بولعاندىعىن قۇتتىقتادى.