ەكى تاراۋ بىرلەسىپ «ورتا، باستاۋىش مەكتەپتەردىڭ جەر سىلكىنىسىنە شۇعىل توتەپ بەرۋ، حاۋىپتەن اراشالاۋ، بىتىراتۋ جاتتىعۋ باعدارناماسىن» باسىپ تاراتتى

جۇڭگو اقپارات تورابىنىڭ 10 – ايدىڭ 16 – كۇنى بەرگەن حابارى. جۇڭگو جەر سىلكىنىسىن باقىلاۋ مەكەمەسىنىڭ رەسمي تەكشەسىنىڭ حابارىنا قاراعاندا، تاياۋدا جۇڭگو جەر سىلكىنىسىن باقىلاۋ مەكەمەسى مەن وقۋ – اعارتۋ مينيسترلىگى بىرلەسىپ «ورتا، باستاۋىش مەكتەپتەردىڭ جەر سىلكىنىسىنە شۇعىل توتەپ بەرۋ، حاۋىپتەن اراشالاۋ، بىتىراتۋ جاتتىعۋ باعدارناماسىن» (تومەندە قىستارتىلىپ «باعدارناما» دەپ اتالادى) باسىپ تاراتىپ، ورتا، باستاۋىش مەكتەپتەردىڭ جەر سىلكىنىسىنە شۇعىل توتەپ بەرۋ، قاتەردەن تاسالانۋ بويىنشا بىتىراتۋ جاتتىعۋىن ارناعا تۇسىرۋىنە جەتەكشىلىك ەتىپ، وقىتۋشى - وقۋشىلاردىڭ جەر سىلكىنىسى حاۋىپسىزدىگى تانىمى مەن جەر سىلكىنىسىنەن ساقتانۋ قابىلەتىن جوعارىلاتقان.

«باعدارناما» بۇكىل ەلدەگى ادەتتەگى ورتا، باستاۋىش مەكتەپتەر مەن ورتا دارەجەلى كاسىپتىك مەكتەپتەردىڭ ۇدايىلانعان جەر سىلكىنىسىنە شۇعىل توتەپ بەرۋ جاتتىعۋىنا قولدانىلىپ، جاتتىعۋ دايىندىعى، جەر سىلكىنىسى كەزىندە حاۋىپتەن ساقتانۋ، سىلكىنىستەن كەيىن بىتىراتۋ، شۇعىل جاعدايعا توتەپ بەرۋ، ءبىر جاقتى ەتۋ، جاتتىعۋدى قورىتىندىلاۋ قاتارلى بۋىندارداعى ناقتى تالاپتار ايقىندالدى، وقىتۋشى ـ وقۋشىلاردىڭ ساباقحانا، كىتاپحانا، دەنە تاربيە مايدانى قاتارلى ۇقساماعان ورتالاردا قولدانۋعا ءتيىستى حاۋىپتەن قورعانۋ تاسىلدەرىن ناقتى تانىستىرىپ، جەر سىلكىنۋدەن سيگنال بەرۋ تەرمينالىنا بىرىكتىرىپ، ۇقساماعان ەسكەرتۋ دارەجەسىندەگى قاتەردەن ساقتانۋ شاراسى جانە تانىستىرۋ ورنىن كورسەتىپ، جاتتىعۋ بارىسىندا تۋىلۋى مۇمكىندىگى بولعان ادامداردىڭ جارالانۋى، كەپتەلۋ، باستىرىلۋ قاتارلى توسىن جاعدايلارعا قاراتا ناقتى ءبىر جاقتى ەتۋ ءتارتىبىن بەلگىلەدى ءارى ناق مايداندا باعالاۋ مەن قورىتىندىلاۋدىڭ، تۇزەتۋدىڭ ماڭىزدى تۇيىندەرىن باسا دارىپتەدى.

بۇل مەملەكەت دەڭگەيىندەگى ورتا، باستاۋىش مەكتەپتەرگە ارناۋلى جاسالعان جەر سىلكىنىسىنە شۇعىل توتەپ بەرۋ جاتتىعۋ باعدارناماسى. ەكى تاراۋ وسىدان كەيىن ۇلگى كورسەتۋ كەسكىنى جانە جۇمىس قولدانباسى قاتارلى تۇسىنىك ماتەريالدارىن شىعارىپ، «باعدارنامانىڭ» تياناقتانىپ، ونىمدىلىك كورسەتۋىنە شىنايى كەپىلدىك ەتەدى.