ازيا جاستار جارىسىندا جۇڭگو شينجياڭنىڭ بوكسشىلارى 2 التىن مەدالدى قانجىعالادى

ەندى عانا اياقتاعان 2025 ـ جىلعى ازيا جاستارى (U19)، سونداي – اق ازيا (U22) بوكس جۇلدەلى جارىسىندا، جۇڭگو كومانداسى اتىنان جارىسقا قاتىناسقان شينجياڭدىق 3 بوكسەرشىنىڭ بەينەسى كورنەكتى بولىپ، جيىنى 2 التىن مەدال جانە ءبىر 5 ـ ورىندى يەلەدى.

8 ـ ايدىڭ 13 ـ كۇنى، شينجياڭ ۇيعۇر اۆتونوميالى رايوندىق دەنە تاربيە مەكەمەسى اۋىر باسەكە سپورتىنا جاتتىعۋ ورتالىعىنىڭ بوكس جاتتىعۋ سارايى قىزۋ مەرەيگە شومدى. وسى ارادا شوعىرلى جاتتىعۋ جاساپ جاتقان شينجياڭنىڭ جەر ـ جەرىنەن كەلگەن 110 نان استام جاس ءوسپىرىم بوكسشىلار مەن شينجياڭ بوكس كومانداسىنىڭ بارلىق مۇشەلەرى داڭقپەن قايتىپ كەلگەن 3 بوكسشىنى بىرگە قارسى الدى، ولارعا گۇل ۇسىندى ءارى سۋرەتكە ءتۇسىپ ەستەلىك قالدىردى.

وسى رەتكى جۇلدەلى جارىس 8 – ايدىڭ 1 – كۇنىنەن 11 – كۇنىنە دەيىن تايلاندتىڭ بانگكوك قالاسىندا وتكىزىلدى، جەكە - جەكە جاستار U19 مەن ەرەسەكتەر U22 ەكى جاس گرۋپپاسى بويىنشا باسەكەگە ءتۇستى. جۇڭگو بوكس كومانداسى 27 سپورتشىنى جارىسقا قاتىناستىردى، سوڭىندا 6 التىن، ءبىر كۇمىس، 8 مىس مەدالدى قانجىعالادى، ءارى 7 رەت 5 - ورىندى يەلەدى. مۇنىڭ ىشىندە شينجياڭ بوكسشىسى دينا ساناتبەك U22 ايەلدەردىڭ 65 كيلوگرامدىق سالماق دارەجەسىنىڭ التىن مەدالىن، ءالميرا ابدىرەيىم U19 ايەلدەردىڭ 70 كيلوگرامدىق سالماق دارەجەسىنىڭ التىن مەدالىن قانجىعالادى، سو جىننان U19 ەرلەردىڭ 80 كيلوگرامدىق سالماق دارەجەسىنىڭ 5 – ورنىن يەلەدى.

كەلۋ قاينارى: حالىق تورابى