ەل ىشىندەگى ۇلكەن اينالىمدى كۇشەيتۋدى ەكونوميكانىڭ ورنىقتى، باياندى دامۋىن ىلگەرىلەتۋدىڭ ستراتەگيالىق شاراسى ەتۋ كەرەك

شينحۋا اگەنتتىگى، 5 ـ ايدىڭ 15 ـ كۇنى، بەيجيڭ. 5 ـ ايدىڭ 15 ـ كۇنى مەملەكەتتىك كەڭەس ەل ىشىندەگى ۇلكەن اينالىمدى كۇشەيتۋ قىزمەتىن ىلگەرىلەتۋ ءماجىلىسىن اشتى، جۇڭگو كوممۋنيستىك پارتياسى ورتالىق كوميتەتى ساياسي بيۋروسىنىڭ تۇراقتى مۇشەسى، مەملەكەتتىك كەڭەستىڭ زۇڭليى لي چياڭ ماجىلىستە بىلاي دەپ باسا دارىپتەدى: شي جينپيڭ ەكونوميكالىق يدەياسىن ىشكەرىلەي دايەكتىلەندىرىپ، پارتيا ورتالىق كوميتەتىنىڭ شەشىمدەرى، ورنالاستىرۋلارى بويىنشا، قازىرگى ەكونوميكالىق جاعدايدى تەرەڭ تانىپ جانە دۇرىس يگەرىپ، دامۋدىڭ ستراتەگيالىق ءتۇيىنىن ەل ىشىندەگى ۇلكەن اينالىمدى كۇشەيتۋگە اۋدارىپ، ەل ىشىندەگى ۇلكەن اينالىمنىڭ ىشكى ورنىقتىلىعى مەن ۇزاق ۋاقىتتىق تولىسۋ سيپاتى ارقىلى حالىقارالىق اينالىمنىڭ تۇراقسىزدىعىنا توتەپ بەرىپ، ەلىمىز ەكونوميكاسىنىڭ ورنىقتى، باياندى دامۋىن ىلگەرىلەتىپ، جوعارى ساپالى دامۋدى قۇلشىنا جۇزەگە اسىرۋ كەرەك.

جۇڭگو كوممۋنيستىك پارتياسى ورتالىق كوميتەتى ساياسي بيۋروسىنىڭ تۇراقتى مۇشەسى، مەملەكەتتىك كەڭەس زۇڭليىنىڭ ورىنباسارى ديڭ شۋەشياڭ ءماجىلىستى باسقاردى. مەملەكەتتىك كەڭەس زۇڭليىنىڭ ورىنباسارلارى جاڭ گوچيڭ، ليۋ گوجۇڭ، مەملەكەتتىك كەڭەستىڭ مۇشەلەرى ۋاڭ شياۋحۇڭ، ۋ جىڭلۇڭ، چىن ي - چين ماجىلىسكە قاتىناستى.

لي چياڭ بىلاي دەپ اتاپ كورسەتتى: ىشكى سۇرانىمدى جەتەكشى ەتۋ، ىشكى اينالىم ىركىلىسسىز بولۋ − ءىرى ەل ەكونوميكاسىنىڭ وزگەشە ابزالدىعى. جاڭا دامۋ جاعدايىن جەدەل ورناتۋدى ارقاۋ ەتىپ، ەل ىشىندەگى ءىرى اينالىمدى كۇشەيتۋدى اناعۇرلىم كورنەكتى ورىنعا قويىپ، ىشكى سۇرانىمدى ۇلعايتۋ ستراتەگياسىن جانە قامداۋ جاعىنداعى قۇرىلىمدىق رەفورمانى تەرەڭدەتۋدى ءبىر تۇتاس جوسپارلاپ اتقارىپ، ەكونوميكالىق اينالىمنىڭ ساپاسى مەن دەڭگەيىن ۇزدىكسىز جوعارىلاتىپ، ەل ءىشى بازارى مەن حالىقارالىق بازاردىڭ جوعارى ءونىمدى بايلانىسىن جەبەپ، ەل ىشىندەگى ءىرى اينالىم ارقىلى حالىقارالىق اينالىمدى اناعۇرلىم ويداعىداي جەتەكتەۋ كەرەك. قازىرگى كەزەڭدەگى ەلىمىزدىڭ دامۋ امالياتىمەن ۇشتاستىرعاندا، ەل ىشىندەگى ۇلكەن اينالىمدى كۇشەيتۋدىڭ ءتۇيىنى ءتورت جاقتان ايگىلەنۋى كەرەك. ءبىرىنشى، بايلىق فاكتورلارىن جوعارى ونىمدىلىكپەن ورنالاستىرۋ، جەرگىلىكتى قورعاۋ مەن بازاردى ءبولۋدى ونان ارى جويىپ، ماڭىزدى فاكتورلاردى بازارلاندىرىپ ورنالاستىرۋ رەفورماسىن تەرەڭدەتىپ، بۇكىل ەل بويىنشا بىرلىككە كەلگەن ءىرى بازار قۇرىلىسىن جەدەل ىلگەرىلەتۋ كەرەك. ەكىنشى، عىلىم ـ تەحنيكادا جاڭالىق اشۋ مەن كاسىپ سالاسىندا جاڭالىق اشۋدىڭ ىشكەرىلەي توعىسۋىن كۇشەيتىپ، شەشۋشى، وزەكتى تەحنيكالاردان جانە الدىڭعى لەكتىك تەحنيكالاردان قامال الۋدى كۇشەيتىپ، عىلىم ـ تەحنيكا جەتىستىكتەرىن كاسىپ سالالاندىرىپ قولدانۋدى ىلگەرىلەتىپ، ءبىر توپ جاڭا كاسىپ سالاسىن، جاڭا جارىس جولىن قالىپتاستىرۋ كەرەك. ءۇشىنشى، كاسىپ تىزبەگى مەن قامداۋ تىزبەگىنىڭ دەربەس كەمەلدەنۋى، جەر ـ جەردىڭ ابزالدىعىن ساۋلەلەندىرىپ، ارنايىلانعان جۇمىس ءبولىسىن، وڭىرلەر ارا سەلبەستىكتى كۇشەيتۋ تىزبەكتى ۇزدىكسىز تولىقتاپ، تىزبەكتى كۇشەيتىپ، كاسىپ سالاسىنىڭ دامۋ توزىمدىلىگىن كۇشەيتتى. ءتورتىنشى، قامداۋ مەن قاجەتسىنۋدىڭ اۋقىمدىق تەپە - تەڭدىگى تۇتىنۋداعى ولقىلىقتاردى جەدەل تولىقتاپ، ەكونوميكالىق ساياساتتىڭ كۇش سالۋ ءتۇيىنىن حالىق تۇرمىسىنا تيىمدىلىك جاساۋعا، تۇتىنۋدى جەبەۋگە اناعۇرلىم كوپ بۇرىلىس جاساۋدى ىلگەرىلەتىپ، تۇتىنۋدىڭ دارەجەسىن جوعارىلاتۋ ارقىلى كاسىپ سالاسىنىڭ دارەجەسىن جوعارىلاتۋعا جەتەكشىلىك ەتىپ، ساپالى قامداۋ ارقىلى سۇرانىستى اناعۇرلىم ويداعىداي قاناعاتتاندىرۋ كەرەك.

لي چياڭ بىلاي دەپ اتاپ كورسەتتى: نازاردى ەكونوميكالىق اينالىمدى تەجەيتىن شەشۋشى ماسەلەلەر مەن ءالسىز بۋىندارعا شوعىرلاندىرىپ، ەكونوميكانىڭ ۇزدىكسىز جاقسارۋىن جەبەۋ بارىسىندا ەل ىشىندەگى ءىرى اينالىمنىڭ نەگىزىن بەكەمدەۋ جانە كۇشەيتۋ كەرەك. سىرتقى ساۋدا كاسىپورىندارىنا دالمە ـ ءدال، ءونىمدى كومەكتەسىپ، ءىس جۇزىندىك قيىنشىلىقتاردى شەشۋگە شىنايى كومەكتەسىپ، سىرتقى سوققىعا ءونىمدى توتەپ بەرۋ كەرەك. ءتۇرلى ءادىس ـ امالمەن جۇمىستاندىرۋدى ورنىقتىرىپ، كاسىپورىنداردىڭ جۇمىس ورنىن ورنىقتىرۋىنا قولداۋ كورسەتىپ، ءار سالاداعى، اسىرەسە، قىزمەت وتەۋ كاسىبىندەگى جۇمىستانۋدى كەڭەيتىپ، جوعارى مەكتەپ بىتىرگەن وقۋشىلار، شارۋا جۇمىسكەرلەر قاتارلىلاردىڭ جۇمىستانۋىن كورنەكتى شەشۋ كەرەك. كومەسكى كۇشتەردى ىشكەرىلەي اشىپ، تۇتىنۋدى سەرپىلتىپ، كوپ قولدى تۇتىنۋدىڭ جاڭالانۋىن، دارەجەسىن جوعارىلاتۋدى ىلگەرىلەتىپ، قىزمەت وتەۋ تۇتىنۋىنىڭ كومەسكى كۇشىن تاسقىنداتىپ، جاڭادان گۇلدەنگەن تۇتىنۋدىڭ جەتەكتەۋ اسەرىن ۇلعايتۋ كەرەك. ءونىمدى قارجى قوسۋدى كەڭەيتىپ، قارجى توپتاۋدى، پايدالانۋدى جانە نىسان قۇرىلىسىن جەدەلدەتىپ، حالىقتىق قارجى قوسۋدى كۇش سالا جەبەۋ كەرەك. جەرگىلىكتى ورىنداردىڭ اناعۇرلىم كوپ دامۋ كورىنەۋ تۇيىندەردى قالىپتاستىرۋىنا قولداۋ كورسەتىپ، عىلىم ـ تەحنيكادا جاڭالىق اشۋ ارقىلى كاسىپ سالاسىنىڭ كورىنەۋ تۇيىندەرىن جەتىلدىرىپ، ەرەكشە بايلىققا سۇيەنىپ ايگىلى ماركانىڭ كورىنەۋ تۇيىندەرىن قالىپتاستىرۋ كەرەك. دامۋ مەن حاۋىپسىزدىكتى ءبىر تۇتاس جوسپارلاپ، ءتۇرلى حاۋىپ ـ قاتەردەن ساقتانىپ جانە ونى شەشىپ، قوعامدىق جالپى جاعدايدىڭ ورنىقتىلىعىن ساقتاۋ كەرەك.

لي چياڭ بىلاي دەپ باسا دارىپتەدى: تاراۋلار، رايوندار قايراتتانا العا ۇمتىلىپ، رەفورما جاساپ، جاڭالىق اشىپ، ساياساتتى جوبالاۋدى، اتقارۋدى كۇشەيتىپ، قىزمەتتەگى سايكەسۋدى، سەلبەسۋدى كۇشەيتىپ، بازاردىڭ ومىرشەڭدىك كۇشى مەن قوعامنىڭ جاسامپازدىق قۋاتىن تولىق تاسقىنداتىپ، باسەكەلەسە دامۋدىڭ تاماشا ورتاسىن قالىپتاستىرىپ، ەل ىشىندەگى ۇلكەن اينالىمدى كۇشەيتۋ بارىسىندا دامۋدىڭ جاڭا جاعدايىن اشۋى كەرەك.

مەملەكەتتىك دامۋ جانە رەفورما كوميتەتىنىڭ، ساۋدا مينيسترلىگىنىڭ جانە جىجياڭ ولكەلىك ۇكىمەتتىڭ، جياڭشي ولكەلىك ۇكىمەتتىڭ، گانسۋ ولكەلىك ۇكىمەتتىڭ نەگىزگى جاۋاپتى جولداستارى ماجىلىستە ءسوز سويلەدى.

كەلۋ قاينارى: حالىق تورابى