جۇڭگو كوممۋنيستىك پارتياسى ورتالىق كوميتەتىنىڭ باس شۋجيى شي جينپيڭ جىڭ لي - ۋىننىڭ جۇڭگو گومينداڭ پارتياسىنىڭ ءتوراعاسى بولىپ سايلانعانىن قۇتتىقتاپ تەلەگرامما جولدادى

شينحۋا اگەنتتىگى، 10 - ايدىڭ 19 - كۇنى، بەيجيڭ. جۇڭگو كوممۋنيستىك پارتياسى ورتالىق كوميتەتىنىڭ باس شۋجيى شي جينپيڭ 10 - ايدىڭ 19 - كۇنى جىڭ لي - ۋىنگە تەلەگرامما جولداپ، ونىڭ جۇڭگو گومينداڭ پارتياسىنىڭ ءتوراعاسى بولىپ سايلانعانىن قۇتتىقتاپ، كوپ جىلدان بەرى ەكى پارتيانىڭ ”92 - جىلعى ورتاق تانىمعا“ تاباندى بولۋ، ”تايۋان تاۋەلسىزدىگىنە“ قارسى تۇرۋ ورتاق ساياسي نەگىزىندە، ەكى جاعالاۋدىڭ اۋىس - كۇيىسىن، سەلبەستىگىن ىلگەرىلەتىپ، تايۋان بۇعازىنىڭ بەيبىتشىلىگى مەن ورنىقتىلىعىن قورعاۋعا كۇش سالىپ، ەكى جاعالاۋداعى باۋىرلاستاردىڭ تۋىسقاندىق سۇيىسپەنشىلىگىن، ىرىس - قۇتىن ارتتىرىپ، بەلسەندى ناتيجەگە قول جەتكىزدى. قازىر دۇنيە ءجۇزىنىڭ 100 جىلدىق وزگەرىس جاعدايى جەدەل دامىپ، جۇڭحۋا ۇلتىنىڭ ۇلى گۇلدەنۋى بوگەۋ بەرمەس اۋقىمعا اينالدى. ەكى پارتيانىڭ ورتاق ساياسي نەگىزدە بەرىك تۇرىپ، تايۋاندىق باۋىرلاستاردى ىنتىماقتاستىرىپ، جۇڭگولىقتاردىڭ جىگەرى، سەنىمىن اسىرىپ، سەلبەستىكتى تەرەڭدەتىپ، ورتاق دامۋدى جەبەپ، مەملەكەتتىڭ بىرلىككە كەلۋىن ىلگەرىلەتىپ، جۇڭحۋا ۇلتىنىڭ ورتاق مەكەنىن، ەكى جاعالاۋداعى باۋىرلاستاردىڭ ءتۇبىرلى مۇددەسىن باتىل قورعاپ، جۇڭحۋا ۇلتىنىڭ اناعۇرلىم كوركەم بولاشاعىن قول ۇستاسا اشۋ كەرەك.

سول كۇنى جۇڭگو گومينداڭ پارتياسىنىڭ جاڭادان سايلانعان ءتوراعاسى جىڭ لي- ۋىن جاۋاپ تەلەگرامما جولداپ، باس شۋجي شي جينپيڭگە العىس ايتتى. ول بىلاي دەدى: بۇعازدىڭ ەكى جاعالاۋى 1992 - جىلى وزدەرىنىڭ ءبىر جۇڭگو پرينسيپىنە تاباندى بولۋ جونىندەگى ورتاق تانىمعا كەلگەن. ەكى پارتيا ”92 - جىلعى ورتاق تانىمعا“ تاباندى بولۋ، ”تايۋان تاۋەلسىزدىگىنە“ قارسى تۇرۋ سىندى ورتاق ساياسي نەگىزدە، ەكى جاعالاۋ قاتىناسىنىڭ بەيبىت دامۋىن ىلگەرىلەتىپ، كوپتەگەن تاريحي جەتىستىكتەرگە قول جەتكىزدى، ەكى جاعالاۋ ەكەۋى دە يانحۋاڭ ۇرپاقتارى، ەكەۋى دە جۇڭحۋا ۇلتى، ەكى پارتيا قازىرگى نەگىزدە ەكى جاعالاۋدىڭ اۋىس ـ كۇيىسىن، سەلبەستىگىن كۇشەيتىپ، تايۋان بۇعازىنىڭ بەيبىتشىلىگى مەن ورنىقتىلىعىن جەبەپ، ەكى جاعالاۋ حالقىنا ەڭ زور باقىت جاراتىپ، ۇلتتىڭ گۇلدەنۋىنە ۇلى بولاشاق اشۋى كەرەك.