2025.06.26 10:17 كەلۋ قاينارى : حالىق تورابى
شينحۋا اگەنتتىگىنىڭ 6 - ايدىڭ 24 – كۇنى بەيجيڭنەن بەرگەن حابارى. ءتىلشىنىڭ 6 - ايدىڭ 24 - كۇنى ەڭ جوعارى حالىق پروكۋراتۋراسىنان ۇعىسۋىنشا، ەڭ جوعارى حالىق پروكۋراتۋراسى قىلمىستىق ىستەردى اتقارۋ پروكۋراتۋرا مەڭگەرمەسىندە تاياۋدا ”پروكۋراتۋرالىق بارلاۋ مەڭگەرمەسى“ دەگەن ماڭدايشالىق قوسىپ اسىلىپ، ەڭ جوعارى حالىق پروكۋراتۋراسى پروكۋراتۋرالىق بارلاۋ مەڭگەرمەسى رەسمي ماڭدايشالىق اسىپ قۇرىلعان.
ەڭ جوعارى حالىق پروكۋراتۋراسىنىڭ پروكۋراتۋرالىق بارلاۋ مەڭگەرمەسى زاڭدا ەڭ جوعارى حالىق پروكۋراتۋراسى دەلو تۇرعىزىپ بارلاۋ جۇرگىزەدى دەپ بەلگىلەنگەن ءادىليا قىزمەتكەرلەرىنىڭ قىزمەت ۇقىعىنان پايدالانىپ زاڭسىز قاماپ قويۋ، قيناپ تەرگەپ، زورلاپ مويىنداتۋ، زاڭسىز ءتىنتۋ قاتارلى ازاماتتاردىڭ ۇقىعىنا قول سۇعۋ، ءادىليانىڭ ادىلدىگىنە زيان جەتكىزۋ قىلمىستارىن، سونداي - اق ەڭ جوعارى حالىق پروكۋراتۋراسى تىكەلەي قابىلدايتىن قوعام حاۋىپسىزدىگى ورگاندارىنىڭ قاراستىلىعىنداعى مەملەكەت ورگاندارىنداعى قىزمەتكەرلەردىڭ قىزمەت ۇقىعىنان پايدالانىپ جۇرگىزگەن اۋىر قىلمىس دەلولارىن بارلاۋعا جاۋاپتى بولادى ءارى جەرگىلىكتى ءار دارەجەلى پروكۋراتۋرالاردىڭ قاتىستى قىزمەتتەردى ورىستەتۋىنە جەتەكشىلىك ەتەدى.
تانىستىرۋعا قاراعاندا، بۇل مەڭگەرمەنىڭ قۇرىلۋى — ءادىلياداعى شىرىكتەسۋدى قاتاڭ جازالاۋعا اناعۇرلىم ويداعىداي دەم بەرىپ، ءادىليانىڭ ادىلدىگىن قورعاۋدى ماقسات ەتكەن. قازىرگە دەيىن بۇكىل ەل بويىنشا 28 ولكە دارەجەلى پروكۋراتۋرا مەن ءىشىنارا ايماق، قالا دارەجەلى پروكۋراتۋرالاردا ارناۋلى پروكۋراتۋرالىق بارلاۋ قۇرىلىمى قۇرىلدى.
كەلۋ قاينارى: حالىق تورابى