”ۇيرەنۋ، تەكسەرۋ، تۇزەتۋگە“ قاداعالاي نازار اۋدارىپ، ستيل قۇرىلىسىنىڭ تەرەڭدەۋىن، ناقتىلانۋىن ىلگەرىلەتتى (ورتالىقتىڭ سەگىز ءتۇرلى بەلگىلەمەسىنىڭ رۋحىن قاجىماي - تالماي تياناقتاندىرۋ)

جەر ـ جەر نازاردى نەگىزگى تاقىرىپقا شوعىرلاندىرىپ، ناقتى ونىمدىلىككە ءمان بەرىپ، ورتالىقتىڭ سەگىز ءتۇرلى بەلگىلەمەسىنىڭ رۋحىن ىشكەرىلەي دايەكتىلەندىرۋ ۇيرەنۋ تاربيەسىن تىڭعىلىقتى ورىستەتىپ، ۇيرەنۋ، تەكسەرۋ، تۇزەتۋدى ءبىر تۇتاس ىلگەرىلەتىپ، قالىڭ پارتيالى كادرلاردى پارتيالىلىقتى شىڭداۋعا، يدەيالىق سانانى جوعارىلاتۋعا تاربيەلەپ جانە باستاپ، ستيل قۇرىلىسىنىڭ جاڭا تابىستارى ارقىلى جوعارى ساپالى دامۋدىڭ جاڭا جاعدايىن اشتى.

ىشكەرىلەي ۇيرەنۋگە، جەتە تۇسىنۋگە كۇش سالدى

جەر - جەر قالىڭ پارتيالى كادرلاردى باس شۋجي شي جينپيڭنىڭ پارتيانىڭ ستيل قۇرىلىسىن كۇشەيتۋ جونىندەگى ماڭىزدى بايىمداۋلارى مەن ورتالىقتىڭ سەگىز ءتۇرلى بەلگىلەمەسىنىڭ جانە ونى اتقارۋدىڭ ناقتى ەرەجەسىنىڭ رۋحىن مۇقيات ۇيرەنۋگە، تۇسىنۋگە، پارتيا ورتالىق كوميتەتى باستاماشى بولىپ، بۇكىل پارتيا ارەكەتكە كەلىپ، ورتالىقتىڭ سەگىز ءتۇرلى بەلگىلەمەسىنىڭ رۋحىن ىشكەرىلەي دايەكتىلەندىرۋدىڭ ءونىمدى ءادىسىن ىشكەرىلەي ۇيرەنۋگە، تۇسىنۋگە، پارتيانىڭ 18 - قۇرىلتايىنان بەرى ورتالىقتىڭ سەگىز ءتۇرلى بەلگىلەمەسىنىڭ رۋحىن ىشكەرىلەي دايەكتىلەندىرۋدە قول جەتكەن تابىستار مەن جيناقتالعان باعالى تاجىريبەلەردى ىشكەرىلەي ۇيرەنۋگە، تۇسىنۋگە ۇيىمداستىردى.

تيانجين قالاسى دۇڭلي رايونى كوپ ءتۇرلى فورمانى قولدانىپ، ۇيرەنۋ تاربيەسىن ىشكەرىلەي ورىستەتتى. بۇكىل رايونداعى 1281 پارتيا ياچەيكاسى ۇيرەنۋ جوسپارىن جاساپ، ”ءۇش جيىن، ءبىر ساباقپەن“، نەگىزگى تاقىرىپتىق پارتيا كۇنىمەن ۇشتاستىرىپ، پارتيالى كادرلاردى «شي جينپيڭنىڭ پارتيانىڭ ستيل قۇرىلىسىن كۇشەيتۋ جونىندەگى بايىمداۋلارىنان ۇزىندىلەردى» قاز - قالپىندا ۇيرەنىپ، ءتۇپ نۇسقانىڭ قاعيداسىن يگەرىپ، جاۋھار ءمانىن ۇعىنۋعا ۇيىمداستىردى. سونىمەن بىرگە، ارناۋلى تاقىرىپتىق لەكسيا جانە جاس كادرلاردى ارناۋلى تاقىرىپتا تاربيەلەۋ كۋرسىن ۇيىمداستىرىپ، پارتيا ستيلى، پاكتىك تاربيەسى لەكتورلار ۇيىرمەسىن قۇرىپ، ىشكەرىلەي ۇگىت ـ لەكسيا جاساپ، پارتيالى كادرلاردى يدەيالىق نەگىزدى بەكەمدەۋگە باستادى.

ىشكى موڭعۇل اۆتونوميالى رايونى باياننۇر قالاسى جىلجىمالى پارتيا مۇشەلەرىنە قاداعالاي نازار اۋدارىپ، ”ۇيىم پارتيا مۇشەلەرىن ىزدەۋ، پارتيا مۇشەلەرى ۇيىمدى ىزدەۋ، پارتيا مۇشەلەرى پارتيا مۇشەلەرىن ىزدەۋ“ سياقتى تاسىلدەرگە سۇيەنىپ، ”شوعىرلى باستاپ ۇيرەنۋ“ ارقىلى ۇلگى كورسەتىپ ۇيرەنۋ، ”ۇيرەنۋدى ىرگەسىنە جەتكىزۋ“ ارقىلى ۇيرەنۋدى قامتاماسىز ەتىپ، ”جەلى ءىشى - سىرتىنداعى“ ۇيرەنۋدى ۇشتاستىرۋ ارقىلى جىلجىمالى پارتيا مۇشەلەرىن قامتىعان پارتيالى كادرلاردىڭ ۇيرەنۋگە تيىستىلەرىن تۇگەل ۇيرەنۋىنە شىنايى كەپىلدىك ەتتى.

شاندۇڭ ولكەسىنىڭ بينجوۋ قالاسى جاس كادرلاردىڭ ەرەكشەلىگىن يگەرۋگە باسا ءمان بەرىپ، ەسكەرتۋدى، ساقتاندىرۋدى، سانالىلىقتى كۇشەيتۋدى باستى ماقسات ەتىپ، ”ءبىر كەزەك نەگىزگى تاقىرىپتىق تاربيە وتكىزۋ، ءبىر رەت ساقتاندىرۋ تاربيەسىن ورىستەتۋ، ءبىر رەت زەرتتەۋ ـ تالقىلاۋ، اۋىس ـ كۇيىس جاساۋعا ۇيىمداستىرۋ، ءبىر توپ كورنەكتى ماسەلەلەردى تەكسەرىپ ورتاعا قويۋ، ءبىر تۇتاس ءتۇزىم ولشەمىن ورناتۋ، ءبىر رەت تەكسەرۋ ـ زەرتتەۋ، قايتالاي ۇعىسۋ“ سىندى ”6 ءبىر“ قيمىلىن ورىستەتىپ، بۇكىل قالاداعى جاس كادرلاردىڭ ىشكەرىلەي ۇيرەنۋىن، دەن قويا تەكسەرۋىن، باتىل تۇزەتۋىن ىلگەرىلەتتى.

جياڭسۋ ولكەسى گاۋيوۋ قالاسى ورتالىقتىڭ سەگىز ءتۇرلى بەلگىلەمەسىنىڭ رۋحىن ۇيرەنۋدى اۋدان، باسقارما دارەجەلى باسشى كادرلاردىڭ ”جىحۇي ساباقحاناسى“، ورگان كادرلارىنىڭ ”مەكەمە باستىعى ساباق باستاۋى“، قىستاق پارتيا ۇيىمى شۋجيلەرىنىڭ ”سەركەلىك رول اتقارۋى“ سياقتى ءتۇرلى كۋرستارعا ەنگىزىپ، كادرلاردىڭ ستيلى مەن كاسىپتىك ورەسىنىڭ بىردەي جوعارىلاۋىن ىلگەرىلەتتى. پارتيالى كادرلار ۇيرەنۋ مەن قولدانۋدى ۇشتاستىرۋعا، ءبىر جاعىنان ۇيرەنىپ، ءبىر جاعىنان تەكسەرۋگە تاباندى بولىپ، شىنايى يگەرىپ، ناقتى ىستەپ، دەرەۋ اتقارىپ، دەرەۋ تۇزەتىپ، ورتالىقتىڭ سەگىز ءتۇرلى بەلگىلەمەسىنىڭ رۋحىن دايەكتىلەندىرۋ، تياناقتاندىرۋ سانالىلىعى مەن ىرىقتىلىعىن ۇزدىكسىز كۇشەيتتى.

ءدال تابۋ، ناقتى بولۋ جاعىندا شىنايى شارا قولداندى

جەر ـ جەر ولشەمگە، ۇلگىگە بەلسەنە تۋرالانىپ، ورتالىقتىڭ سەگىز ءتۇرلى بەلگىلەمەسىنىڭ جانە ونى اتقارۋدىڭ ناقتى ەرەجەسىنىڭ رۋحىن تياناقتاندىرۋ جاعىندا ورىن تەپكەن ماسەلەلەردى جاپپاي، ىشكەرىلەي تاۋىپ، ماسەلەنىڭ قاينارىن ىشكەرىلەي اشتى.

انحۇي ولكەسىنىڭ حۋايبەي قالاسى اشىق تاربيەنى كورنەكتىلەندىرىپ، بۇقارانىڭ باقىلاۋىن قابىلدادى. پارتيالى كادرلار بۇقارا سەزىنە الاتىن ”شەشۋشى ۇساق ىستەرگە“ قاداعالاي نازار اۋدارىپ، "قىزىل ءتۇستى تۇتاستىرۋ، ىرگەسىنە بارىپ مەيىر باعىشتاۋ“، ”وتباسىلارىن ارالاپ ’جاڭالىق‘ جەتكىزۋ“ سياقتى قيمىلداردى كەڭ كولەمدە ورىستەتىپ، نەگىزگى ساتىداعى بۇقارانى ارالاپ، قوعام جاعدايىن، حالىق تىلەگىن جينادى. قازىرگە دەيىن كاسىپورىندار مەن بۇقارادان 270 نەشە پىكىر، 341 ماسەلە جينادى ءارى قاتىستى ماسەلەلەردى شەشۋدى بەلسەنە ىلگەرىلەتتى.

يۇننان ولكەسى شيشۋاڭباننا وبلىسى ماسەلەلەردى مۇقيات تەكسەرىپ ورتاعا قويىپ، ساقتاندىرۋ اسەرىن كۇشەيتتى، بۇكىل وبلىستاعى ءار دارەجەلى پارتيا ۇيىمدارى 11 جاقتاعى كورنەكتى ماسەلەلەرمەن جانە 2 تىزىمدىكپەن سالىستىرىپ، ستيلگە بۇرىلىس جاساۋداعى 20 ۇنامدى دەلو مىسالى مەن 36 تيپتىك ماسەلە مىسالىن جاپپاي سارالاپ، ”دۇرىس باعىتتا جەتەكشىلىك ەتۋ + كەرى باعىتتا ساقتاندىرۋ“ تيپتىك دەلو مىسالدارىنا جەتەكشىلىك ەتۋ مەحانيزمىن ورناتىپ، ءار دارەجەلى پارتيا ۇيىمدارىنىڭ ماسەلەلەردى دالمە ـ ءدال تەكسەرۋىنە، ورتاعا قويۋىنا كومەكتەستى. قازىر وبلىس دارەجەلى 4 باسشىلىق القا 33 ماسەلەنى العاشقى ادىمدا رەتتەپ، ورتاعا قويدى ءارى قاتىستى ماسەلەلەر جونىندە تىزىمدىك ەسەبىن ورناتتى.

لياۋنيڭ ولكەسى شىنياڭ قالاسى يۇيحۇڭ رايونى ەكى ماسەلە تىزىمدىگىندەگى 28 ماسەلەگە سالىستىرىپ، ءتارتىپ تەكسەرۋ، باقىلاۋ ـ تەكسەرۋ، شارلاۋ ـ تەكسەرۋ، قازىنالىق باقىلاۋ سياقتى جولدارمەن ناق مايداندا تەكسەرۋ ـ زەرتتەۋ جۇرگىزۋ، ارالاپ اڭگىمەلەسۋ، حالىق تۇرمىسى ارناۋلى لەنياسى سياقتى تاسىلدەر ارقىلى ورتالىقتىڭ سەگىز ءتۇرلى بەلگىلەمەسىنىڭ جانە ونى اتقارۋدىڭ ناقتى ەرەجەسىنىڭ رۋحىن تياناقتاندىرۋ جاعىندا ورىن تەۋىپ وتىرعان ماسەلەلەردى جاپپاي، ىشكەرىلەي تەكسەرىپ تاپتى، قازىر رايونعا توتە قاراستى 70 ورىن 300 دەن استام ماسەلەنى تەكسەرىپ ورتاعا قويدى.

حىنان ولكەسى پۋياڭ اۋدانى ءتارتىپ تەكسەرۋ، باقىلاۋ ـ تەكسەرۋ، تەكسەرۋ ـ زەرتتەۋ، ارىز ـ ارمان، اڭىس ەتۋ سياقتى جولداردان جان ـ جاقتى پايدالانىپ، ءتۇيىندى تەكسەرۋ، ورتاعا قويۋ جانە ارناۋلى جونگە سالۋدى ورىستەتتى. قازىنا ەسەبىن تەكسەرۋ، ناقتى زات ماتەريالدارىن تەكسەرۋ، بەلگىلەمەگە قايشى ولشەمنەن اسىپ كەتۋ سياقتى تاسىلدەر ارقىلى بەلگىلەمەگە قايشى شىعىس، دولايلاستىرىپ ەسەپتەن كوتەرۋ جانە بەلگىلەمەگە قايشى كەڭسە ۇيلەرىن، ۇكىمەت اۆتوموبيلدەرىن پايدالانۋ سياقتى ماسەلەلەردى ءتۇيىندى تۇردە تەكسەردى ءارى تەكسەرىپ ورتاعا قويعان ماسەلەلەردى تۇرگە ءبولىپ رەتتەپ، ەسەپ ورناتىپ، ماسەلەنىڭ سيپاتىن، رەتتەۋ ـ تۇزەتۋ شارالارىن جانە رەتتەۋ ـ تۇزەتۋ مەرزىم شەگىن ايقىندادى.

دالمە ـ ءدال رەتتەۋ ـ تۇزەتۋ جاعىندا ناقتى ونىمدىلىككە قول جەتكىزدى

جەر ـ جەر ماسەلەنى نىشان ەتۋدەن جازباي، ماڭىزدى ءتۇيىندى كورنەكتىلەندىرىپ، رەتتەۋ ـ وڭاۋدى كورنەكتىلەندىرىپ، قاتاڭ شارالار ارقىلى دالمە ـ ءدال رەتتەپ ـ تۇزەتىپ، ۇيرەنۋ تاربيەسى جەتىستىكتەرىن دامۋدى ىلگەرىلەتۋدىڭ ءىس جۇزىندىك ونىمدىلىگىنە اينالدىردى.

حيلۇڭجياڭ ولكەسىنىڭ جيشي قالاسى شىنداپ كىرىسىپ، قيىن تۇيىندەردەن قامال الۋعا تاباندى بولىپ، كورنەكتى ماسەلەلەردى شوعىرلى وڭاۋ ەسەپ داپتەرىنە ەنگىزدى. رەتتەۋ ـ تۇزەتۋ، تياناقتاندىرۋ بارىسىندا، دەرەۋ تۇزەتۋ مەن ۇزاق ۋاقىت ۇلەس قوسۋدى ۇشتاستىرۋعا باسا ءمان بەرىپ، قاتىستى ورىنداردىڭ ەمدەۋ قامسىزداندىرۋى بويىنشا امبۋلاتوريا ءبىر تۇتاس جوسپارلاناتىن، بەلگىلەنگەن ءدارى بولشەك ساتۋ دۇكەندەرىن باقىلاۋ ـ تەكسەرۋ، باسقارۋ ءتۇزىمى سياقتى تۇزىمدەردەن 160 تان استامىن ورناتۋىن ىلگەرىلەتىپ، ”ءبىر ماسەلەنى رەتتەۋ ـ تۇزەتۋدى، ءبىر ءتۇزىمدى كەمەلدەندىرۋدى، ءبىر توپ ساڭلاۋدى بىتەۋدى“ كۇش سالا جۇزەگە اسىردى.

چۇڭچيڭ قالاسى لياڭپيڭ رايونى نازاردى ساياسي ناتيجە كوزقاراسىنداعى اۋىتقۋ، ”بەت - بەدەل ينجەنەرياسى“ سياقتى كورنەكتى ماسەلەلەرگە شوعىرلاندىرىپ، 116 ماسەلە ءتىزىمىن ”ەلەكتەن وتكىزىپ“، ءتارتىپ تەكسەرۋ، باقىلاۋ - تەكسەرۋ، رايوندىق پارتكومنىڭ شارلاۋ - تەكسەرۋى سياقتى تاسىلدەردەن جان - جاقتى پايدالانىپ، شوعىرلى رەتتەپ، جونگە سالىپ، سيفرلاندىرىپ ىزىنە ءتۇسۋ، اشىق، جاسىرىن تەكسەرۋ، كەزدەيسوق ۇلگى الىپ تەكسەرۋ سياقتى تاسىلدەرمەن قاداعالاي باقىلاۋ جۇرگىزىپ، ”بارلىعىنا جاۋاپ قايتارۋعا، بارلىق ءىستىڭ تياناقتانۋىنا“ كەپىلدىك ەتتى.

سىچۋان ولكەسى لىشان قالاسى ءبىر جاعىنان ۇيرەنۋگە، ءبىر جاعىنان سالىستىرۋعا، ءبىر جاعىنان تەكسەرىپ ورتاعا قويۋعا تاباندى بولىپ، نازاردى شوعىرلى جونگە سالۋداعى ”جاۋاپكەرشىلىك ارقالاماۋ، ءىس تىندىرماۋ، ءبىر ـ بىرىنە يتەرمەلەۋ“ سياقتى ماسەلەلەرگە شوعىرلاندىرىپ، كادرلاردى جاۋاپكەرشىلىك ارقالاۋعا، ىسكەرلىك كورسەتۋگە شابىتتاندىراتىن 8 ءتۇرلى شارانى شىعارىپ، ورگانداردىڭ ونىمدىلىگىن تەزدەتۋ، كاسىپ سالاسى نىساندارىنا جاتتىعۋ، ماڭدايشالىق اسىپ، قولباسشىلىق ەتىپ قامال الۋ، جۇگىرىپ ناقتى ىستەۋ سياقتى ارەكەتتەردى اتقارىپ، پارتيالى كادرلاردى ءىس تىندىرىپ، شارۋاشىلىق قۇرۋ رۋحىن اناعۇرلىم سەرپىلتۋگە باستادى.

گۋاڭشي جۋاڭزۋ اۆتونوميالى رايونى فۋسۇي اۋدانى فۋسۇي اۋدانى ”تۇزەتۋ“ بارىسىندا ستيلگە بۇرىلىس جاساۋعا تاباندى بولىپ، باسشى كادرلار ىرگەگە بارىپ بۇقاراعا قىزمەت وتەۋ قيمىلىن ورىستەتۋ ارقىلى كاسىپورىنداردىڭ قاجەتىن، حالىقتىڭ قامىن ويلاپ، كاسىپورىنداردىڭ، بۇقارانىڭ ۇنىنە قۇلاق اسىپ، كاسىپورىندار، بۇقارا جولىققان قيىنشىلىقتار مەن ماسەلەلەردى دەر كەزىندە سايكەستىرىپ شەشىپ، كاسىپورىنداردى، بۇقارانى ”ءبىر بەكەتتىك قىزمەت وتەۋمەن“ قامداپ، ۇيرەنۋ تاربيەسى جەتىستىكتەرىن شىن مانىندە حالىق ءۇشىن قىزمەت وتەۋدىڭ ناقتى شاراسىنا، ساۋدا ورتاسىن ساپالىلاندىرۋدىڭ ناقتى ونىمدىلىگىنە اينالدىردى.

(«حالىق گازەتىنىڭ» تىلشىلەرى گىڭ لەي، لي جياديڭ، جاڭ چىڭ، لي رۇي، جاڭ چى، فاڭ يۋان، ۋاڭ شينيۋە، ۋاڭ ميڭفىڭ)

كەلۋ قاينارى: حالىق تورابى