قازىنا مينيسترلىگى: بيىل قازىنانىڭ حالىق تۇرمىسى سالاسىنا قوسىلىم تەبىنى اناعۇرلىم ارتتىرىلادى

مەملەكەتتىك كەڭەستىڭ اقپارات كەڭسەسى بۇگىن اقپار جاريالاۋ ءماجىلىسىن اشىپ، «حالىق تۇرمىسىن اناعۇرلىم قامتاماسىزداندىرۋ جانە جاقسارتۋ، بۇقارانىڭ مۇڭ - مۇقتاجىن كۇش سالا شەشۋ جونىندەگى پىكىر» تۋرالى تۇسىنىك جاسادى. قازىنا مينيسترلىگىنىڭ قاتىستى جاۋاپتىسى بىلاي دەدى: بيىل قازىنانىڭ حالىق تۇرمىسى سالاسىنا قوسىلىم تەبىنى ونان ارى ارتىپ، بۇكىل ەل بويىنشا وقۋ – اعارتۋ شىعىسى، قوعامدىق قامتاماسىزداندىرۋ جانە كاسىپتەندىرۋ شىعىسى مەجە ەسەبىنىڭ ورنالاستىرىلۋى 4 تريلليون 500 ميلليارد يۋانعا تاياپ، جەكە – جەكە %6.1 جانە %5.9 ارتىپ، بۇقارانىڭ تابىس سەزىمى، باقىت سەزىمى، حاۋىپسىزدىك سەزىمى ۇزدىكسىز جوعارىلايدى.

بيىل قازىنالىق قولداۋدا جۇمىستانۋدى الدىمەن ويلاستىرۋ ساياساتى كۇشەيتىلەدى. ورتالىق قازىنادان جۇمىستانۋعا 66 ميلليارد 740 ميلليون يۋان كومەك قاراجات ورنالاستىرىلىپ، جەرگىلىكتى ورىنداردىڭ جۇمىستانۋدى، شارۋاشىلىق قۇرۋدى سۇيەمەلدەۋ ساياساتىن تياناقتاندىرۋىنا قولداۋ كورسەتىلەدى. ءبىر رەتتىك جۇمىس ورنىن كەڭەيتۋ قوسىمشا قاراجاتى ساياساتى اتقارىلىپ، تەحنيكالىق قابىلەتتى جوعارىلاتۋ قوسىمشا قاراجاتىن الۋدى ءوتىنىش ەتۋ شارتى ۇزدىكسىز كەڭەيتىلىپ، كاسىپتىك ونەرگە باۋلۋدى جوعارى ساپامەن ورىستەتۋگە قولداۋ كورسەتىلەدى.

نەگىزگى زەينەتكەرلىكتى قامتاماسىزداندىرۋ ورەسىن جوعارىلاتۋعا قولداۋ كورسەتىلەدى. مەملەكەت قازىناسى ۇستىنە العان قالا - اۋىل تۇرعىندارىنىڭ مەملەكەت بويىنشا نەگىزدىك زەينەتاقىسىنىڭ ايلىق ەڭ تومەنگى ولشەمى تاعى دا 20 يۋان جوعارىلايدى، زەينەتكەرلەردىڭ نەگىزگى زەينەتاقىسى دا لايىقتى جوعارىلايدى. بيىل ورتالىق قازىنا كومەك قاراجات بەرۋ تەبىنىن ونان ارى ارتتىرادى، سونىمەن بىرگە زەينەتكەرلىك قامسىزداندىرۋىن بۇكىل ەل بويىنشا ءبىرتۇتاس رەتتەۋدى ورىستەتىپ، 300 ميلليوننان استام قارت يگىلىككە كەنەلەدى.

نەگىزگى ەمدەلۋدى قامتاماسىزداندىرۋ ورەسىن جوعارىلاتۋعا قولداۋ كورسەتىلەدى. نەگىزگى الەۋمەتتىك دەنساۋلىق ساقتاۋعا قىزمەت وتەۋ قاراجاتىنىڭ ادام باسىنا تۋرا كەلەتىن قازىنالىق كومەك قاراجات ولشەمى ونان ارى جوعارىلاتىلىپ، ءار ادامعا جىلىنا 99 يۋانعا جەتكىزىلەدى؛ قالا - اۋىل تۇرعىندارىنىڭ ەمدەلۋىن قامسىزداندىرۋدىڭ ادام باسىنا تۋرا كەلەتىن قازىنالىق كومەك قاراجات ولشەمى تاعى دا 30 يۋان ارتىپ، ءار ادامعا جىلىنا 700 يۋانعا جەتەدى.

وقۋ - اعارتۋ بايلىعىن كەڭەيتۋگە، ساپالىلاندىرۋعا، ساپاسىن جوعارىلاتۋعا قولداۋ كورسەتىلەدى. ورتالىق قازىنا وقۋشىلارعا 80 ميلليارد 945 ميلليون يۋان كومەك قاراجات ورنالاستىرىپ، مەملەكەتتىڭ وقۋ سيلىق قاراجاتى كومەك قاراجاتىنىڭ ولشەمىن ونان ارى جوعارىلاتىپ، ساياساتتىڭ قامتۋ كولەمىن كەڭەيتەدى. وقۋعا تۇسۋدەن بۇرىنعى تەگىن وقىتۋدى بىرتىندەپ جالپىلاستىرۋعا قولداۋ كورسەتىلەدى.

قيىنشىلىعى بار بۇقارانىڭ نەگىزگى تۇرمىسىن قامتاماسىزداندىرۋدى كۇشەيتۋگە قولداۋ كورسەتىلەدى. ورتالىق قازىنا قيىنشىلىعى بار بۇقاراعا 156 ميلليارد 680 ميلليون يۋان كومەك قاراجات ورنالاستىرادى.

قازىنا مينيسترلىگى قوعامدىق قامتاماسىزداندىرۋ مەڭگەرمەسىنىڭ جاۋاپتىسى گى جىحاۋ بىلاي دەدى: قارتتار مەن بالالارعا قىزمەت وتەۋ جاعىندا، قازىنا مينيسترلىگى قاتىستى تاراۋلارمەن بەلسەنە سايكەسىپ، قارتتاردى كۇتىمدەۋ، بالالاردى تاربيەلەۋ قىزمەت وتەۋ جۇيەسىن كەمەلدەندىرىپ، الەۋمەتتىك اۋماق قولدايتىن، وتباسىندا قارتتاردى كۇتىمدەۋ قىزمەت وتەۋىن جەبەپ، قابىلەتىنەن ايىرىلعان قارتتاردى كۇتىمدەۋ قىزمەت وتەۋىن كۇشەيتىپ، جالپىعا ءتيىمدى اماناتتاپ تاربيەلەۋگە قىزمەت وتەۋدىڭ جوعارى ساپالى دامۋىن جەبەپ، بالا تاربيەلەۋگە قوسىمشا قاراجات بەرۋ ءتۇزىمىن جەدەل ورناتادى جانە اتقارادى. قاتىستى قىزمەتتەر جەدەل ىلگەرىلەتىلۋدە.

كەلۋ قاينارى: حالىق تورابى