بەتتى ساقتاۋ | باس بەت ەتۋ
| حات ساندىعى
| حابارلاسىڭىز | ءبىز تۋرالى
جۇڭگو كوممۋنيستىك پارتياسى اقپارات تورابى
جۇڭگو كوممۋنيستىك پارتياسى اقپارات تورابى
جۇڭگو كوممۋنيستىك پارتياسى اقپارات تورابى
2025.10.17 16:05 كەلۋ قاينارى : حالىق تورابى
شينحۋا اگەنتتىگى، 10 - ايدىڭ 16 - كۇنى، بەيجيڭ. 10 - ايدىڭ 16 - كۇنى مەملەكەت ءتوراعاسى شي جينپيڭ بىرلەسكەن مەملەكەتتەر ۇيىمىنىڭ استىق جانە اۋىل شارۋاشىلىق ۇيىمى قۇرىلعاندىعىنىڭ 80 جىلدىعىنا قۇتتىقتاۋ حاتىن جولدادى.
شي جينپيڭ بىلاي دەپ اتاپ كورسەتتى: بىرلەسكەن مەملەكەتتەر ۇيىمىنىڭ استىق جانە اۋىل شارۋاشىلىق ۇيىمى دۇنيە ءجۇزىنىڭ استىق حاۋىپسىزدىگىن قامتاماسىزداندىرۋدا، اۋىل - قىستاقتىڭ دامۋى مەن استىق جۇيەسىنىڭ تيپىن وزگەرتۋدى ىلگەرىلەتۋدە، ءار ەل حالقىنىڭ تۇرمىس ورەسىن جوعارىلاتۋدا ماڭىزدى رول اتقاردى.
شي جينپيڭ بىلاي دەپ باسا دارىپتەدى: جۇڭگو ۇكىمەتى استىق حاۋىپسىزدىگىنە وسكەلەڭ ءمان بەرىپ، وزىنە سۇيەنىپ، ءبىر ميلليارد 400 ميلليوننان استام حالىقتىڭ تاماق ماسەلەسىن ويداعىداي شەشۋگە تاباندى بولدى ءارى قاجەتتى ەلدەرگە شاماسىنىڭ كەلىسىنشە كومەك كورسەتتى.
دۇنيە ءجۇزىنىڭ استىق حاۋىپسىزدىگىن قامتاماسىزداندىرۋعا جۇڭگو كۇشىن ارنادى. جۇڭگو بىرلەسكەن مەملەكەتتەر ۇيىمىنىڭ استىق جانە اۋىل شارۋاشىلىق ۇيىمىنىڭ حالىقارالىق استىق، اۋىل شارۋاشىلىق سالاسىندا ماڭىزدى رول اتقارۋىن بۇرىنعىداي قولدايدى، حالىقارالىق قوعاممەن قول ۇستاسا وتىرىپ دۇنيە جۇزىلىك دامۋ باستاماسىن تياناقتاندىرىپ، بىرلەسكەن مەملەكەتتەر ۇيىمىنىڭ 2030 - جىلعا دەيىنگى باياندى دامۋ كۇن ءتارتىبىن ىلگەرىلەتىپ، ادامزاتتىڭ تاعدىرلاس ورتاق تۇلعاسىن قۇرۋدى ىلگەرىلەتىپ، ءار ەل حالقىنىڭ باقىتىن ارتتىرۋعا تىڭ دا اناعۇرلىم زور ۇلەس قوسۋدى قالايدى.
بىرلەسكەن مەملەكەتتەر ۇيىمىنىڭ استىق جانە اۋىل شارۋاشىلىق ۇيىمى 1945-جىلى 10 - ايدىڭ 16 - كۇنى قۇرىلعان، جۇڭگو − وسى ۇيىمدى قۇرۋشى مۇشە ەل.
كەلۋ قاينارى: حالىق تورابى
