سالىنىپ جاتقان جانە بيىل جۇمىس باستاۋ جوسپارلانعان ەنەرگيا ءتۇيىندى نىساندارىنا الدىڭعى جارتى جىلدا قوسىلعان قارجى سايكەس مەزگىلدەگىدەن %21.6 ارتتى

«حالىق گازەتى»، 8 - ايدىڭ 11 - كۇنى، بەيجيڭ (ءتىلشى ديڭ ي - تيڭ). ءتىلشىنىڭ مەملەكەتتىك ەنەرگيا مەكەمەسىنەن ۇعىسۋىنشا، بيىل الدىڭعى جارتى جىلدا بۇكىل ەل بويىنشا سالىنىپ جاتقان جانە بيىل جۇمىس باستاۋ جوسپارلانعان ەنەرگيا ءتۇيىندى نىساندارىنا قوسىلعان قارجى ءبىر تريلليون 500 ميلليارد يۋاننان اسىپ، سايكەس مەزگىلدەگىدەن %21.6 ارتقان، شىعىس، ورتا، باتىس بولەكتەگى رايونداردىڭ ورىنداعان قارجى قوسۋ سوماسى سايكەس مەزگىلدەگىدەن %20 ارتقان، جاڭادان ارتقان ەنەرگياعا قوسىلعان قارجى ۇزدىكسىز ”جاسىل، جاڭا“ تۇرلەرگە شوعىرلانعان.

جاڭا ەنەرگيادا توك شىعارۋعا قوسىلعان قارجى تەز قارقىنمەن ارتتى. الدىڭعى جارتى جىلدا گۋاڭشي، شينجياڭدا قۇرلىقتاعى جەل ەلەكترىنە قوسىلعان قارجى بىلتىرعى سايكەس مەزگىلدەگىدەن ەسەلەپ ارتتى. شوعىرلى فوتوۆولتتىق قارجى قوسۋ سوماسى سايكەس مەزگىلدەگىدەن %24.5 ارتقان، تارالمالى ۇلگىدەگى فوتوۆولتتىق قارجى قوسۋ سوماسى سايكەس مەزگىلدەگىدەن %70 ارتقان. جارىق جىلۋىمەن توك شىعارۋعا قوسىلعان قارجى سايكەس مەزگىلدەگىدەن ەسەلەپ ارتقان.

ەلەكترمەن قامداۋدى قامتاماسىزداندىرۋعا قارجى قوسۋ ۇزدىكسىز كەڭەيدى. الدىڭعى جارتى جىلدا كومىر ەلەكتر، يادرو ەلەكتر سياقتى سالالارعا قوسىلعان قارجى ءبىرشاما تەز ارتتى، شىعىس جۇڭگو، ورتا جۇڭگو، ىشكى موڭعۇلدىڭ باتىس بولەگىندەگى ءبىر توپ ەلەكترمەن قامداۋعا كەپىلدىك ەتەتىن ءتۇيىندى كومىر ەلەكتر نىساندارى سالىنىپ وندىرىسكە قوسىلدى. ەلەكتر تورابى، سۋ تارتىپ ەنەرگيا ساقتاۋ سياقتى سالالارعا قوسىلعان قارجى ورنىقتى ارتتى.

ەنەرگيا جاڭا كاسىپ كۇيىنە قارجى قوسۋ جەدەل جارىققا شىقتى. الدىڭعى جارتى جىلدا سۋتەگى ەنەرگياسى ءتۇيىندى نىساندارىنا قوسىلعان قارجى ەسەلەپ ارتتى، جيليندە سالىنىپ جاتقان كوپتەگەن جاسىل سۋتەگى نىساندارى جەدەل ىلگەرىلەتىلدى. ەلەكتر تولتىرۋ، اۋىستىرۋ نەگىزدىك قۇرىلعىلارىنا قوسىلعان قارجى سايكەس مەزگىلدەگىدەن %70 كە جۋىق ارتتى. جاڭاشا ەنەرگيا ساقتاۋ، قاينار تورابى، ەلەكتر ساقتاۋ ءبىر تۇلعالانعان نىساندارعا قوسىلعان قارجى سايكەس مەزگىلدەگىدەن %30 تەن استى.

ەنەرگيا سالاسىنداعى حالىقتىق كاسىپورىنداردىڭ قوسقان قارجىسى ءبىرشاما تەز ارتىپ، الدىڭعى جارتى جىلدا ورىندالعان قارجى سوماسى سايكەس مەزگىلدەگىدەن %27.8 ارتتى. حالىقتىق كاسىپورىنداردىڭ تارالمالى فوتوۆولت، قۇرلىقتاعى جەل ەلەكترى سياقتى سالالارعا قوسقان قارجىسى جەدەل بوساتىلىپ، قارجى قوسۋ سوماسى سايكەس مەزگىلدەگىدەن %40 تەن استى، ەلەكتر اۋىستىرۋ نەگىزدىك قۇرىلعىلارى، شوعىرلى فوتوۆولت سياقتى سالالاردا قارجى قوسۋ سوماسى سايكەس مەزگىلدەگىدەن %15 شاماسىندا ارتتى.