شي جينپيڭ ەسكە ءتۇسىرۋ قيمىلىنا دايىندىق كورۋ قىزمەتىنە قاتىناسقان ءار جاقتىڭ ۋاكىلدەرىن ىقىلاسپەن قابىلدادى

«حالىق گازەتى»، 9 - ايدىڭ 17 - كۇنى، بەيجيڭ، جۇڭگو حالقىنىڭ جاپون شاپقىنشىلارىنا قارسى سوعىسى مەن دۇنيە جۇزىلىك فاشيزمگە قارسى سوعىس جەڭىسىنىڭ 80 جىلدىعىن ەسكە ءتۇسىرۋ قيمىلىن قورىتىندىلاۋ ءماجىلىسى 9 - ايدىڭ 17 - كۇنى تۇستەن بۇرىن بەيجيڭدە وتكىزىلدى. جۇڭگو كوممۋنيستىك پارتياسى ورتالىق كوميتەتىنىڭ باس شۋجيى، مەملەكەت ءتوراعاسى، ورتالىق اسكەري ىستەر كوميتەتىنىڭ ءتوراعاسى شي جينپيڭ حالىق سارايىندا ەسكە ءتۇسىرۋ قيمىلىنا دايىندىق كورۋ قىزمەتىنە قاتىناسقان ءار جاقتىڭ ۋاكىلدەرىن ىقىلاسپەن قابىلداپ، ولارعا العىس ايتتى جانە ولاردان حال سۇرادى، ولاردىڭ قاجىرلى ەڭبەگى مەن كورنەكتى ناتيجەلەرىن تولىق تۇراقتاندىرىپ، كوپشىلىكتى قايراتتانا العا ۇمتىلىپ، تاعى دا تىڭ ۇلەس قوسۋعا شابىتتاندىردى.

جۇڭگو كوممۋنيستىك پارتياسى ورتالىق كوميتەتى ساياسي بيۋروسىنىڭ تۇراقتى مۇشەسى، ەسكە ءتۇسىرۋ قيمىلىنا باسشىلىق ەتۋ گرۋپپاسىنىڭ باستىعى ساي چي قابىلداۋعا قاتىناستى ءارى قورىتىندى ماجىلىسىندە ءسوز سويلەدى.

9 - ايدىڭ 17 - كۇنى تۇستەن بۇرىن حالىق سارايىنىڭ سولتۇستىك زالى قىزۋ مەرەيگە شومدى. ساعات 10 مولشەرىندە شي جينپيڭ قاتارلىلار وسى اراعا كەلگەندە، بۇكىل زالدان دۋ قول شاپالاق ءۇنى كوتەرىلدى. شي جينپيڭ قاتارلىلار كوپشىلىكپەن ىقىلاسپەن قول الىستى ءارى توپتىق ەستەلىك سۋرەتكە ءتۇستى.

بىرنەشە كۇننىڭ الدىندا شي جينپيڭ ورتالىق كوميتەت ساياسي بيۋروسى تۇراقتى كوميتەتىنىڭ ءماجىلىسىن باسقارىپ اشىپ، ەسكە ءتۇسىرۋ قيمىلىنىڭ قورىتىندى بايانداماسىن ارناۋلى تىڭدادى ءارى ماڭىزدى ءسوز سويلەدى. شي جينپيڭ بىلاي دەپ باسا دارىپتەدى: جۇڭگو حالقىنىڭ جاپون شاپقىنشىلارىنا قارسى سوعىسى مەن دۇنيە جۇزىلىك فاشيزمگە قارسى سوعىس جەڭىسىنىڭ 80 جىلدىعىن ەسكە ءتۇسىرۋ قيمىلى ايبىندى دا سالتاناتتى، تەبىنى تەگەۋرىندى، جۇرتتى ءدۇر سىلكىندىرگەن، ۇدەرە العا تارتۋعا شابىتتاندىراتىن جاپون شاپقىنشىلارىنا قارسى سوعىستى ەسكە ءتۇسىرۋ سالتاناتى بولىپ، جاپون شاپقىنشىلارىنا قارسى سوعىس ۇلى رۋحىن ونان ارى ساۋلەلەندىرىپ، مەملەكەتتى قۇدىرەتتەندىرۋ قۇرىلىسىن، ۇلتتى گۇلدەندىرۋ ۇلى ءىسىن جاپپاي ىلگەرىلەتۋ بەكىمى مەن سەنىمىن ونان ارى نىعايتى، ادامزاتتىڭ تاعدىرلاس ورتاق تۇلعاسىن قۇرۋدى ىلگەرىلەتۋدىڭ جاۋاپكەرشىلىگىن ونان ارى ايگىلەدى.

شي جينپيڭ بىلاي دەپ اتاپ كورسەتتى: ەسكە ءتۇسىرۋ قيمىلىنا باسشىلىق ەتۋ گرۋپپاسى جانە ونىڭ ءارقايسى قىزمەت قۇرىلىمدارى پارتيا ورتالىق كوميتەتىنىڭ شەشىمدەرى مەن ورنالاستىرۋلارىن باتىل دايەكتىلەندىرىپ، تياناقتاندىرىپ، جوعارى ولشەم، قاتاڭ تالاپقا باستان - اياق تاباندى بولىپ، قىزمەتتى ناقتى جانە ەگجەي - تەگجەيلى ستيلمەن ىلگەرىلەتىپ، پارتيا ورتالىق كوميتەتى تاپسىرعان ساياسي مىندەتتى ايتارلىقتاي ورىندادى.

شي جينپيڭ بىلاي دەپ باسا دارىپتەدى: ەسكە ءتۇسىرۋ قيمىلىنان تۋىنداعان قۇدىرەتتى وڭ ەنەرگيادان تولىق، ويداعىداي پايدالانىپ، ەسكە ءتۇسىرۋ قيمىلى سىندى جاندى وتانشىلدىق وقۋلىقتان ۇزدىكسىز ويداعىداي پايدالانىپ، قيمىلدان تۋىنداعان سەنىمدى، ماقتانىش سەزىمدى، رۋحتى ويداعىداي پايدالانىپ، ويداعىداي ساۋلەلەندىرىپ، پارتيا ورتالىق كوميتەتىنىڭ شەشىمدەرىن، ورنالاستىرۋلارىن دايەكتىلەندىرۋمەن، تياناقتاندىرۋمەن ۇشتاستىرىپ، ءتۇرلى حاۋىپ - قاتەر مەن سىن - سايىسقا توتەپ بەرۋمەن ۇشتاستىرۋ، رەفورما، دامۋ، ورنىقتىلىق قىزمەتتەرىن ويداعىداي ىستەۋدىڭ قۇدىرەتتى قوزعاۋشى كۇشىنە اينالدىرۋ كەرەك. جاپون شاپقىنشىلارىنا قارسى سوعىس جونىندەگى دۇرىس تاريحي كوزقاراسقا، دۇنيە جۇزىلىك ەكىنشى سوعىس جونىندەگى دۇرىس تاريحي كوزقاراسقا تاباندى بولىپ، تاريحي سەنىمدى بەكەمدەپ، جۇڭگو كوممۋنيستىك پارتياسىنىڭ بۇكىل ۇلتقا باسشىلىق ەتىپ، جۇدىرىقتاي جۇمىلىپ، جاپون شاپقىنشىلارىنا قارسى ەرلىكپەن جۇرگىزگەن سوعىسىنىڭ ۇلى جەڭىسىنەن اقىل - پاراسات جانە كۇش - قۋات الىپ، تاريحتىڭ دۇرىس جاعىندا باتىل تۇرىپ، تاريحتىڭ ىرىقتىلىعىن يگەرىپ، تاريحتى اينا ەتۋ بارىسىندا ۇزدىكسىز بولاشاققا جول اشۋ كەرەك. جۇڭگونىڭ جاپون شاپقىنشىلارىنا قارسى سوعىس حيكاياسىن، بەيبىت دامۋ حيكاياسىن ويداعىداي بايانداپ، دۇنيە جۇزىنە جۇڭگونىڭ سوعىستان كەيىنگى حالىقارالىق ءتارتىپتىڭ باتىل قورعاۋشىسى ەكەندىگىن بەينەلەپ، ادامزاتتىڭ تاعدىرلاس ورتاق تۇلعاسىن قۇرۋعا كۇش سالاتىن جاۋاپكەرشىلىك ارقالايتىن ءىرى ەلدىك وبرازىمىزدى ايگىلەۋ كەرەك. ەسكە ءتۇسىرۋ قيمىلىنا دايىندالۋدىڭ تاجىريبەلەرىن، ادىستەرىن مۇقيات قورىتىندىلاپ، ۇلكەن پارتيا، ۇلكەن ەل سالتى ءتۇزىمىن ۇزدىكسىز بايىتۋ جانە كەمەلدەندىرۋ كەرەك.

ءماجىلىس شي جينپيڭنىڭ ورتالىق كوميتەت ساياسي بيۋروسى تۇراقتى كوميتەتىنىڭ ماجىلىسىندە سويلەگەن ماڭىزدى ءسوزىن جەتكىزدى.

ءماجىلىس بىلاي دەپ اتاپ كورسەتتى: باس شۋجي شي جينپيڭنىڭ ماڭىزدى ءسوزى ەسكە ءتۇسىرۋ قيمىلىنىڭ ماڭىزدى ءمانىن تەرەڭ بايىمداپ، ۇيىمداستىرۋ، دايىندىق كورۋ قىزمەتىن تولىق تۇراقتاندىرىپ، قيمىلدىڭ جەتىستىكتەرىنەن ويداعىداي پايدالانۋ سياقتىلار جونىندە ايقىن تالاپتار قويدى، ءبىز مۇقيات ۇيرەنىپ، ءتۇسىنىپ، دايەكتىلەندىرۋدى، تياناقتاندىرۋدى مىقتى يگەرۋىمىز كەرەك. ەسكە ءتۇسىرۋ قيمىلىنىڭ تولىق تابىسقا جەتۋى، تۇپتەپ كەلگەندە، شي جينپيڭ جولداستى ۇيىتقى ەتكەن پارتيا ورتالىق كوميتەتىنىڭ پارمەندى باسشىلىعىنىڭ، جەر - جەردىڭ، تاراۋلاردىڭ، ورىنداردىڭ، قوعامنىڭ ءار سالاسىنىڭ جانە حالىق بۇقاراسىنىڭ زور كۇشپەن قولداۋىنىڭ ارقاسى. باس شۋجي شي جينپيڭنىڭ ماڭىزدى ءسوزىنىڭ رۋحىن ىشكەرىلەي ۇيرەنىپ، دايەكتىلەندىرىپ، ەسكە ءتۇسىرۋ قيمىلىنىڭ ماڭىزدى جەتىستىكتەرىن كەڭەيتىپ، تەرەڭدەتىپ، كەيىنگى ەسكە ءتۇسىرۋ قيمىلدارىن تىڭعىلىقتى ىستەپ، ۇگىت - تاربيەنى كۇشەيتىپ، قالىڭ كادرلار مەن بۇقارانى يدەيا مەن ارەكەتتى پارتيا ورتالىق كوميتەتىنىڭ رۋحىمەن اناعۇرلىم بىرلىككە كەلتىرىپ، ەسكە ءتۇسىرۋ قيمىلىنان تۋىنداعان پارتيانى، وتاندى ءسۇيۋ ىنتاسىن جۇڭگو ۇلگىسىندەگى وسىزامانداندىرۋدى ىلگەرىلەتۋدىڭ قۇدىرەتتى قوزعاۋشى كۇشىنە اينالدىرۋعا باستاۋ كەرەك.

ەسكە ءتۇسىرۋ قيمىلىنا باسشىلىق ەتۋ گرۋپپاسى باستىعىنىڭ ورىنباسارلارى ۋاڭ ي، يىن لي، لي شۋلەي، جاڭ يوۋشيا، ۋاڭ شياۋحۇڭ، ۋ جىڭلۇڭ جانە ليۋ جىنلي قيمىلعا قاتىناستى. ەسكە ءتۇسىرۋ قيمىلىنا باسشىلىق ەتۋ گرۋپپاسىنىڭ مۇشەلەرى، قىزمەت قۇرىلىمدارى مەن قاتىستى جاقتارداعى جاۋاپتى جولداستار، سونداي - اق قىزمەتكەرلەر، پاراتتان وتكەن اسكەري بولىمدەردەگى كوماندير - جاۋىنگەرلەر، حاۋىپسىزدىكتى قورعاۋدىڭ ءبىرىنشى شەبىندەگى مىندەت وتەۋشىلەر، ارتيستەر، ەرىكتىلەر، قىزمەت وتەۋدى قامتاماسىزداندىرۋشىلار، اقپارات قۇرالدارى تىلشىلەرىنىڭ ۋاكىلدەرى قاتارلىلار قيمىلعا قاتىناستى.