اۋىل - قىستاقتى جاپپاي گۇلدەندىرۋدىڭ جاڭا كارتيناسى (ەرلىكپەن العا ۇمتىلىپ، ”14 - بەسجىلدىقتىڭ“ شەشۋشى جەڭىسىنە قول جەتكىزەيىك)

جىجياڭ ولكەسى ي - ۋ قالاسى حوۋفاڭ ءمالىسى ليزۋ قىستاعىندا ”لي اۋلەتىنىڭ المۇرت كامپيتى“ دۇكەنىنىڭ قوش ءيىسى مۇرىندى جارادى، دۇكەن قوجايىنى لي چيڭبياۋ ماشيناداعى المۇرت كامپيتى قورابىن دۇكەنگە تاسۋمەن قاربالاس بولىپ جاتىر. وتكەن جىلى دۇكەننىڭ الدىنا زاريادتاۋ باعاناسى ورناتىلىپ، دۇكەنگە زات تاسىمالداۋدىڭ وزىندىك قۇنى ۇنەمدەلدى.

سوڭعى جىلدارى اۋىل - قىستاقتى جاپپاي گۇلدەندىرۋدىڭ ىشكەرىلەي ىلگەرىلەۋىنە بايلانىستى، ليزۋ قىستاعىنىڭ دامۋ ورتاسى ۇزدىكسىز ساپالىلاندى. ”قىستاقتا زاريادتاۋ باعاناسى ورناتىلعان سوڭ، ساياحاتشىلاردىڭ كەلۋىنە كوپ قولايلى بولدى، قىستاقتىڭ تارتىمدىلىعى دا ارتا ءتۇستى“ دەدى قىستاق پارتيا ياچەيكاسىنىڭ شۋجيى فاڭ حاۋلۇڭ، ونىڭ ايتۋىنشا، قىستاق 271 جاڭالىق اشۋشىنى، 73 جاڭالىق اشۋ كاسىبىن ىرگە تەبۋگە باۋراپ جانە جەتىلدىرىپ، قىستاقتىڭ دامۋى بارعان سايىن ومىرشەڭدىك كۇشكە يە بولىپتى.

باس شۋجي شي جينپيڭ بىلاي دەپ باسا دارىپتەدى: ”جۇڭگوشا وسىزامانداندىرۋدى ىلگەرىلەتۋدە، اۋىل - قىستاقتى گۇلدەندىرۋدى، ءسوزسىز، جاپپاي ىلگەرىلەتۋىمىز كەرەك“، ”اۋىل شارۋاشىلىعىنىڭ نەگىزىن اناعۇرلىم بەكەمدەۋدى، اۋىل - قىستاق ءوڭىرىن اناعۇرلىم گۇلدەندىرۋدى، شارۋالاردىڭ تۇرمىسىن اناعۇرلىم جاقسارتۋدى ىلگەرىلەتىپ، اۋىل شارۋاشىلىعىندا قۇدىرەتتى ەل قۇرۋ نىساناسىنا قاراي ورنىقتى قادام تاستاۋىمىز كەرەك“.

جەر - جەر، تاراۋلار باس شۋجي شي جينپيڭنىڭ ماڭىزدى نۇسقاۋىنىڭ رۋحىن ىشكەرىلەي دايەكتىلەندىرىپ، تياناقتاندىرىپ، ”ءجۇز قىستاقتا ۇلگى كورسەتۋ، ون مىڭ قىستاقتى رەتتەۋ - وڭاۋ ينجەنەرياسىنىڭ“ تاجىريبەلەرىن ۇيرەنىپ، قولدانىپ، اۋىل - قىستاقتى جاپپاي گۇلدەندىرۋدىڭ جاڭا كارتيناسىن جەدەل سالدى.

اۋىل - قىستاق كاسىپ سالاسىنىڭ ساپاسى جوعارىلاپ، ونىمدىلىگى ارتتىرىلىپ، جۇڭگو اسى مىقتى ۇستالدى.

مىڭشان يشۇي وزەنىنىڭ كورىنىسى كوز تارتادى. شاندۇڭ ولكەسى يشۇي اۋدانى شياۋي قالاشىعى جۋجياپيڭ قىستاعى ءبىر توپ ساياحاتشىنى كۇتىپ الدى. جۋجياپيڭ قىستاعى بوس تۇرعان كونە ۇيلەردى ەرەكشە حالىقتىق تۇسەلحانالارعا وزگەرتىپ، جەرگىلىكتى بۇقارانى ساياحاتتىق قىزمەت وتەۋمەن شۇعىلدانۋعا جەتەكتەدى، وتكەن جىلى جان باسىندىق كىرىس 40 مىڭ يۋاننان استى.

”14 - بەسجىلدىق“ مەزگىلىندە، جۇڭگو اسى قولىمىزدا ورنىقتى تۇردى. وتكەن جىلى ەلىمىزدىڭ ادام باسىنا تۋرا كەلەتىن استىق مولشەرى 500 كيلوگرامعا جەتتى، بيىل جازعى استىقتان تۇراقتى مول ءونىم الىندى. بيىل 6 - ايدىڭ سوڭىنا دەيىن، ەلىمىزدىڭ جاسىل، ورگانيكالى، ايگىلى، ەرەكشە، جاڭا جانە جاعىراپيالىق بەلگىسى سالىنعان اۋىل شارۋاشىلىق ونىمدەرىنىڭ جالپى سانى 86 مىڭعا جەتتى. حالىقتى اۋقاتتاندىرۋ كاسىپتەرى تولىسىپ جەتىلىپ، اۋىل - قىستاقتى جاپپاي گۇلدەندىرۋدى ىلگەرىلەتۋدىڭ قۇدىرەتتى كۇشىنە اينالدى.

حالىق تۇرمىسىنداعى ناقتى ىستەردى سەزىنۋگە، كورىكتى اۋىل - قىستاق قونىستانۋعا، كاسىپكە قولايلى بولدى.

جياڭسۋ ولكەسى سۋچيان قالاسى سۋچىڭ رايونى سايجي قالاشىعى نيۋجياۋ قىستاعىندا ەرەكشە تۇرعىندار تۇراعى قاز - قاتار بوي تۇزەپ، شيپاحانا، سەيىل - سەرۋەن باقشاسى سياقتى سايكەستى قۇرىلعىلار تولىق بولىپ، كوپتەگەن ساياحاتشىلاردى سەرۋەندەۋگە، تاماشالاۋعا باۋرادى.

قازىرگە دەيىن، بۇكىل ەل بويىنشا اۋىل - قىستاقتاردا قۇبىر سۋىنىڭ جالپىلاسۋ مولشەرى %94 كە جەتىپ، اكىمشىلىك قىستاقتارعا كەڭ ارنا %100 جەتكىزىلىپ، 300 مىڭنان استام قىستاقتا قىستاق دارەجەلى زات جەتكىزۋ قىزمەت وتەۋ ورنى قۇرىلدى، اۋىل - قىستاقت 16 مىڭنان استام قارتتار كۇتىمحاناسى قۇرىلدى ... حالىق تۇرمىسىنا قاتىستى ناقتى ىستەر اۋىل - قىستاقتىڭ الەۋمەتتىك قىزمەت وتەۋىنىڭ قولايلىلىعىن، قونىستانۋ ورتاسىنىڭ جايلىلىعىن ۇزدىكسىز جوعارىلاتتى.

قالتا قامپايدى، اقىل - وي جەتىلدى، شارۋالاردىڭ رۋحى سەرپىلدى.

تاياۋدا، ءبىر رەتكى فوتو سۋرەت شارلاۋ كورمەسى جىجياڭ ولكەسى حاڭجوۋ قالاسى يۇيحاڭ رايونى جۋشان قالاشىعىنىڭ ”كەلەشەك بازار“ الاڭىندا وتكىزىلدى. ”ءۇيىمىزدىڭ جانىندا تۇرىپ وسىنداي جوعارى دەڭگەيلى كورمەدەن كوزايىم بولعانىمىز تاماشا بولدى“ دەدى شياۋگۋچىڭ قىستاعىنىڭ تۇرعىنى لين چۇنيان.

”كەلەشەك بازار“ الاڭى ءوندىرۋ، وقىتۋ، زەرتتەۋدى ءبىر تۇلعالاندىرىپ، مادەنيەت - ساياحات كاسىبىنىڭ تياناقتانۋ ءورىسىن كەڭەيتتى، سونىمەن بىرگە، جوعارى ساپالى مادەنيەت قىزمەت وتەۋىن اۋىلداستاردىڭ جانىنا جەتكىزدى. ”14 - بەسجىلدىقتان“ بەرى اۋىل - قىستاق تۇرعىندارىنىڭ جان باسىندىق كىرىسىنىڭ بولىسكە سالۋعا بولاتىن كىرىسىنىڭ ارتۋ قارقىنى ءۇرتىس كوپ جىل قالا - قالاشىق تۇرعىندارىنان تەز بولدى؛ بيىل الدىڭعى جارتى جىلدا، اۋىل - قىستاق تۇرعىندارىنىڭ جان باسىندىق كىرىسىنىڭ بولىسكە سالۋعا بولاتىن كىرىسى ءىس جۇزىندە %6.2 ارتقان. جەر - جەر بۇقارالىق مادەنيەت، دەنە تاربيە قيمىلدارىن كەڭ كولەمدە ورىستەتىپ، شارۋالاردىڭ جىگەرىن تاسقىنداتتى. كىرىس ارتىپ، مادەنيەت قيمىلدارى مولايدى، قالىڭ شارۋالار بۇقاراسىنىڭ تابىس سەزىمى، باقىت سەزىمى، حاۋىپسىزدىك سەزىمى ۇزدىكسىز كۇشەيدى.