مەملەكەتتىك تاسقىننان ساقتانۋ جانە قۋاڭشىلىققا قارسى اتتانۋ باس قولباسشىلىق شتابى 5 ولكەگە تاسقىننان ساقتانۋدىڭ 4 - دارەجەلى شۇعىل ۇندەۋىن ىسكە قوستى

شينحۋا اگەنتتىگىنىڭ 6 - ايدىڭ 18 – كۇنى بەيجيڭنەن بەرگەن حابارى. جاڭا كەزەكتى قالىڭ جاڭبىرعا توتەپ بەرۋ ءۇشىن، مەملەكەتتىك تاسقىننان ساقتانۋ جانە قۋاڭشىلىققا قارسى اتتانۋ باس قولباسشىلىق شتابى 6 - ايدىڭ 18 - كۇنى انحۇي، حۋبەي، حۋنان، چۇڭچيڭ، گۇيجوۋدا تاسقىننان ساقتانۋدىڭ 4 - دارەجەلى شۇعىل جاعدايعا توتەپ بەرۋ ۇندەۋىن ىسكە قوستى ءارى 3 قىزمەت گرۋپپاسىن ءتۇيىندى رايوندارعا جىبەرىپ، تاسقىننان ساقتانۋ جانە اپاتتان قۇتقارۋ قىزمەتىنە كومەكتەستى جانە جەتەكشىلىك ەتتى.

اۋا رايى تاراۋلارىنىڭ مەجەلەۋىنشە، ورتا، شىعىس بولەكتەگى رايونداردا جاڭا كەزەكتى نوسەر جاۋادى. وسى رەتكى جاۋىن - شاشىن بارىسىنىڭ ىقپال كولەمى كەڭ، جالعاسۋ ۋاقىتى ۇزاق، جاۋىن - شاشىن مولشەرى زور، ءىشىنارا جەرلەردە اۋىرلىق دارەجەسى كۇشتى، ورتا، شاعىن وزەندەردە تاسقىن ءجۇرۋ، تاۋ تاسقىنى جانە گەولوگيالىق اپات، قالا - اۋىلداردا سۋ باسۋ سياقتى حاۋىپ – قاتەرلەر ءبىرشاما جوعارى بولادى.

مەملەكەتتىك تاسقىننان ساقتانۋ جانە قۋاڭشىلىققا قارسى اتتانۋ باس قولباسشىلىق كەڭسەسى، شۇعىل جاعدايعا توتەپ بەرۋدى باسقارۋ مينيسترلىگى 6 – ايدىڭ 18 - كۇنى اۋا رايى، سۋ يگىلىگى، جاراتىلىستىق بايلىق قاتارلى تاراۋلاردى ۇيىمداستىرىپ، جاڭا كەزەكتى قالىڭ جاڭبىردىڭ دامۋ بەتالىسىنا تۇجىرىم جاساپ، ءتۇيىندى وڭىرلەردە قالىڭ جاڭبىردان ساقتانۋ، وعان توتەپ بەرۋ قىزمەتىن ەگجەي ـ تەگجەيلى ورنالاستىردى.

بۇدان سىرت، مەملەكەتتىك اپاتتان ساقتانۋ، اپات زيانىن ازايتۋ، اپاتتان قۇتقارۋ كوميتەتى سول كۇنى گۋاڭدۇڭ ولكەسىنىڭ اۋىر تاسقىن اپاتىنا توتەپ بەرۋ ءۇشىن، مەملەكەتتىك 4 - دارەجەلى اپاتتان قۇتقارۋ، شۇعىل جاعدايعا توتەپ بەرۋ ۇندەۋىن ىسكە قوسىپ، قىزمەت گرۋپپاسىن اپات تۋىلعان رايونعا جىبەرىپ، اپات جاعدايىن تەكسەرىپ، جەرگىلىكتى ورىنداردىڭ اپاتقا ۇشىراعان بۇقارانىڭ نەگىزگى تۇرمىسىن قامتاماسىزداندىرۋ قاتارلى اپاتتان قۇتقارۋ قىزمەتىنە جەتەكشىلىك ەتتى جانە كومەكتەستى.

كەلۋ قاينارى: حالىق تورابى