شي جينپيڭ جۇڭگو دانيا ساۋداگەرلەر قوعامىنىڭ جاۋاپتىسىنا جاۋاپ حات قايتاردى

شينحۋا اگەنتتىگى، 5 ـ ايدىڭ 15 ـ كۇنى، بەيجيڭ. تاياۋدا مەملەكەت ءتوراعاسى شي جينپيڭ جۇڭگو دانيا ساۋداگەرلەر قوعامىنىڭ جاۋاپتىسىنا جاۋاپ حات جازىپ، جۇڭگو دانيا ساۋداگەرلەر قوعامىن جانە مۇشە كاسىپورىنداردى جۇڭگو ـ دانيا، جۇڭگو ـ ەۆروپا دوستىعىن كۇشەيتۋگە جانە ءوزارا ءتيىمدى سەلبەستىكتى تەرەڭدەتۋگە تىڭ ۇلەس قوسۋعا شابىتتاندىردى.

شي جينپيڭ مىنالاردى اتاپ كورسەتتى: حاتىڭىزدان ءسىزدىڭ جۇڭگوعا دەگەن تەرەڭ سۇيىسپەنشىلىگىڭىز بەن دانيانىڭ جۇڭگوداعى كاسىپورىندارىنىڭ جۇڭگونىڭ بولاشاق دامۋىنا دەگەن سەنىمىن سەزىندىم، مەن مۇنى القايمىن. جۇڭگو بۇرىن شەتەل ساۋداگەرلەرىنىڭ كوڭىلدەگىدەي، حاۋىپسىز، ءىس تىندىراتىن قارجى قوسۋ نىسانالى جەرى بولاتىن، قازىر دە سولاي، بۇدان سوڭ دا سولاي بولا بەرەدى، جۇڭگوعا سەنۋدىڭ ءوزى − ەرتەڭگە سەنۋ، جۇڭگوعا قارجى قوسۋدىڭ ءوزى − بولاشاققا قارجى قوسۋ. جۇڭگو دانيا ساۋداگەرلەر قوعامى مەن مۇشە كاسىپورىنداردىڭ جۇڭگو مەن دانيا، جۇڭگو مەن ەۆروپا اراسىندا كوپىرلىك رولىن ۇزدىكسىز ساۋلەلەندىرىپ، جۇڭگو مەن دانيانىڭ، جۇڭگو مەن ەۆروپانىڭ ءوزارا ءتۇسىنىسۋى مەن دوستىعىن كۇشەيتۋگە، ەكى جاقتىڭ ءوزارا ءتيىمدى سەلبەستىگىن تەرەڭدەتۋگە كۇش قوسۋىن ءۇمىت ەتەمىن.

بىرنەشە كۇننىڭ الدىندا جۇڭگو دانيا ساۋداگەرلەر قوعامىنىڭ جاۋاپتىسى ءوز اتىنان جانە ساۋداگەرلەر قوعامىنىڭ اتىنان ءتوراعا شي جينپيڭگە حات جولداپ، جۇڭگو مەن دانيانىڭ ديپلوماتيالىق قارىم - قاتىناس ورناتقاندىعىنىڭ 75 جىلدىعىن قۇتتىقتاپ، جۇڭگومەن سەلبەستىكتى ۇزدىكسىز تەرەڭدەتۋ تىلەگىن بىلدىرگەن بولاتىن.

كەلۋ قاينارى: حالىق تورابى