شي جينپيڭ تەلەگرامما جولداپ حاساننىڭ تانزانيانىڭ زۇڭتۇڭى بولىپ تاعايىندالعاندىعىن قۇتتىقتادى

شينحۋا اگەنتتىگى، 11 - ايدىڭ 6 - كۇنى، بەيجيڭ. 11 - ايدىڭ 6 - كۇنى مەملەكەت ءتوراعاسى شي جينپيڭ ساميا سۇلۋحۋ حاسانعا تەلەگرامما جولداپ، ونىڭ تانزانيا بىرلەسكەن رەسپۋبليكاسىنىڭ زۇڭتۇڭى بولىپ تاعايىندالعاندىعىن قۇتتىقتادى.

شي جينپيڭ بىلاي دەپ اتاپ كورسەتتى: جۇڭگو مەن تانزانيانىڭ ءداستۇرلى دوستىعى تەرەڭ. جاقىنعى جىلداردان بەرى، ەكى مەملەكەت بايلانىسى جوعارى ورەدە دامىدى، ەكى جاق ءبىر - ءبىرىنىڭ وزەكتى مۇددەسىنە جانە ءجىتى قاداعالاپ وتىرعان كەلەلى ىستەرىنە ساياتىن ماسەلەلەردە ءبىرىن - ءبىرى قولداپ، ءار سالاداعى ناقتى سەلبەستىكتە سۇبەلى تابىستارعا قول جەتكىزدى. مەن جۇڭگو - تانزانيا قارىم - قاتىناسىنىڭ دامۋىنا وسكەلەڭ ءمان بەرەمىن، حاسەن زۇڭتۇڭمەن بىرگە قۇلشىنىپ، جۇڭگو - افريكا سەلبەستىك تالقى مىنبەرىنىڭ بەيجيڭدەگى باسشىلار باس قوسۋىنىڭ جەتىستىكتەرىن ويداعىداي تياناقتاندىرىپ، جۇڭگو مەن تانزانيانىڭ جان - جاقتى ستراتەگيالىق سەلبەستىك سەرىكتەستىك قارىم - قاتىناسىنىڭ ۇزدىكسىز تىڭ ساتىعا كوتەرىلۋىن ىلگەرىلەتىپ، جاڭا داۋىردەگى جۇڭگو مەن افريكانىڭ بارلىق جاعدايدا بىردەي تاعدىرلاس ورتاق تۇلعاسىن قۇرۋعا اناعۇرلىم زور ۇلەس قوسۋدى قالايمىن.

كەلۋ قاينارى: حالىق تورابى