ءۇش تاراۋ ەمدەۋ قۇرىلىمدارىنىڭ ەمدەۋ ساپاسى حاۋىپسىزدىگىن ارناۋلى وڭاۋ قيمىلىن ورىستەتتى

مەملەكەتتىك دەنساۋلىق ساقتاۋ جانە سالاماتتىق كوميتەتى، مەملەكەتتىك جۇڭگوشا ەمدەۋ جانە ءدارى ـ دارمەك مەكەمەسى، مەملەكەتتىك اۋرۋدى تىزگىندەۋ مەكەمەسى 6 – ايدىڭ 22 – كۇنى ەمدەۋ قۇرىلىمدارىنىڭ ەمدەۋ ساپاسى حاۋىپسىزدىگىن ارناۋلى جونگە سالۋ ارەكەت جوباسىن بىرلەسىپ باسىپ تاراتتى. بيىل 6 ـ ايدان 2026 ـ جىلى 5 ـ ايدىڭ سوڭىنا دەيىن ءبىر جىل ۋاقىتپەن ەمدەۋ قۇرىلىمدارىنىڭ ەمدەۋ ساپاسى حاۋىپسىزدىگىن ارناۋلى جونگە سالۋ ارەكەتى ورىستەتىلەدى.

«جوبادا» مىنالار اتاپ كورسەتىلدى: ەمدەۋ ساپاسى حاۋىپسىزدىگى سالاسىندا ءالى دە كەيبىر كورنەكتى ماسەلەلەر تۇبىرىنەن شەشىلگەن جوق، كەيبىر تۇزىمدىك تالاپتار ءالى شىن مانىندە تياناقتانعان جوق، نەگىزدىك ەمدەۋ ساپاسى حاۋىپسىزدىگىن ءالى دە ىشكەرىلەي بەكەمدەۋگە تۋرا كەلەدى. سونىمەن بىرگە، بۇقارانىڭ ەمدەۋ قىزمەت وتەۋ قاجەتىنىڭ ارتۋىنا، ەمدەۋ تەحنيكالىق ورەسىنىڭ دامۋىنا بايلانىستى، ەمدەۋ ساپاسى مەن حاۋىپسىزدىگىن باسقارۋ ءالى دە كوپتەگەن جاڭا ماسەلەلەر مەن سىندارعا ءدوپ كەلىپ وتىر.

«جوبادا» مىنالار ايقىن بەلگىلەندى: ەمدەۋ قۇرىلىمدارىنىڭ ەمدەۋ ساپاسى حاۋىپسىزدىگىن ارناۋلى وڭاۋ ارەكەتىندە، باستىسى كەزەكتە ەمدەۋ سالاسىنىڭ ساپا حاۋىپسىزدىگىن باسقارۋ جاعىندا ورىن تەۋىپ وتىرعان كورنەكتى ماسەلەلەردى جونگە سالادى، بۇل تومەندەگى بىرنەشە جاقتى قامتيدى:

1. ەمدەۋ ساپاسىن باسقارۋدىڭ ۇيىمدىق جۇيەسى كەمەلدى بولماۋ ماسەلەسى جونگە سالىنادى

2. ەمدەۋ ساپاسى حاۋىپسىزدىگىن باسقارۋ ءتۇزىمىنىڭ كەمەلدى بولماۋ ماسەلەسى جونگە سالىنادى 3. ەمدەۋ ساپاسى حاۋىپسىزدىگى قىزمەت مەحانيزمىنىڭ تياناقتانباۋ ماسەلەسى جونگە سالىنادى

4. ەمدەۋ حاۋىپسىزدىگى حاۋىپ ـ قاتەرىنەن ساقتانۋ جانە شۇعىل جاعدايعا توتەپ بەرۋ، ءبىر جاقتى ەتۋ مەحانيزمى كەمەلدى بولماۋ ماسەلەسى جونگە سالىنادى

5. بولىمدەردىڭ ساپا حاۋىپسىزدىگىن باسقارۋ ءتۇزىمىنىڭ تياناقتانباۋ ماسەلەسى جونگە سالىنادى

6. ەمدەۋ قۇجاتتارىن جازۋدىڭ، باسقارۋدىڭ ارناعا تۇسپەۋ ماسەلەسى جونگە سالىنادى

7. شيپاحانالاردىڭ ينفەكسيالانۋىن باسقارۋدىڭ تياناقتانباۋ ماسەلەسى جونگە سالىنادى

8. ناۋقاستىڭ جەكە قۇپيالىعىن شاشۋ ماسەلەسى جونگە سالىنادى

9. ەلەكتروندىق اۋرۋ تاريحى جۇيەسىن باسقارۋدىڭ تياناقتانباۋ ماسەلەسى جونگە سالىنادى

10. شيپاگەرلىك ءمورال، شيپاگەرلىك ستيل قۇرىلىسىن باسقارۋدىڭ تياناقتانباۋ ماسەلەسى جونگە سالىنادى

كەلۋ قاينارى: حالىق تورابى