شي جينپيڭ ۋرۋگۆايدىڭ بۇرىنعى زۇڭتۇڭى مۋشيكانىڭ قايتىس بولۋىنا بايلانىستى ۋرۋگۆايدىڭ زۇڭتۇڭى ورسيگە كوڭىل ايتۋ تەلەگرامماسىن جولدادى

شينحۋا اگەنتتىگى، 5 ـ ايدىڭ 16 ـ كۇنى، بەيجيڭ. 5 ـ ايدىڭ 16 ـ كۇنى مەملەكەت ءتوراعاسى شي جينپيڭ ۋرۋگۆايدىڭ بۇرىنعى زۇڭتۇڭى مۋشيكانىڭ باقىتقا قارسى قايتىس بولۋىنا بايلانىستى ۋرۋگۆايدىڭ زۇڭتۇڭى ورسيگە كوڭىل ايتۋ تەلەگرامماسىن جولداپ، جۇڭگو ۇكىمەتى مەن جۇڭگو حالقى اتىنان قايعىلى ازا ءبىلدىردى، مۋشيكانىڭ تۋىس ـ تۋعاندارىنان جانە ۋرۋگۋاي حالقىنان شىنايى حال سۇرادى.

شي جينپيڭ بىلاي دەپ اتاپ كورسەتتى: مۋشيكا مىرزا − ۋرۋگۆايدىڭ جوعارى دارەجەلى باسشىسى، ءومىر بويى ۋرۋگۆاي حالقىنىڭ باقىتىن كوزدەپ، ۋرۋگۋاي حالقىنىڭ قۇرمەتىنە بولەنىپ، حالىقارالىق قوعامدا ءبىرشاما جوعارى بەدەلگە يە بولدى. ول كوزى تىرىسىندە جۇڭگو ـ ۋرۋگۆاي قارىم - قاتىناسىنىڭ دامۋىن ىلگەرىلەتۋگە ۇزاق ۋاقىت كۇش سالىپ، ەكى ەلدىڭ دوستىق ىستەرىنە بەلسەندى ۇلەس قوستى. ونىڭ قايتىس بولۋى جۇڭگو حالقىن ءبىر كونە دوسىنان، جاقسى دوسىنان ايىردى. مەن جۇڭگو ـ ۋرۋگۆاي قارىم ـ قاتىناسىنىڭ دامۋىنا ايرىقشا ءمان بەرەمىن، ورسي زۇڭتۇڭمەن بىرگە قۇلشىنىپ، جۇڭگو مەن ۋرۋگۆايدىڭ جان ـ جاقتى ستراتەگيالىق سەرىكتەستىك قارىم ـ قاتىناسىنىڭ ۇزدىكسىز العا دامۋىن ۇزدىكسىز ىلگەرىلەتۋدى قالايمىن.

كەلۋ قاينارى: حالىق تورابى