شي جينپيڭ 34 - كەزەكتى اراب ەلدەرى وداعى باسشىلارى القالار كەڭەسىنىڭ ماجىلىسىنە قۇتتىقتاۋ حاتىن جولدادى

شينحۋا اگەنتتىگى، 5 ـ ايدىڭ 17 ـ كۇنى، بەيجيڭ. 5 ـ ايدىڭ 17 ـ كۇنى مەملەكەت ءتوراعاسى شي جينپيڭ اراب ەلدەرى وداعى باسشىلارى القالار كەڭەسى ءماجىلىسىنىڭ كەزەكتى ءتوراعاسى يراقتىڭ زۇڭتۇڭى راشيدكە قۇتتىقتاۋ حاتىن جولداپ، 34 ـ كەزەكتى اراب ەلدەرى وداعى باسشىلارى القالار كەڭەسى ءماجىلىسىنىڭ باعداتتا اشىلعاندىعىن قۇتتىقتادى.

شي جينپيڭ بىلاي دەپ اتاپ كورسەتتى: اراب ەلدەرى وداعى قۇرىلعان 80 جىلدان بەرى اراب دۇنيەسىنىڭ بىرلەسىپ ءوزىن الۋەتتەندىرۋىن ىلگەرىلەتۋگە باستان ـ اياق كۇش سالىپ، اراب ەلدەرىنىڭ ورتاق ءۇنىن بەلسەنە تاراتىپ، ورتا شىعىس ءوڭىرىنىڭ بەيبىتشىلىگىن، ورنىقتىلىعىن، گۇلدەنۋىن جەبەدى. قازىر دۇنيە ءجۇزىنىڭ 100 جىلدىق وزگەرىس جاعدايى جەدەل قۇبىلىپ، ورتا شىعىس جاعدايى كۇردەلى وزگەرۋدە، اراب ەلدەرى دەربەس، ءوز ـ وزىنە قوجايىن بولۋعا تاباندى بولىپ، دامۋدى، گۇلدەنۋدى جەبەپ، ادىلدىك پەن ادىلەتتىلىكتى قورعاپ، دۇنيە ءجۇزىنىڭ وڭتۇستىگىن زورايتۋدا بەلسەندى رول اتقاردى.

شي جينپيڭ بىلاي دەپ باسا دارىپتەدى: تاياۋ جىلداردان بەرى جۇڭگونىڭ اراب ەلدەرىمەن قارىم - قاتىناسى قارىشتاپ دامىپ، وركەندەپ كەلە جاتقان ەلدەردىڭ ىنتىماقتاسا سەلبەسۋىنىڭ ۇلگىسىن ورناتتى. 2022 ـ جىلى 12 ـ ايدا مەن اراب ەلدەرىنىڭ باسشىلارىمەن بىرگە تۇڭعىش كەزەكتى جۇڭگو ـ اراب ەلدەرى باسشىلار ماجىلىسىنە قاتىناسىپ، جاڭا داۋىرگە بەت العان جۇڭگو ـ اراب ەلدەرى تاعدىرلاس ورتاق تۇلعاسىن كۇش سالا قۇرۋعا ءبىر اۋىزدان ماقۇل بولدىق. 2026 ـ جىلى 2 ـ كەزەكتى جۇڭگو ـ اراب ەلدەرى باسشىلار ءماجىلىسى جۇڭگودا وتكىزىلەدى، مۇنىڭ جۇڭگو ـ اراب ەلدەرى قارىم - قاتىناسى تاريحىنداعى تاعى ءبىر ماڭىزدى بەلەسكە اينالاتىندىعىنا سەنەمىن. جۇڭگو مەن اراب ەلدەرى ءوزارا قارىم - قاتىناسقا ستراتەگيالىق جانە ۇزاق بولاشاقتىق تۇرعىدان قاراۋعا تاباندى بولدى. بولاشاققا كوز جىبەرسەك، جۇڭگو باستان ـ اياق اراب ەلدەرىنىڭ سەنىمدى دوسى جانە سەرىگى بولىپ، اراب ەلدەرىنىڭ ادىلەتتى ىستەرى جاعىندا باتىل تۇرادى. جۇڭگو اراب ەلدەرىمەن بىرگە قۇلشىنىپ، ساياسي سەنىمدىلىكتى تەرەڭدەتىپ، ءوزارا ءتيىمدى سەلبەستىكتى جەبەپ، گۋمانيتارلىق اۋىس ـ كۇيىستى كۇشەيتىپ، وزدەرىنىڭ وسىزاماندانۋ جولىندا قول ۇستاسا العا باسىپ، اناعۇرلىم جوعارى دەڭگەيدەگى جۇڭگو ـ اراب ەلدەرى تاعدىرلاس ورتاق تۇلعاسىن قۇرۋدى قالايدى.

كەلۋ قاينارى: حالىق تورابى