تۇراقتاندىرىلدى! اتى- ءجونىن جاسىرىپ 100 ميلليون يۋان جىلۋ اتاعان 

فۋدان داشۋەسىنىڭ حابارلاۋىنشا، 5 – ايدىڭ 18 – كۇنى فۋدان داشۋەسىنىڭ شيە شيدى – يۇي ۋجين فيلوسوفيانى دامىتۋ قورىنىڭ (ەكىنشى مەرزىمدىك) جىلۋ اتاۋعا بايلانىستى كەلىسىمگە كەلۋ سالتى وتكىزىلگەن. فۋدان داشۋەسىنىڭ ءمالىم ىقىلاستى تۇلەگى 100 ميلليون يۋان جىلۋ اتاپ، فيلوسوفيا ءپانىنىڭ دامۋىنا قولداۋ كورسەتكەن، ءبىراق، اتىن قالدىرماعان، ەشقانداي قارىمجى سۇراماعان.

تانىستىرۋعا قاراعاندا، 2016 – جىلى اتالعان مەكتەپتىڭ فيلوسوفيا فاكۋلتەتى قۇرىلعاندىعىنىڭ 60 جىلدىعى، شۋەيۋان قۇرىلعاندىعىنىڭ 10 جىلدىعى قارساڭىندا، جىلۋ اتاۋشى 30 ميلليون يۋان قارجى شىعارىپ، شيە شيدى – يۇي ۋجين فيلوسوفيانى دامىتۋ قورىن قۇرۋدى ورتاعا قويىپ، شۋەيۋاننىڭ عىلىمي قۇرىلىسى مەن دارىندىلاردى جەتىلدىرۋىنە قولداۋ كورسەتكەن.

شيە شيدى — فۋدان داشۋەسىنىڭ بۇرىنعى باستىعى، جارتىلاي وتكىزگىش اتاسى، يۇي ۋجين — فۋدان داشۋەسىنىڭ قوعامدىق عىلىمدار سالاسىنداعى بىلىكتى پروفەسسورى، فيلوسوفيا سالاسىنداعى تانىمال مامان، ەكى ۇستازدىڭ اتاعى الىسقا تاراپ، شاكىرتتەرى شار - تاراپتان تابىلادى.

جىلۋ اتاۋشىنىڭ ايتۋىنشا، اتالعان قوردى دايىنداۋداعى ماقساتى — بۇرىنعى مەكتەپ باستىعى شيە شيدى مەن يۇي ۋجين پروفەسسورعا قۇرمەت ءبىلدىرۋ، گۋمانيتارلىق رۋح پەن فيلوسوفيا ىستەرىنە زور قۇرمەت ءبىلدىرۋ، سونىمەن بىرگە، فۋدان داشۋەسىنىڭ ءپاندى دامىتۋىنا زور سەنىم ارتۋ.

قۇرىلعان 9 جىلدان بەرى، اتالعان قور شۋەيۋاننىڭ ءپاندى ساپالى ورنالاستىرۋىنا، ماڭداي الدى دارىندىلاردى باۋراۋىنا پارمەندى قولداۋ كورسەتىپ، كەلەلى جاسامپازدىق سيپاتتى زەرتتەۋ ناتيجەلەرىنىڭ كوپتەپ جارىققا شىعۋىن ىلگەرىلەتىپ، الدىڭعى قاتارداعى فيلوسوفيا ماماندارىنىڭ باسىن ءبىر اراعا قوسقان.

قازىر شيەشيدى – يۇي ۋجين فيلوسوفيانى دامىتۋ قورىنا تاعى دا 100 ميلليون يۋان جىلۋ اتالعان.

كەلۋ قاينارى: حالىق تورابى