وزەكتى ارقاۋ ەتىپ، حالىق قۇرىلتايىنىڭ فۋنكتسيالىق رولىن ساۋلەلەندىرىپ، ەكونوميكالىق، قوعامدىق دامۋعا جانە رەفورمادا قامال الۋ مىندەتىنە دەم بەرۋ كەرەك

شينحۋا اگەنتتىگى، 6 - ايدىڭ 19 - كۇنى، كوكحوت. جۇڭگو كوممۋنيستىك پارتياسى ورتالىق كوميتەتى ساياسي بيۋروسىنىڭ تۇراقتى مۇشەسى، مەملەكەتتىك حالىق قۇرىلتايى تۇراقتى كوميتەتىنىڭ باستىعى جاۋ لىجي 6 - ايدىڭ 16 - كۇنىنەن 19 - كۇنىنە دەيىن ىشكى موڭعۇلدا تەكسەرۋ - زەرتتەۋ جۇرگىزدى.

ول بىلاي دەپ باسا دارىپتەدى: شي جينپيڭ جاڭا ءداۋىر جۇڭگوشا سوتسياليزم يدەياسىن جەتەكشى ەتۋگە تاباندى بولىپ، پارتيا ورتالىق كوميتەتىنىڭ كەلەلى باعىت - ساياساتتارىن جانە شەشىمدەرىن، ورنالاستىرۋلارىن دايەكتىلەندىرىپ، تياناقتاندىرىپ، حالىق قۇرىلتايىنىڭ فۋنكتسيالىق رولىن وزەكتى ارقاۋ ەتە وتىرىپ ساۋلەلەندىرىپ، ەكونوميكالىق، قوعامدىق دامۋعا جانە رەفورمادا قامال الۋ مىندەتىنە دەم بەرۋ كەرەك.

جاۋ لىجي ىلگەرىندى - كەيىندى شيڭ - ان ايماعى ارشان قالاسىنا، چىفىڭ، كوكحوت قالالارىنا بارىپ، الەۋمەتتىك اۋماقتاردى، كاسىپورىنداردى ارالاپ، حالىق قۇرىلتايى ۋاكىلدەرىمەن جانە جۇمىسشى - قىزمەتكەرلەرمەن، بۇقارامەن اڭگىمەلەستى؛ ارشان قالالىق حالىق قۇرىلتايى تۇراقتى كوميتەتى مەن اۆتونوميالى رايوندىق حالىق قۇرىلتايى تۇراقتى كوميتەتىنىڭ ورگانىندا تەكسەرۋ - زەرتتەۋ جۇرگىزىپ، ورگان كادرلارىنا امانداستى ءارى اڭگىمە ءماجىلىسىن باسقارىپ اشتى.

جاۋ لىجي بىلاي دەپ باسا دارىپتەدى: حالىق قۇرىلتايى پارتيانىڭ جاپپاي باسشىلىعىنا، اسىرەسە، پارتيا ورتالىق كوميتەتىنىڭ ورتالىقتانعان ءبىر تۇتاس باسشىلىعىنا تاباندى بولىپ، پارتيا ورتالىق كوميتەتىنىڭ حالىق قۇرىلتايى قىزمەتى جونىندەگى تالاپتارىن مۇقيات تياناقتاندىرىپ، زاڭ شىعارۋ، باقىلاۋ، ۋاكىلدەر سياقتى قىزمەتتەردى تىڭعىلىقتى ىلگەرىلەتىپ، ەكونوميكانىڭ قايتا كوتەرىلۋىن بەكەمدەۋ نەگىزىن بەكەمدەۋگە، ”14 - بەسجىلدىق“ جوبانىڭ نىسانالارىن، مىندەتتەرىن جوعارى ساپامەن ورىنداۋعا كۇش قوسۋى كەرەك. حالىق رايىن اڭىس ەتىپ، حالىق تۇرمىسىنا جاناسىپ، حالىق بۇقاراسىمەن ەتەنە بايلانىس ورناتىپ، تەكسەرۋ - زەرتتەۋدى ىشكەرىلەي ورىستەتىپ، حالىقتان كەڭەس الىپ، حالىقتىڭ قاجەتىن ءبىلىپ، حالىق قۇرىلتايى قىزمەتىنىڭ حالىق رايى نەگىزىن بەكەمدەۋ كەرەك. زاڭمەن جونگە سالۋ كوزقاراسىن بەرىك ورناتىپ، ءىستى زاڭ بويىنشا، ءتارتىپ بويىنشا قاتاڭ ىستەپ، ءتۇرلى قىزمەتتەردى ىشكەرىلەي، تىڭعىلىقتى ىستەۋ كەرەك. وزگەرىس ەنگىزىلگەننەن كەيىنگى ۋاكىلدەر زاڭىن مۇقيات اتقارىپ، ۋاكىلدەر قىزمەتىنىڭ تۇزىمدەنۋ، جۇيەلىلەنۋ دەڭگەيىن جوعارىلاتىپ، ۋاكىلدەردىڭ پارتيا مەن مەملەكەتتىڭ حالىق بۇقاراسىمەن بايلانىس جاسايتىن جاقسى كوپىر بولۋىن قولداۋ جانە قامتاماسىز ەتۋ كەرەك. ورتالىقتىڭ سەگىز ءتۇرلى بەلگىلەمەسىنىڭ رۋحىن ۇيرەنۋ تاربيەسىن مۇقيات ورىستەتىپ، حالىق قۇرىلتايىنىڭ ستيل قۇرىلىسىن ۇزدىكسىز مىقتى يگەرىپ، ستيل قۇرىلىسىنىڭ جاڭا ناتيجەلەرى ارقىلى حالىق قۇرىلتايى قىزمەتىنىڭ جوعارى ساپالى دامۋىن ىلگەرىلەتۋ كەرەك. جەرگىلىكتى حالىق قۇرىلتايلارى جەرگىلىكتى پارتكومداردىڭ پارتيا ورتالىق كوميتەتىنىڭ شەشىمدەرىن، ورنالاستىرۋلارىن دايەكتىلەندىرىپ، پارتيا ورتالىق كوميتەتى تۇراقتاندىرعان ءتۇيىندى مىندەتتەردى تياناقتاندىرۋىن ارقاۋ ەتىپ، قىزمەتتى ءىس جۇزىندىكپەن ۇشتاستىرا جاسامپازدىقپەن ورىستەتىپ، مىندەت اتقارۋ قابىلەتىن جوعارىلاتىپ، قىزمەتتىڭ ناقتى ونىمدىلىگىن ارتتىرۋى كەرەك.

جاۋ لىجي مەملەكەتتىك حالىق قۇرىلتايى تۇراقتى كوميتەتىنىڭ زاڭ اتقارۋدى تەكسەرۋ گرۋپپاسىن باستاپ ورمان زاڭىنىڭ اتقارىلۋ جاعدايىن تەكسەرىپ، ورمان ونەركاسىبى سەرىكتەستىگىنىڭ شۇعىل جاعدايعا توتەپ بەرۋ ىستەرى ورتالىعىنا، ورمان الاڭىنا جانە ورمان شارۋاشىلىعى جۇمىسشى - قىزمەتكەرلەرىنىڭ ۇيىنە بارىپ، زاڭنىڭ اتقارىلۋ جاعدايىن تەكسەردى جانە ۇعىستى؛ اڭگىمە ءماجىلىسىن باسقارىپ اشىپ، ۇكىمەت تاراۋلارىنىڭ، ورمان شارۋاشىلىعى ماماندارىنىڭ، ءبىرىنشى شەپتەگى قىزمەتكەرلەردىڭ ورمان زاڭىنىڭ اتقارىلۋىن كۇشەيتۋ جونىندەگى ۇسىنىس - پىكىرلەرىن تىڭدادى.

جاۋ لىجي بىلاي دەپ اتاپ كورسەتتى: ىشكى موڭعۇل _ ەلىمىزدىڭ سولتۇستىگىندەگى جەر اۋدانى ەڭ ۇلكەن، ءتۇرى ەڭ تولىق ەكولوگيالىق فۋنكتسيالىق ءوڭىر، ”ءۇش تەرىستىك“ ينجەنەريا قۇرىلىسىنىڭ جانە شولەيتتەنۋدى جونگە سالۋدىڭ نەگىزگى شايقاس مايدانى. شي جينپيڭ ەكولوگيالىق وركەنيەت يدەياسىن ىشكەرىلەي ۇيرەنىپ، دايەكتىلەندىرىپ، ورمان زاڭىن مۇقيات ويداعىداي اتقارىپ، ”ءۇش تەرىستىك“ ينجەنەرياسىنان قامال الۋ شايقاسىن ويداعىداي جۇرگىزىپ، تابيعي ورماندى قورعاۋدى جانە جاساندى ورمان قۇرىلىسىن ۇزدىكسىز ىلگەرىلەتىپ، ورمان بايلىعىنىڭ جالپى مولشەرى مەن ساپاسىن ۇزدىكسىز جوعارىلاتىپ، وتانىمىزدىڭ سولتۇستىك الابىنداعى ون مىڭ شاقىرىمدىق جاسىل قورعاندى سوعۋ كەرەك.

زاڭ بويىنشا ورمان ءوسىرۋ، ورماندى قورعاۋ، ورماندى گۇلدەندىرۋ كوزقاراسىن بەرىك ورناتىپ، تاۋ، سۋ، ورمان، اتىز، كول، جايىلىم، قۇمدى ءبىر تۇلعالاندىرىپ قورعاۋعا جانە جۇيەلى جونگە سالۋعا تاباندى بولىپ، وڭاي - وسپاق قولعا كەلمەگەن جاسىل جەتىستىكتەردى ويداعىداي قورعاۋ كەرەك. ورمان بايلىعىن باسقارۋ، قورعاۋ قابىلەتىن زاڭ بويىنشا كۇشەيتىپ، ورمان شارۋاشىلىعى نەگىزدىك قۇرىلعى قۇرىلىسىن كۇشەيتىپ، ورمان شارۋاشىلىعى عىلمي زەرتتەۋىنە شابىت بەرىپ جانە قولداۋ كورسەتىپ، ورماندى ورتتەن ساقتاۋ، زياندى ورگانيزمدەردەن ساقتانۋ جانە ونى جونگە سالۋ قابىلەتىن ۇزدىكسىز جوعارىلاتىپ، ورمان باستىعى ءتۇزىمىن قاتاڭ تياناقتاندىرىپ، ورمان بايلىعىن ءبۇلدىرۋ ارەكەتتەرگە زاڭ بويىنشا سوققى بەرۋ كەرەك. تۇنىق سۋ، جاسىل تاۋ _ باعالى بايلىق ۇستانىمىن بەرىك ورناتىپ جانە امالياتتا ايگىلەپ، ورمان ەكولوگيالىق حاۋىپسىزدىگىن قورعاۋ نەگىزىندە ورمان شارۋاشىلىعى كاسىبىنىڭ تيپىن وزگەرتىپ، دارەجەسىن جوعارىلاتۋدى ىلگەرىلەتىپ، جەرگىلىكتى جاعدايعا، ورمان جاعدايىنا قاراي ورمان شارۋاشىلىعى ەكونوميكاسىن دامىتىپ، اۋىل - قىستاقتىڭ جاپپاي گۇلدەنۋىن جانە ورمان وڭىرىندەگى بۇقارانىڭ كىرىسىن ارتتىرىپ، اۋقاتتانۋىن جەبەۋ كەرەك.