«شي جينپيڭ ەل باسقارۋ جونىندەنى» ىشكەرىلەي ۇيرەنىپ، سانالى تۇردە جاڭا داۋىردەگى پارتيانىڭ جاسامپاز نازارياسىنىڭ بۇلجىماس سەنۋشىلەرى جانە ادال اتقارۋشىلارى بولۋ كەرەك

«حالىق گازەتى»، 9 - ايدىڭ 17 - كۇنى، بەيجيڭ. «شي جينپيڭ ەل باسقارۋ جونىندەنىڭ» 5 - تومىن باسپادان شىعارۋ اڭگىمە ءماجىلىسى 9 - ايدىڭ 17 - كۇنى بەيجيڭدە اشىلدى، جۇڭگو كوممۋنيستىك پارتياسى ورتالىق كوميتەتى ساياسي بيۋروسىنىڭ تۇراقتى مۇشەسى، ورتالىق كوميتەت شۋجيچۋىنىڭ شۋجيى ساي چي ماجىلىسكە قاتىناستى ءارى ءسوز سويلەدى. ول مىنالاردى ءبىلدىردى: «شي جينپيڭ ەل باسقارۋ جونىندەنىڭ» 5 - تومى − جاڭا داۋىردەگى جۇڭگو كوممۋنيستەرىنىڭ جۇڭگوشا سوتسياليزمگە تاباندى بولۋىنىڭ جانە ونى دامىتۋىنىڭ ەڭ جاڭا نازاريالىق جاۋھارى، باس شۋجي شي جينپيڭنىڭ پارتيا مەن حالىقتى باستاپ ۇزدىكسىز ۇلى كۇرەس جۇرگىزۋىنىڭ، ۇلى ينجەنەريا قۇرۋىنىڭ، ۇلى ىستەردى ىلگەرىلەتۋىنىڭ، ۇلى ارماندى جۇزەگە اسىرۋىنىڭ تاريحي بارىسىن جاندى ەستەلىككە الدى. «شي جينپيڭ ەل باسقارۋ جونىندەنىڭ» 5 - تومىن ۇيرەنۋدە، ەڭ ماڭىزدىسى، ”ەكىنى تۇراقتاندىرۋدىڭ“ شەشۋشى ءمانىن تەرەڭ ءتۇسىنىپ، ”ءتورت تانىمدى“ كۇشەيتىپ، ”ءتورت سەنىمدى“ بەكەمدەپ، ”ەكىنى قورعاۋدى“ ورىنداپ، سانالى تۇردە جاڭا داۋىردەگى پارتيانىڭ جاسامپاز نازارياسىنىڭ بۇلجىماس سەنۋشىلەرى جانە ادال اتقارۋشىلارى بولۋ كەرەك.

ساي چي مىنالاردى ءبىلدىردى: «شي جينپيڭ ەل باسقارۋ جونىندەنىڭ» 5 - تومى − پارتيانىڭ 20 - قۇرىلتايىنان بەرگى پارتيانىڭ حالىققا باسشىلىق ەتىپ، جۇڭگو ۇلگىسىندەگى وسىزامانداندىرۋدى ىلگەرىلەتۋ ۇلى امالياتىنىڭ عىلمي قورىتىندىسى، بۇل پارتيامىزدىڭ ”ەكىنى ۇشتاستىرۋعا“ تاباندى بولىپ، ماركسيزمنىڭ جۇڭگوشالانۋىن، زامانالانۋىن ىلگەرىلەتۋدەگى ەڭ جاڭا جەتىستىكتەرىن شوعىرلى بەينەلەپ، پارتيامىزدىڭ ادامزاتتىڭ تاعدىرلاس ورتاق تۇلعاسىن قۇرۋدى ىلگەرىلەتۋدەگى اقىل - پاراساتىن، جاۋاپكەرشىلىگىن تولىق بەينەلەدى، ءبىزدىڭ شي جينپيڭ جاڭا ءداۋىر جۇڭگوشا سوتسياليزم يدەياسىن ونان ارى ۇيرەنۋىمىزگە، دايەكتىلەندىرۋىمىزگە بەدەلدى وقۋلىق ازىرلەدى. باس شۋجي شي جينپيڭنىڭ جۇڭگو ۇلگىسىندەگى وسىزامانداندىرۋ جونىندەگى ماڭىزدى بايىمداۋلارىندا قامتىلعان قۇدىرەتتى اقيقات كۇشى مەن امالياتتىق ۇلى كۇشتى تەرەڭ ءتۇسىنىپ، ودان ىنتىماقتاسا كۇرەس جۇرگىزەتىن اقىل - پاراسات پەن كۇش - قۋات الىپ، اناعۇرلىم كۇشتى تاريحي ىرىقتىلىق رۋحىمەن سوتسياليستىك وسىزامانداندىرۋ ىستەرىن ىلگەرىلەتۋ كەرەك. ماركسيزمنىڭ جۇڭگوشالانۋىنىڭ، زامانالانۋىنىڭ ەڭ جاڭا جەتىستىكتەرى جونىندەگى تۇسىنىكتى تەرەڭدەتىپ، شي جينپيڭ جاڭا ءداۋىر جۇڭگوشا سوتسياليزم يدەياسىمەن زەيىن - زەردەنى، رۋحتى سومداۋعا تاباندى بولىپ، سانالى تۇردە وي - سانانى قارۋلاندىرىپ، امالياتقا جەتەكشىلىك ەتىپ، قىزمەتتى ىلگەرىلەتۋ كەرەك. باس شۋجي شي جينپيڭنىڭ ادامزات قوعامى دامۋىنىڭ ۇلكەن لوگيكاسى، ۇلكەن بەتالىسى جونىندە جاساعان كورەگەن تولعانىسىن تەرەڭ ءتۇسىنىپ، جۇڭگو كوممۋنيستەرىنىڭ جۇڭگو ۇلگىسىندەگى وسىزامانداندىرۋدىڭ جاڭا اياق الىسى ارقىلى دۇنيە جۇزىنە ۇزدىكسىز جاڭا وراي جاراتىپ بەرەتىن كەڭ پەيىلى مەن جاۋاپكەرشىلىگىن تەرەڭ سەزىنىپ، اناعۇرلىم ءتيىمدى حالىقارالىق ورتا جاراتۋ كەرەك. «شي جينپيڭ ەل باسقارۋ جونىندەنىڭ» 1 - تومىنان 5 - تومىنا دەيىنگى مازمۇنداردى ءبىر تۇتاس تۇلعا ەتىپ، ۇيرەنۋدى مۇقيات ۇيىمداستىرىپ، نازاريالىق زەرتتەۋدى تەرەڭدەتىپ، ۇگىتتەۋدى، ءتۇسىندىرۋدى كۇشەيتىپ، سىرتقا باعىتتالعان ۇگىتتە جاڭالىق اشىپ، شي جينپيڭ جاڭا ءداۋىر جۇڭگوشا سوتسياليزم يدەياسىن ۇيرەنۋدى، ۇگىتتەۋدى، دايەكتىلەندىرۋدى تەرەڭدەتىپ، قالىڭ پارتيا مۇشەلەرىن، كادرلاردى جانە بۇقارانى جۇڭگو ۇلگىسىندەگى وسىزامانداندىرۋ ارقىلى مەملەكەتتى قۇدىرەتتەندىرۋ قۇرىلىسىن، ۇلتتى گۇلدەندىرۋ ۇلى ءىسىن جاپپاي ىلگەرىلەتۋ جولىندا قۇلشىنا كۇرەس جۇرگىزۋگە شابىتتاندىرۋ كەرەك.

جۇڭگو كوممۋنيستىك پارتياسى ورتالىق كوميتەتى ساياسي بيۋروسىنىڭ مۇشەسى، ورتالىق ۇگىت ءبولىمىنىڭ باستىعى لي شۋلەي ءماجىلىستى باسقاردى.

ورتالىق كوميتەت ۇگىت ءبولىمىنىڭ، ورتالىق پارتيا تاريحى جانە قۇجات زەرتتەۋ ورنىنىڭ، جۇڭگو شەتەل تىلدەرى مەكەمەسىنىڭ جاۋاپتى جولداستارى جانە قاتىستى مامان - وقىمىستىلار ءسوز سويلەدى. ورتالىق پەن مەملەكەت ورگاندارىنىڭ قاتىستى تاراۋلارىنداعى جاۋاپتى جولداستار، ولكەلىك، اۆتونوميالى رايوندىق، قالالىق پارتكوم ۇگىت بولىمدەرىندەگى نەگىزگى جاۋاپتى جولداستار ماجىلىسكە قاتىناستى.