شي جينپيڭ جاس سينولوگتارعا جاۋاپ حات جازدى

شينحۋا اگەنتتىگى، 11 - ايدىڭ 13 - كۇنى، بەيجيڭ. تاياۋدا مەملەكەت ءتوراعاسى شي جينپيڭ جاس سينولوگتارعا جاۋاپ حات جازىپ، ولاردى جۇڭگو مەن شەتەلدىڭ وركەنيەتىن توعىستىرۋدىڭ ەلشىسى بولۋعا شابىتتاندىردى.

شي جينپيڭ بىلاي دەپ اتاپ كورسەتتى: سىزدەردىڭ جۇڭگو ءتىلىن جاقسى كورەتىندىكتەرىڭىزدى، جۇڭگو مادەنيەتىن قىزۋ سۇيەتىندىكتەرىڭىزدى، سينولوگيا ءىلىمىن زەرتتەۋدى جانە وركەنيەتتەردىڭ ءوزارا ۇلگى الۋىن جەبەۋ سياقتى جاقتاردا بەلسەندى رول اتقارعاندىقتارىڭىزدى ەستىدىم، مەن مۇنى القايمىن.

شي جينپيڭ بىلاي دەپ باسا دارىپتەدى: سينولوگيا جۇڭگودان باستاۋ العان، دۇنيە جۇزىنە ءتان، بۇكىل ادامزاتتىڭ ورتاق رۋحاني بايلىعى. سىزدەردىڭ سينولوگيامەن ۇزدىكسىز سەرىك بولىپ، جۇڭگومەن ساپارلاس بولىپ، زەرتتەۋدى، ءتۇسىندىرۋدى كۇشەيتىپ، دۇنيە جۇزىنە شىنايى، سترەولدى، جان - جاقتى جۇڭگونى تانىستىرىپ، جۇڭگو مەن شەتەل وركەنيەتىن توعىستىرۋدىڭ ەلشىسى بولىپ، ادامزاتتىڭ تاعدىرلاس ورتاق تۇلعاسىن قۇرۋدى ىلگەرىلەتۋگە اقىل - پاراساتتارىڭىز بەن كۇش - قۋاتتارىڭىزدى ارناۋلارىڭىزدى ءۇمىت ەتەمىن.

11 - ايدىڭ 14 - كۇنىنەن 16 - كۇنىنە دەيىن 2025 - جىلعى دۇنيە جۇزىلىك جۇڭگو ءتىلى جينالىسى بەيجيڭدە وتكىزىلەدى. تاياۋدا ۇسىنىس بويىنشا جينالىسقا قاتىناسقان 51 مەملەكەتتەگى 61 جاس سينولوگ ءتوراعا شي جينپيڭگە حات جازىپ، جۇڭگونى زەرتتەۋمەن شۇعىلدانۋ كەشىرمەلەرى مەن اسەرلەرىن ءبولىسىپ، جۇڭگونىڭ ءبىلىمىن ونان ارى زەرتتەۋ، وركەنيەتتەر ارا قارىم - قاتىناس، كوپىرلىك رولىن ساۋلەلەندىرۋ تىلەگىن بىلدىرگەن بولاتىن.