ەل ىشىندەگى جانارماي باعاسى جىل باسىنان بەرى بەسىنشى رەت ارزانداۋى مۇمكىن 

جۇڭگو اقپارات تورابىنىڭ ەكونوميكا ارناسى 5 – ايدىڭ 19 – كۇنى حابارلايدى ( ۋان كىي) ەل ىشىندەگى وڭدەلگەن مۇنايدىڭ جاڭا اينالىمداعى باعاسىن رەتتەۋ تەرەزەسى 5 – ايدىڭ 19 –كۇنى ساعات 24 تە اشىلادى. قۇرىلىمداردىڭ كوزقاراسىن جيناقتاپ كەلگەندە، ەل ىشىندەگى وڭدەلگەن مۇنايدىڭ باعاسى جىل باسىنان بەرى بەسىنشى رەت ارزانداۋى مۇمكىن.

جوچۋاڭ اقپارات سەرىكتەستىگىنىڭ ساراپشىسى ساۋ يىڭيىڭنىڭ جۇڭگو اقپارات تورابىنىڭ ەكونوميكا ارناسىنا ايتۋىنشا، وسى رەتكى باعا ەسەپتەۋ اينالىمىندا، حالىقارادا شيكىزاتتىق مۇنايدىڭ باعاسى الدىمەن تومەندەپ، ونان سوڭ قايتا جوعارىلادى، الدىڭعى مەرزىمدە وپەك+ ۇيىمىنىڭ مۇنايدى زور مولشەردە ءوندىرۋى بازاردا ۇمىتسىزدىك كوڭىل – كۇيىن تۋدىرىپ، شيكىزاتتىق مۇنايدىڭ باعاسى قۇلدىرادى، سوڭعى مەرزىمدە ورتا شىعىستاعى جاعراپيالىق فاكتورلار قاتارلىلاردىڭ ىقپالىنا ۇشىراعاندىقتان، حالىقارالىق بازاردا مۇناي باعاسى تولقۋلى كۇيدە جوعارىلادى. جالپى تۇلعالىق جاقتان ايتقاندا، وسى رەتكى باعا ەسەپتەۋ اينالىمىندا، حالىقارالىق بازاردا مۇناي باعاسىنىڭ ورتاشا قۇنى الدىڭعى اينالىمداعىدان تومەندەگەن. ەل ىشىندەگى سالىستىرىپ كورۋگە ارنالعان شيكىزاتتىق مۇناي باعاسىنداعى وزگەرىس ۇزدىكسىز كەرى ءمان دەڭگەيىن ساقتاعان.

كەلۋ قاينارى: حالىق تورابى