شي جينپيڭ تەلەگرامما جولداپ، ادياڭنىڭ ناۋرۋدىڭ زۇڭتۇڭى بولىپ تاعى سايلانعاندىعىن قىزۋ قۇتتىقتادى

شينحۋا اگەنتتىگى، 10 - ايدىڭ 17 - كۇنى، بەيجيڭ. 10 - ايدىڭ 17 - كۇنى مەملەكەت ءتوراعاسى شي جينپيڭ داۆيد ادياڭعا تەلەگرامما جولداپ، ونىڭ ناۋرۋ رەسپۋبليكاسىنىڭ زۇڭتۇڭى بولىپ تاعى سايلانعاندىعىن قۇتتىقتادى. شي جينپيڭ مىنالاردى اتاپ كورسەتتى: جۇڭگو مەن ناۋرۋ قاتىناسى قالپىنا كەلگەننەن بەرى، ەكى ەل قاتىناسى باياندى دامىپ، ءار سالاداعى سەلبەستىك جەتىستىكتەرى ەكى ەل حالقىن يگىلىككە كەنەلتتى. زۇڭتۇڭ مىرزا ناۋرۋ ۇكىمەتىنە باسشىلىق ەتىپ، ءبىر جۇڭگو پرينسيبىنە بويسۇندى، مەن مۇنى ايرىقشا القايمىن. مەن جۇڭگو - ناۋرۋ قارىم - قاتىناسىنىڭ دامۋىنا وسكەلەڭ ءمان بەرەمىن، زۇڭتۇڭ مىرزامەن بىرگە قۇلشىنىپ، ەكى ەل قارىم - قاتىناسىنىڭ ۇزدىكسىز تىڭ ساتىعا كوتەرىلۋىن ىلگەرىلەتىپ، ەكى ەل حالقىن اناعۇرلىم ويداعىداي باقىتقا كەنەلتۋدى قالايمىن.