وقۋ الدىنداعى تاربيە تەگىن ورىستەتىلەدى 

7 – ايدىڭ 25 – كۇنى، مەملەكەتتىك كەڭەستىڭ ۇنەمىلىك ىستەر ءماجىلىسى وقۋ الدىنداعى تاربيەنى تەگىن ورىستەتۋدى بىرتىندەپ جالپىلاستىرۋعا قاتىستى شارالار جونىندە ورنالاستىرۋ جاساعان. ماجىلىستە مىنالار اتاپ كورسەتىلدى: وقۋ الدىنداعى تاربيەنى تەگىن ورىستەتۋدى بىرتىندەپ جالپىلاستىرۋ سانسىزداعان وتباسىلارعا ساياتىن، ۇزاق بولاشاقتىق دامۋعا ساياتىن حالىققا ءتيىمدى ماڭىزدى شارا.

. جەر – جەردەگىلەردىڭ ناقتى قىزمەت جوباسىن نەعۇرلىم تەز جاساپ، مىندەتتى سالىستىرماسى بويىنشا كومەك قاراجاتتى ورنالاستىرىپ، دەر كەزىندە، تولىق سومادا تاراتۋعا كەپىلدىك ەتۋىنە جەتەكشىلىك ەتۋ كەرەك.

. يكەمدى باقىلاۋ – ساراپتاۋدى كۇشەيتىپ، بالالار باقشاسىن باسقارۋعا قاجەتتى وزىندىك قۇندى ەسەپتەپ، ۇكىمەت باسقارۋىنداعى، حالىق باسقارۋىنداعى بالالار باقشالارىنا كومەك قاراجات بەرۋ ساياساتىن ءبىر تۇتاس جوسپارلاپ، وتباسىندا ەكونوميكالىق قيىنشىلىعى بار بالالار، جەتىم بالالار جانە مۇگەدەك بالالار قاتارلىلارعا قاتىستى ساياساتتارمەن ۇشتاستىرۋدى جانە ولاردى قامتاماسىزداندىرۋدى ويداعىداي ىستەۋ كەرەك.

. وقۋ جاسىنداعى جان سانىنىڭ وزگەرىسى، قازىنا قۋاتى قاتارلى فاكتورلاردى ءبىر تۇتاس جوسپارلاپ ويلاستىرىپ، نەگىزدىك جاقتان قامتاماسىزداندىرۋ، جالپىعا ءتيىمدى بولۋىنا كەپىلدىك ەتۋ پرينسيبىندە تاباندى بولىپ، وقۋ الدىنداعى تاربيەگە ساياتىن قوسىلىم مەحانيزمىن اناعۇرلىم كەمەلدەندىرىپ، نەگىزدىك قۇرىلعىلار قۇرىلىسىن كۇشەيتىپ، بالالار باقشالارىنداعى مۇعالىمدەرگە جاسالاتىن مامىلەنى جاقسارتىپ، بالالار باقشاسىنىڭ ساپاسى مەن ورەسىن جوعارىلاتۋ كەرەك.

. وقۋ الدىنداعى تاربيەنى باقىلاۋ – باسقارۋدى كۇشەيتىپ، باقىلاۋ – باسقارۋ جاۋاپكەرشىلىگىن قاتاڭ تياناقتاندىرىپ، بالالار باقشاسىن باسقارۋ ىستەرىن جۇيەگە ءتۇسىرىپ، بالالار باقشاسىنداعى بالالاردىڭ دەنساۋلىعىن شىنايى قورعاۋ قاجەت.

كەلۋ قاينارى: حالىق تورابى