جاڭا داۋىردەگى پارتيا مەكتەبى ىستەرىنىڭ جوعارى ساپالى دامۋىن ىلگەرىلەتەيىك

تاياۋدا جۇڭگو كوممۋنيستىك پارتياسى ورتالىق كوميتەتى جاڭادان وزگەرىس ەنگىزىلگەن «جۇڭگو كوممۋنيستىك پارتياسى پارتيا مەكتەبىنىڭ (اكىمشىلىك شۋەيۋانى) قىزمەت ەرەجەسىن» باسىپ تاراتىپ، جاڭا داۋىردەگى پارتيا مەكتەبى قىزمەتىن ويداعىداي ىستەۋگە تياناق ازىرلەدى. «ەرەجەنىڭ» وزگەرىس ەنگىزىلۋى مەن اتقارىلۋى پارتيانىڭ پارتيا مەكتەبى قىزمەتىنە جاپپاي باسشىلىعىن كۇشەيتىپ، شي جينپيڭ جاڭا ءداۋىر جۇڭگوشا سوتسياليزم يدەياسىمەن زەيىن - زەردەنى، رۋحتى سومداۋعا تاباندى بولىپ، ۇلتتىڭ گۇلدەنۋى سىندى اۋىر مىندەت ارقالاي الاتىن بيلىك جۇرگىزۋ تىرەكتى قوسىنىن باۋلۋ، جەتىلدىرۋ، پارتيانىڭ يدەيالىق، نازاريالىق قۇرىلىسىن ىلگەرىلەتۋ جونىنەن كەلەلى ماڭىز الادى.

پارتيا مەكتەپتەرىنىڭ رولىن ساۋلەلەندىرۋگە ءمان بەرۋ − پارتيامىزدىڭ تاڭداۋلى ءداستۇرى جانە ساياسي ابزالدىعى. توڭكەرىس، قۇرىلىس، رەفورمانىڭ ءارقايسى تاريحي كەزەڭدەرىندە، ءار دارەجەلى پارتيا مەكتەپتەرى (اكىمشىلىك شۋەيۋانى) پارتيانىڭ وزەكتى قىزمەتىنە سانالى تۇردە بويسۇنىپ، قىزمەت ەتىپ، ”پارتيا ءۇشىن دارىندى تاربيەلەۋ، پارتيا ءۇشىن اقىل - كەڭەس بەرۋ“ سىندى پارتيا مەكتەبىنىڭ اۋەلگى ماقساتىنان باستان - اياق جازباي، پارتيامىزدىڭ ۇزدىكسىز تىڭ جەڭىستەرگە قول جەتكىزۋىنە پارمەندى تىرەك بولدى. جاڭا داۋىردەگى پارتيا مەن مەملەكەت ىستەرى بۇرىنعىعا مۇراگەر بولىپ، كەيىنگىگە جول اشىپ، پارتيا مەكتەبى قىزمەتىنە تىڭ دا اناعۇرلىم جوعارى تالاپتار قويدى. باس شۋجي شي جينپيڭنىڭ پارتيا مەكتەبى قىزمەتى جونىندەگى ماڭىزدى بايىمداۋلارىن جاپپاي دايەكتىلەندىرىپ، پارتيا مەكتەبىنىڭ پارتيالىق سيپاتى سىندى ءتۇبىرلى پرينسيپكە تاباندى بولۋدى، پارتيا مەكتەبىنىڭ اۋەلگى ماقساتىن تاباندىلىقپەن امالياتتا ايگىلەۋدى ارقاۋ ەتىپ، پارتيا ءۇشىن جوعارى ساپالى دارىندى تاربيەلەۋگە، جوعارى دەڭگەيدە پارتيا ءۇشىن اقىل - كەڭەس بەرۋگە تۇزىمدىك كەپىلدىك ازىرلەگەندە، ءسوز جوق، جاڭا جورىقتا پارتيا مەكتەبىنىڭ (اكىمشىلىك شۋەيۋانى) وزگەشە قۇنىن اناعۇرلىم ويداعىداي ايگىلەۋگە بولادى.

بيلىك جۇرگىزۋدىڭ تەتىگى ادامعا يە بولۋدا. پارتيا 20 - كەزەكتى ورتالىق كوميتەتىنىڭ ءۇشىنشى جالپى ءماجىلىسى كادرلاردى وسىزامانداندىرۋ قۇرىلىسى قابىلەتىن جاپپاي جوعارىلاتۋدى كوزدە ۇستاپ، ۇدايىلانعان كۋرستان وتكىزۋ، اسىرەسە، نەگىزگى كۋرستان وتكىزۋ مەحانيزمىن اقاۋسىزداندىرۋ جونىندە ماڭىزدى رەفورما ورنالاستىرۋىن جاسادى. كادرلار مەن پارتيا مۇشەلەرىن تاربيەلەۋدىڭ، باۋلۋدىڭ نەگىزگى ارناسى رەتىندە، ءار دارەجەلى پارتيا مەكتەپتەرى (اكىمشىلىك شۋەيۋانى) كادرلار مەن پارتيا مۇشەلەرىنىڭ كالتسيدى تولىقتاپ، سۇيەكتى سومداۋىنا، نەگىزدى بەكەمدەۋىنە كومەكتەسۋ مىندەتى مەن بورىشىن ارقالاپ وتىر. نەگىزگى تاربيەلەۋدى تۇتقا ەتىپ، تاربيەلەۋگە تيىستىلەرىن مۇمكىندىگىنشە تاربيەلەۋگە تاباندى بولىپ، باۋلۋدى قاتاڭ ۇيىمداستىرىپ، يگىلىكتەنۋ كولەمىن ۇزدىكسىز كەڭەيتىپ، باۋلۋ وبيەكتىلەرىنىڭ نەگىزىنەن جاپپاي قامتۋىنا شىنايى كەپىلدىك ەتۋ كەرەك. شي جينپيڭ جاڭا ءداۋىر جۇڭگوشا سوتسياليزم يدەياسىن وقىتۋدىڭ نەگىزگى تاقىرىبى، نەگىزگى جەلىسى ەتۋگە تاباندى بولىپ، پارتيانىڭ جاڭالىق اشۋ نازارياسى ساباق جۇيەسىن، عىلمي، كەمەلدى پارتيالىلىق تاربيە ساباق جۇيەسىن جانە مىندەت اتقارۋ قابىلەتى ساباق جۇيەسىن جۇيەلى، ىشكەرىلەي ورناتىپ، قالىڭ كۋرسانتتاردى ”ەكىنى تۇراقتاندىرۋدىڭ“ شەشۋشى ءمانىن تەرەڭ تۇسىنۋگە، ”ەكىنى قورعاۋدى“ باتىل ورىنداۋعا تاربيەلەۋ، جەتەكتەپ، سانالى تۇردە جاڭا داۋىردەگى پارتيانىڭ جاڭالىق اشۋ نازارياسىنىڭ باتىل سەنۋشىلەرى جانە ادال اتقارۋشىلارى بولۋ كەرەك.

امالياتتىڭ شەگى جوق، نازاريادا جاڭالىق جاراتۋدىڭ دا شەگى جوق. پارتيا مەكتەبى (اكىمشىلىك شۋەيۋانى) پارتياعا اقىل - كەڭەس بەرۋ ماڭىزدى مىندەتىن ارقالاپ وتىر، پارتيانىڭ نازاريادا جاڭالىق اشۋ اياق الىسىمەن بىرگە جاڭا داۋىردەگى پارتيانىڭ جاڭالىق اشۋ نازارياسىن زەرتتەۋدى، ۇگىتتەۋدى، ءتۇسىندىرۋدى عىلمي زەرتتەۋدىڭ ماڭىزدى ءتۇيىنى ەتىپ، ۇيىمدى عىلمي زەرتتەۋدى كۇشەيتىپ، جۇيەلىلەندىرۋ، عىلىميلاندىرۋ جاعىنا كۇش سالىپ، جاڭا داۋىردەگى پارتيانىڭ جاڭالىق اشۋ نازارياسىنىڭ بەلگى سيپاتتى ۇعىمىن، ءتول جاسامپازدىق ۇلەسىن، العاشقى اقىلدىق جەتىستىكتەرىن ءتۇيىندى تۇردە زەرتتەپ، ءتۇسىندىرىپ، جۇڭگونىڭ فيلوسوفيا، قوعامدىق عىلىمدار دەربەس ءبىلىم جۇيەسىن قۇرۋعا اقىل - پاراسات پەن كۇش - قۋات قوسۋ؛ جۇڭگو ۇلگىسىندەگى وسىزامانداندىرۋدىڭ ۇلى امالياتىمەن بىرگە نازاردى پارتيا مەن مەملەكەتتىڭ وزەكتى قىزمەتىنە، پارتكوم مەن ۇكىمەتتىڭ كەلەلى شەشىمدەرىنە، ورنالاستىرۋلارىنا، قوعامداعى قولامتالى، قيىن ماسەلەلەرگە شوعىرلاندىرىپ، تەكسەرۋ - زەرتتەۋ جۇرگىزىپ، ماڭىزدى يدەيالىق، نازاريالىق اۋقىمدى دەر كەزىندە اڭىس ەتىپ، قۇندى شارالار مەن ۇسىنىستاردى العا قويۋ كەرەك. نازاريالىق زەرتتەۋ مەن توتەپ بەرۋ شارالارىن زەرتتەۋدىڭ توعىسپالى دامۋىن ىلگەرىلەتىپ، وقىتۋ، عىلمي زەرتتەۋ مەن شەشىم جاساۋ، اقىل - كەڭەس بەرۋدىڭ ءبىرىن - ءبىرى جەبەۋىن، سايكەستى دامۋىن ىلگەرىلەتىپ، پارتيانىڭ يدەيالىق - نازاريالىق قۇرىلىسىنىڭ جالىندى قوسىندىق رولىن ويداعىداي ساۋلەلەندىرۋ كەرەك.

ءتۇزىمنىڭ قۇنى اتقارۋدا، تياناقتاندىرۋدا. ءار دارەجەلى پارتكومدار پارتيا مەكتەپتەرىن (اكىمشىلىك شۋەيۋانى) ويداعىداي جۇرگىزۋدىڭ، ويداعىداي باسقارۋدىڭ، ويداعىداي قۇرۋدىڭ تۇلعالىق جاۋاپكەرشىلىگىن شىنايى اتقارىپ، پارمەندى شارالار قولدانىپ، ۇيىمدىق قامتاماسىزداندىرۋدى كۇشەيتىپ، «ەرەجەنى» ۇيرەنۋدى، ۇگىتتەۋدى، دايەكتىلەندىرۋدى ويداعىداي يگەرۋى كەرەك. ءار دارەجەلى پارتيا مەكتەپتەرى (اكىمشىلىك شۋەيۋانى) ساياسي دەڭگەيدى جوعارىلاتىپ، جۇيەلى كوزقاراسقا تاباندى بولىپ، نازاردى نەگىزگى جاۋاپكەرشىلىككە، نەگىزگى كاسىپكە شوعىرلاندىرىپ، بايلىقتى ساپالىلاندىرىپ، بىرىكتىرىپ، جاڭا داۋىردەگى پارتيا مەكتەپتەرى ىستەرىنىڭ تىڭ ساتىعا كوتەرىلۋىن ۇزدىكسىز ىلگەرىلەتۋى كەرەك.