ءوزىن الۋەتتەندىرۋ ۇلگىلەرىنەن رۋحاني كۇش ـ قۋات الىپ، قيىنشىلىقتار مەن سىن ـ سايىستى باتىلدىقپەن جەڭىپ، ءومىر ارمانىنا بەلسەنە تالپىنۋ كەرەك 

«حالىق گازەتى»، 5 - ايدىڭ 16 - كۇنى، بەيجيڭ (ءتىلشى لي چاڭيۇي). 7 - رەتكى مەملەكەتتىك ءوزىن الۋەتتەندىرۋدەگى وزاتتاردى جانە مۇگەدەكتەرگە كومەكتەسۋدەگى وزاتتاردى ماداقتاۋ - سيلاۋ جينالىسى 5 - ايدىڭ 16 - كۇنى بەيجيڭدە اشىلدى. جۇڭگو كوممۋنيستىك پارتياسى ورتالىق كوميتەتىنىڭ باس شۋجيى، مەملەكەت ءتوراعاسى، ورتالىق اسكەري ىستەر كوميتەتىنىڭ ءتوراعاسى شي جينپيڭ ماڭىزدى نۇسقاۋ بەرىپ، 35 - رەتكى مەملەكەتتىك مۇگەدەكتەرگە كومەكتەسۋ كۇنى كەلۋ قارساڭىندا، پارتيا ورتالىق كوميتەتى اتىنان ماداقتالىپ - سيلانعان مەملەكەتتىك ءوزىن الۋەتتەندىرۋ ۇلگىلەرىن جانە مۇگەدەكتەر قىزمەتىندەگى وزات كوللەكتيۆتەردى، وزات جەكەلەردى قۇتتىقتادى، بۇكىل ەلدەگى قالىڭ مۇگەدەكتەرگە جانە ولاردىڭ تۋىس - تۋعاندارىنا، مۇگەدەكتەر قىزمەتكەرلەرىنە سالەم جولدادى.

شي جينپيڭ بىلاي دەپ اتاپ كورسەتتى: مۇگەدەكتەر − جۇڭگو ۇلگىسىندەگى وسىزامانداندىرۋدى ىلگەرىلەتۋدەگى ماڭىزدى كۇش ءارى ەرەكشە كوڭىل ءبولۋدى، ەرەكشە نازار اۋدارۋدى قاجەت ەتەتىن ەرەكشە قيىنشىلىعى بار قاۋىم. جاڭا جورىقتا جاڭا ءداۋىر جۇڭگوشا سوتسياليزم يدەياسىن جەتەكشى ەتۋگە تاباندى بولىپ، مۇگەدەكتەردىڭ قوعامدىق قامتاماسىزداندىرۋ ءتۇزىمى مەن قامقورلىق جاساۋ، قىزمەت وتەۋ جۇيەسىن ونان ارى كەمەلدەندىرىپ، مۇگەدەكتەردىڭ بارابار ۇقىق ـ مۇددەسىن شىنايى قامتاماسىزداندىرىپ، مۇگەدەكتەر ىستەرىنىڭ جاپپاي دامۋىن جەبەۋ كەرەك.

شي جينپيڭ بىلاي دەپ باسا دارىپتەدى: ءار دارەجەلى پارتكومدار مەن ۇكىمەتتەر مۇگەدەكتەر قىزمەتىنە ايرىقشا ءمان بەرىپ، مۇگەدەكتەردىڭ الەۋمەتتىك قىزمەت وتەۋ ساپاسىن ۇزدىكسىز جوعارىلاتىپ، بۇكىل قوعام مۇگەدەكتەردى تۇسىنەتىن، قۇرمەتتەيتىن، كوڭىل بولەتىن، كومەكتەسەتىن تاماشا راي جانە ورتانى بەلسەنە قالىپتاستىرۋى كەرەك. ءار دارەجەلى مۇگەدەكتەر بىرلەستىگى ۇيىمدارى مەن قالىڭ مۇگەدەكتەر قىزمەتكەرلەرى قىزمەت وتەۋ قابىلەتى مەن ورەسىن ۇزدىكسىز جوعارىلاتىپ، مۇگەدەكتەردىڭ سەنىمدى، ارقالى سىرلاسى، جاناشىرى بولۋعا قۇلشىنۋى كەرەك. قالىڭ مۇگەدەكتەردىڭ ءوزىن الۋەتتەندىرۋ ۇلگىلەرىنەن رۋحاني كۇش ـ قۋات الىپ، قيىنشىلىقتار مەن سىن ـ سايىستى باتىلدىقپەن جەڭىپ، ءومىر ارمانىنا بەلسەنە تالپىنىپ، جۇڭگو ۇلگىسىندەگى وسىزامانداندىرۋ ارقىلى مەملەكەتتى قۇدىرەتتەندىرۋ قۇرىلىسىن، ۇلتتى گۇلدەندىرۋ ۇلى ءىسىن جاپپاي ىلگەرىلەتۋگە بەلسەندى ۇلەس قوسۋىن ءۇمىت ەتەمىن.

ماجىلىستەن بۇرىن جۇڭگو كوممۋنيستىك پارتياسى ورتالىق كوميتەتى ساياسي بيۋروسىنىڭ تۇراقتى مۇشەسى، مەملەكەتتىك كەڭەستىڭ زۇڭليى لي چياڭ جينالىستىڭ ۋاكىلدەرىمەن كەزدەستى ءارى كوپشىلىكپەن بىرگە توپتىق سۋرەتكە ءتۇستى.

مەملەكەتتىك كەڭەستىڭ مۇشەسى، مەملەكەتتىك كەڭەس مۇگەدەكتەر قىزمەتى كوميتەتىنىڭ مەڭگەرۋشىسى چىن ي ـ چين كەزدەسۋگە قاتىناستى ءارى جينالىستا شي جينپيڭنىڭ ماڭىزدى نۇسقاۋىن جەتكىزدى. وسىدان كەيىن ول سوزىندە مىنالاردى ءبىلدىردى: باس شۋجي شي جينپيڭنىڭ ماڭىزدى نۇسقاۋى تەرەڭ سۇيىسپەنشىلىككە تولى، مازمۇنى باي، قالىڭ مۇگەدەكتەر مەن مۇگەدەكتەر قىزمەتكەرلەرىنە اسا زور شابىت جانە جىگەر بەردى. باس شۋجيدىڭ تاپسىرماسىن ەستە بەرىك ساقتاپ، سۇيىسپەنشىلىكپەن، جاۋاپكەرشىلىكپەن مۇگەدەكتەرگە قامقورلىق جاساۋدى، كومەكتەسۋدى جانە ۇقىق ـ مۇددەنى قامتاماسىز ەتۋدى اناعۇرلىم كۇشەيتىپ، مۇگەدەكتەردى ءوزىن الۋەتتەندىرۋگە، ءوز كۇشىنە سۇيەنىپ ءومىر سۇرۋگە شابىتتاندىرىپ، بۇكىل قوعامدى مۇگەدەكتەردى سۇيەمەلدەۋگە، مۇگەدەكتەرگە كومەكتەسۋگە جۇمىلدىرىپ، جۇڭگو ۇلگىسىندەگى وسىزامانداندىرۋ بارىسىندا مۇگەدەكتەر ىستەرىنىڭ جاپپاي دامۋىن جەبەپ، مۇگەدەكتەردى اناعۇرلىم باقىتتى، تاماشا تۇرمىس جاراتۋعا ىنتىماقتاستىرۋ، باستاۋ، قولداۋ كورسەتۋ كەرەك.

جينالىس 200 ”مەملەكەتتىك ءوزىن الۋەتتەندىرۋ ۇلگىسىن“، 200 ”مەملەكەتتىك مۇگەدەكتەر قىزمەتىندەگى وزات كوللەكتيۆتى“ جانە 60 ”مەملەكەتتىك مۇگەدەكتەر قىزمەتىندەگى وزات جەكەنى“ ماداقتاپ - سيلادى. بەيجيڭ جاڭا تىرشىلىك قارتتاردى كۇتىمدەۋ، مۇگەدەكتەرگە كومەكتەسۋ قىزمەت وتەۋ ورتالىعىنىڭ مەڭگەرۋشىسى تاڭ جانشين، نيڭشيا ۋجۇڭ قالاسى حۇڭسىباۋ رايونى مۇگەدەكتەر بىرلەستىگىنىڭ باس القاسى ما گۋاڭبۋ، ەلەكترون عىلىم ـ تەحنيكا داشۋەسىنىڭ پروفەسسورى شۇي پىڭ قاتارلى سيلىق العان 3 ۋاكىل جينالىستا جەكە ـ جەكە ءسوز سويلەدى.

جاڭ چيڭۋەي، حى باۋشياڭ جانە جاڭ شىڭمين كەزدەسۋدە بىرگە بولدى ءارى جينالىسقا قاتىناستى، ۋ جىڭلۇڭ كەزدەسۋدە بىرگە بولدى.

كەلۋ قاينارى: حالىق تورابى