پارتيا 20 - كەزەكتى ورتالىق كوميتەتى ءتورتىنشى جالپى ءماجىلىسىنىڭ رۋحىن مۇقيات ۇيرەنىپ، دايەكتىلەندىرىپ، حاينان ەركىن ساۋدا پورتىن جوعارى ولشەممەن قۇرىپ شىعۋ كەرەك

11 - ايدىڭ 6 - كۇنى جۇڭگو كوممۋنيستىك پارتياسى ورتالىق كوميتەتىنىڭ باس شۋجيى، مەملەكەت ءتوراعاسى، ورتالىق اسكەري ىستەر كوميتەتىنىڭ ءتوراعاسى شي جينپيڭ حايناننىڭ سانيا قالاسىندا حايناننىڭ ەركىن ساۋدا پورتى قۇرىلىسىنىڭ قىزمەت مالىمەتىن تىڭداپ، ماڭىزدى ءسوز سويلەدى.

سۋرەتتى شينحۋا اگەنتتىگى ءتىلشىسى يان حى تۇسىرگەن

«حالىق گازەتى»، 11 - ايدىڭ 6 - كۇنى، سانيا. جۇڭگو كوممۋنيستىك پارتياسى ورتالىق كوميتەتىنىڭ باس شۋجيى، مەملەكەت ءتوراعاسى، ورتالىق اسكەري ىستەر كوميتەتىنىڭ ءتوراعاسى شي جينپيڭ حاينان ەركىن ساۋدا پورتى قۇرىلىسىنىڭ قىزمەت مالىمەتىن تىڭداعاندا بىلاي دەپ باسا دارىپتەدى: حاينان ەركىن ساۋدا پورتىن قۇرۋ − پارتيا ورتالىق كوميتەتىنىڭ جاڭا داۋىردە رەفورما جاساۋدى، ەسىك اشۋدى جاپپاي تەرەڭدەتۋدى كوزدە ۇستاي وتىرىپ جاساعان كەلەلى شەشىمى. پارتيا 20 - كەزەكتى ورتالىق كوميتەتى ءتورتىنشى جالپى ءماجىلىسىنىڭ رۋحىن زەيىن قويىپ ۇيرەنىپ، دايەكتىلەندىرۋىمىز، پارتيا ورتالىق كوميتەتىنىڭ ورتالىقتانعان ءبىر تۇتاس باسشىلىعىندا، ءار دارەجەلى قاتىستى جاقتار تىعىز سەلبەسىپ، ىرىقتىلىقپەن ءىس تىندىرىپ، ۇزدىكسىز قۇلشىنۋ ارقىلى حاينان ەركىن ساۋدا پورتى قۇرىلىسى نىساناسىن جاپپاي جۇزەگە اسىرۋىمىز كەرەك.

11 - ايدىڭ 6 - كۇنى تۇستەن بۇرىن شي جينپيڭ حاينان ولكەسىنىڭ سانيا قالاسىندا حاينان ەركىن ساۋدا پورتى قۇرىلىسىنىڭ قىزمەت مالىمەتىن تىڭدادى. مەملەكەتتىك دامۋ جانە رەفورما كوميتەتىنىڭ مەڭگەرۋشىسى جىڭ شانجيە، حاينان ولكەلىك پارتكومنىڭ شۋجيى فىڭ في مالىمەت بەردى.

مالىمەتتى تىڭداعاننان كەيىن شي جينپيڭ ماڭىزدى ءسوز سويلەدى. ول بىلاي دەپ اتاپ كورسەتتى: پارتيا ورتالىق كوميتەتى بيىل 12 - ايدىڭ 18 - كۇنى حاينان ەركىن ساۋدا پورتىندا تۇتاس ارالدى رەسمي جابۋدى ۇيعاردى، بۇل ەلىمىزدىڭ جوعارى دەڭگەيدەگى سىرتقا ەسىك اشۋدى تاباندىلىقپەن كەڭەيتىپ، اشىق دۇنيە ءجۇزى ەكونوميكاسىن قۇرۋدى ىلگەرىلەتۋدەگى بەلگى سيپاتتى شاراسى. ءار دارەجەلى قاتىستى جاقتار دەن قويا دايىندالىپ، ورنىقتى، ءتارتىپتى بولۋعا شىنايى كەپىلدىك ەتۋ كەرەك.

شي جينپيڭ بىلاي دەپ باسا دارىپتەدى: حاينان ەركىن ساۋدا پورتىن قۇرۋدىڭ ستراتەگيالىق نىساناسى حاينان ەركىن ساۋدا پورتىن ەلىمىزدىڭ جاڭا داۋىردەگى سىرتقا ەسىك اشۋىنا جەتەكشىلىك ەتەتىن ماڭىزدى قاقپا ەتىپ قۇرىپ شىعۋ. وسى ستراتەگيالىق نىسانادان اۋىتقىماي، حاينان ەركىن ساۋدا پورتى قۇرىلىسىنىڭ جالپى تۇلعالىق جوباسىن جاپپاي تياناقتاندىرىپ، حاينان ەركىن ساۋدا پورتى زاڭىن ىشكەرىلەي اتقارىپ، يدەيانى ازات ەتىپ، رەفورما جاساپ، جاڭالىق اشىپ، جوعارى دەڭگەيدەگى ەركىن ساۋدا پورتىنا ۇيلەسەتىن ساياساتتىق ءتۇزىم جۇيەسىن قادامعا، كەزەڭگە ءبولىپ قۇرۋ كەرەك. تۇزىمدىك ەسىك اشۋدى ورنىقتى كەڭەيتىپ، ساۋداعا قارجى قوسۋدىڭ ەركىندەنۋ، قولايلىلانۋ دەڭگەيىن اناعۇرلىم جوعارىلاتۋ كەرەك. تاۋار مەن فاكتوردىڭ جىلجىمالى ەسىك اشۋىن ىشكەرىلەي ىلگەرىلەتىپ، ءوندىرىس فاكتورلارىنىڭ شەكارا اتتاپ اۋىسۋىن اناعۇرلىم ويداعىداي جەبەۋ كەرەك. اناعۇرلىم اشىق دارىندىلار مەحانيزمىن ورناتىپ، ەركىن ساۋدا پورتى قۇرىلىسىنا پارمەندى دارىندىلار تىرەگىن ازىرلەۋ كەرەك. اكىمشىلىك ءتۇزىلىس رەفورماسىن تەرەڭدەتىپ، اكىمشىلىك قىزمەت وتەۋدى ساپالىلاندىرىپ، بازارلاندىرۋ، زاڭمەن جونگە سالۋ، حالىقارالانعان ماڭداي الدى ساۋدا ورتاسىن كۇش سالا قالىپتاستىرۋ كەرەك.

شي جينپيڭ بىلاي دەپ اتاپ كورسەتتى: حاينان ەركىن ساۋدا پورتىن جوعارى ولشەممەن قۇرۋدىڭ باستى ماقساتى حايناننىڭ جوعارى ساپالى دامۋىن جەبەپ، بۇكىل ەلدىڭ جاڭا دامۋ جاعدايىن قالىپتاستىرۋىنا دەم بەرۋ. امالياتقا بىرىكتىرىپ، ”15 - بەسجىلدىق“ جوبانى عىلىمي جاساپ، ”ءۇش رايون، ءبىر ورتالىق“ قۇرۋ ستراتەگيالىق ورنىن توپتالۋ تاقىرىپ ەتىپ، حايناننىڭ ەكونوميكالىق، قوعامدىق دامۋ ورەسى جاپپاي جوعارىلاتىلۋ كەرەك. حايناننىڭ ەرەكشەلىگىنە جانە باسىمدىعىنا يە وسىزاماندانعان كاسىپ جۇيەسىن كۇش سالا قالىپتاستىرىپ، جەتەكشى كاسىپتەردىڭ ساپالىلانۋىن، دارەجەسىنىڭ جوعارىلاۋىن ىلگەرىلەتىپ، عىلىم - تەحنيكادا جاڭالىق اشۋ مەن كاسىپ سالاسىندا جاڭالىق اشۋدىڭ ىشكەرىلەي توعىسۋىن جەبەپ، جاڭا ساپالى وندىرگىش كۇشتەردى دامىتۋدا تىڭ تابىستارعا قول جەتكىزۋگە قۇلشىنۋ كەرەك. گۋاڭدۇڭ - شياڭگاڭ - اۋمىن شىعاناق رايونىمەن بىرلەسىپ دامۋدى كۇشەيتىپ، بەيجيڭ - تيانجين - حىبەي، چاڭجياڭ اتىراۋى، چاڭجياڭ ەكونوميكالىق بەلدەۋى سياقتىلارمەن وڭىرلىك سەلبەستىكتى تەرەڭدەتىپ، ”ءبىر بەلدەۋ، ءبىر جولدى“ بىرگە قۇرۋمەن تەرەڭ توعىسىپ، جوعارى دەڭگەيدەگى سىرتقا ەسىك اشۋدى ىلگەرىلەتۋ بارىسىندا جەتەكتەۋ رولىن ساۋلەلەندىرۋ كەرەك. ەكولوگيا حايناننىڭ ءبىر ۇلكەن باسىمدىعى، وسى وتباسىنىڭ جاي - جاپسارىن ويداعىداي قورعاپ، قۇرلىق پەن تەڭىزدى ءبىر تۇتاس جوسپارلاۋعا تاباندى بولىپ، قورشاعان ورتاعا قاتىستى كورنەكتى ماسەلەلەردى جونگە سالۋدى ۇزدىكسىز ويداعىداي يگەرىپ، مەملەكەتتىك ەكولوگيالىق وركەنيەت سىناق رايونىن جوعارى ساپامەن قۇرۋ كەرەك. جالپىعا ءتيىمدى، نەگىزدىك، ەڭ تومەنگى شەكتەن تۇسىرمەيتىن حالىق تۇرمىسى قۇرىلىسىن كۇشەيتىپ، حالىق بۇقاراسىنىڭ مۇڭ - مۇقتاجى ماسەلەسىن ويداعىداي شەشىپ، بىرگە اۋقاتتانۋدى تىڭعىلىقتى ىلگەرىلەتۋ كەرەك.

شي جينپيڭ بىلاي دەپ باسا دارىپتەدى: ەسىك اشۋ نەعۇرلىم كەڭەيگەن سايىن، دامۋ مەن حاۋىپسىزدىكتى سولعۇرلىم ءبىر تۇتاس جوسپارلاپ، حاۋىپسىزدىكتىڭ تومەنگى شەگىن مىقتاپ ساقتاۋ كەرەك. ەسىك اشۋ ريتىمى مەن اياق الىسىن عىلمي، ءتارتىپتى ورنالاستىرىپ، حاۋىپ - قاتەردى پارىقتاۋ مەن ساقتانۋدى كۇشەيتىپ، ورنىقتى سوققى بەرىپ، قادام سايىن قامال الۋ كەرەك.

شي جينپيڭ بىلاي دەپ اتاپ كورسەتتى: پارتيانى جاپپاي قاتاڭ جونگە سالۋدى ماڭگى جالعاستىراتىن سەرگەكتىكپەن جانە تاباندىلىقپەن ىلگەرىلەتىپ، ورتالىقتىڭ ”سەگىز ءتۇرلى بەلگىلەمەسىنىڭ“ رۋحىن ىشكەرىلەي دايەكتىلەندىرۋ جونىندەگى ۇيرەنۋ - تاربيە جەتىستىكتەرىن بەكەمدەپ، ستيلى پاك، سالتى دۇرىس ساياسي ەكولوگيانى قۇلشىنا قالىپتاستىرۋ كەرەك. شىرىكتەسۋگە باتىلدىق ەتپەۋ، شىرىكتەسۋگە مۇمكىندىك بولماۋ، شىرىكتەسۋدى ويىنا الماۋ قىزمەت مەحانيزمىن كەمەلدەندىرىپ، شىرىكتەسۋدىڭ ءوسىپ - ءوربيتىن توپىراعى مەن شارت - جاعدايىن كۇش سالا الاستاۋ كەرەك. ءار دارەجەلى كادرلاردى ەرەجەگە، تارتىپكە بويسۇنۋ العى شارتىندا باتىلدىقپەن جاۋاپكەرشىلىك ارقالاپ، شەبەرلىكپەن ءىس تىندىرىپ، تىڭعىلىقتى كۇرەس ارقىلى اماليات پەن تاريحتىڭ سىنىنان وتە الاتىن قىزمەت ناتيجەسىن جاراتۋعا جەتەكتەۋ كەرەك.

شي جينپيڭ بىلاي دەپ باسا دارىپتەدى: قازىر حاينان ولكەسى ”شاعالا“ تايفىڭ داۋىلىنىڭ بەتالىسىنا قاداعالاي نازار اۋدارىپ، قاتىستى شارالاردى كەمەلدەندىرىپ، ساقتانۋ جانە شۇعىل جاعدايعا توتەپ بەرۋ، ءبىر جاقتى ەتۋ قىزمەتىن شىنايى جاقسى ىستەپ، زياندى ەڭ تومەنگى شەككە تۇسىرۋگە كەپىلدىك ەتۋى كەرەك.

جۇڭگو كوممۋنيستىك پارتياسى ورتالىق كوميتەتى ساياسي بيۋروسىنىڭ تۇراقتى مۇشەسى، ورتالىق كوميتەت كەڭسەسىنىڭ مەڭگەرۋشىسى ساي چي مالىمەت بەرۋ ماجىلىسىنە قاتىناستى.

حى ليفىڭ جانە ورتالىق پەن مەملەكەت ورگاندارىنىڭ قاتىستى تاراۋلارىنداعى، حاينان ولكەسىندەگى جاۋاپتى جولداستار مالىمەت بەرۋ ماجىلىسىنە قاتىناستى.

كەلۋ قاينارى: حالىق تورابى