جوعارى تەمپەراتۋرا مەن نوسەرلى جاڭبىرعا بايلانىستى ءبىر ۋاقىتتا دابىل قاقتى 

ورتالىق تەلەۆيزيا حابارى: ورتالىق اۋا رايى ستانسياسى تورابىنىڭ حابارلاۋىنشا، ورتالىق اۋا رايى ستانسياسى نوسەرلى جاڭبىرعا بايلانىستى كوك ءتۇستى ساقتىق دابىلىن جانە جوعارى تەمپەراتۋراعا بايلانىستى قىزىل ءتۇستى ساقتىق دابىلىن قاققان.

ورتالىق اۋا رايى ستانسياسى 6 – ايدىڭ 23 – كۇنى ساعات 6 دا جوعارى تەمپەراتۋراعا بايلانىستى سارى ءتۇستى ساقتىق دابىلىن قاققان:

مەجەمەن 6 – ايدىڭ 23 – كۇنى كۇندىز بەيجيڭنىڭ كوپ بولەگى، تيانجين، حىبەيدىڭ ورتا – وڭتۇستىك بولەگى، شاندۇڭنىڭ ورتا – سولتۇستىك بولەگى، حىبەيدىڭ سولتۇستىك بولەگى، فىنۋەي جازىعى، سونداي – اق، ىشكى موڭعۇلدىڭ شىعىس بولەگى، لياۋنيڭنىڭ ورتا – باتىس بولەگى، جيليننىڭ باتىس بولەگى، شينجياڭ جۇڭعار ويپاتى مەن وڭتۇستىك شينجياڭداعى ويپاتتى ءوڭىر قاتارلى جەرلەردە 35 گرادۋستان جوعارى تەمپەراتۋرا جارىققا شىعادى، مۇندا، بەيجيڭنىڭ ورتا – وڭتۇستىك بولەگى، تيانجيننىڭ ورتا – باتىس بولەگى، حىبەيدىڭ ورتا – وڭتۇستىك بولەگى، شاندۇڭنىڭ سولتۇستىك بولەگى، سونداي – اق، وڭتۇستىك شينجياڭداعى ويپاتتى ءوڭىر قاتارلى جەرلەردىڭ ءىشىنارا وڭىرلەرىندە ەڭ جوعارى تەمپەراتۋرا 37 – 39 گرادۋسقا جەتەدى، ءىشىنارا جەرلەردە 40 گرادۋستان اسادى.

ورتالىق اۋا رايى ستانسياسى 6 – ايدىڭ 23 – كۇنى ساعات 6 دا نوسەرلى جاڭبىرعا بايلانىستى كوك ءتۇستى ساقتىق دابىلىن قاقتى:

مەجەمەن 6 – ايدىڭ 23 - كۇنى ساعات 8 دەن 6 – ايدىڭ 24 – كۇنى ساعات 8 گە دەيىن، جىجياڭنىڭ ورتا – سولتۇستىك بولەگى، جياڭشيدىڭ ورتا بولەگى، حۋناننىڭ ورتا بولەگى، گۇيجوۋدىڭ ورتا – وڭتۇستىك بولەگى، گۋاڭشيدىڭ سولتۇستىك بولەگى، يۇنناننىڭ ورتا – باتىس بولەگى، سىچۋان ويپاتىنىڭ باتىس بولەگى، سونداي – اق، شيزاڭنىڭ شىعىس بولەگى قاتارلى جەرلەردىڭ ءىشىنارا وڭىرلەرىندە قالىڭ جاڭبىر دارەجەسىنەن نوسەر دارەجەسىنە دەيىن جاڭبىر جاۋادى، مۇندا، گۇيجوۋدىڭ شىعىس – وڭتۇستىك بولەگى قاتارلى جەرلەردىڭ ءىشىنارا وڭىرلەرىندە قالىڭ نوسەر (100 – 120 ميلليمەتر) جاۋادى. جوعارىداعى وڭىرلەردە قىسقا مەرزىمدىك قاتتى جاۋىن – شاشىن (ەڭ كوپ بولعاندا ساعاتتىق جاۋىن – شاشىن مولشەرى 20 – 50 ميلليمەتر بولادى، ءىشىنارا جەرلەردە 60 ميلليمەتردەن اسادى) جاۋادى، ءىشىنارا جەرلەردە نايزاعايلى نوسەر جانە قاتتى بوران سوعۋ قاتارلى كۇشتى كونۆەكسيالىق اۋا رايى تۋىلادى.

كەلۋ قاينارى: حالىق تورابى