بەتتى ساقتاۋ | باس بەت ەتۋ
| حات ساندىعى
| حابارلاسىڭىز | ءبىز تۋرالى
جۇڭگو كوممۋنيستىك پارتياسى اقپارات تورابى
جۇڭگو كوممۋنيستىك پارتياسى اقپارات تورابى
جۇڭگو كوممۋنيستىك پارتياسى اقپارات تورابى
2025.06.20 16:14 كەلۋ قاينارى : حالىق تورابى
جۋىردا حۋبەي ولكەسى دۇڭحۋ تاجىريبەحاناسىنىڭ جوعارى قارقىندى ەلەكتر -ماگنيتتىك قالقىمالى ىلگەرىلەتۋ تەحنيكاسىندا جاڭالىق اشۋ ورتالىعى ورىستەتكەن ماگنيتتىك قالقىتۋ سىناعى بارىسىندا، زەرتتەرمەندەر 7 سەكۋند ۋاقىتتا 1000 مەترلىك ارالىقتا 1.1 توننا سالماقتاعى سىناق ماشيناسىن ساعاتىنا 650 كيلومەترلىك جىلدامدىققا جەتكىزىپ، سىناق قارقىنى ۇقساس تۇردەگى تەكشەلەر بويىنشا دۇنيە جۇزىلىك رەكوردى جاڭالاپ، دۇنيە ءجۇزى بويىنشا ماگنيتتىك قالقىتۋ سىناعى بارىسىنداعى ەڭ تەز قارقىندى جاراتقان.
اتالعان ورتالىقتىڭ مەڭگەرۋشىسى لي ۋەيچاۋدىڭ تانىستىرۋىنشا، سىناق بارىسىندا قىسقا ارالىقتا قوزعالتۋ فورماسى قولدانىلىپ، ورنىن بەلگىلەۋدىڭ دالدىگى ەڭ جوعارى بولعاندا 4 ميلليمەترگە جەتكىزىلگەن. ەلەكتر - ماگنيتتىك قوزعالتۋ مەن قارقىنىن، ورنىن دالمە – ءدال بەلگىلەۋ ارقىلى، سىناق ەتىلگەن ماشينا ساعاتتىق جىلدامدىعى 650 كيلومەترلىك قارقىنمەن ءجۇرىپ بارا جاتقان كەزدە دە 220 مەتر ارالىقتا ”تورموزداۋعا“ بولادى. سىناق ەتىلگەن تەحنيكا عىلىمي زەرتتەۋ قۇرىلعىلارىندا جالپىلاستىرىلىپ قولدانىلعان، بولاشاقتا قارقىنى ۇزدىكسىز جوعارىلاتىلىپ، ساعاتتىق جىلدامدىعىن 800 كيلومەترگە جەتكىزۋ سىندى نىساناعا قاراي قادام تاستايدى.
جوعارى قارقىندى ماگنيتتىك قالقىتۋ تەحنيكاسى اسا جوعارى قارقىندى ەلەكتر -ماگنيتتىك شانا، جوعارى قارقىندى ماگنيتتىك قالقىمالى رەلستى قاتىناس، تومەن كەڭىستىكتىك ەكونوميكا، ەلەكتر – ماگنيتتىك عارىشقا ۇشىرۋ قاتارلى سالالاردا كەڭ پايدالانۋ بولاشاعىنا يە، ەلىمىزدە قازىر شاڭحايدا، بەيجيڭدە، حۋنان ولكەسىنىڭ چاڭشا قالاسىندا ساۋدالىق سيپاتتاعى ماگنيتتىك قالقىتۋ تەحنيكاسى قولدانىلعان جول لەنيالارى جاسالىپ بولعان.
كەلۋ قاينارى: حالىق تورابى
