حيلۇڭجياڭعا قىس كىرگەننەن بەرگى ەڭ كۇشتى سۋىق اعىس جۇرەدى

ءتىلشىنىڭ 11 ـ ايدىڭ 27 ـ كۇنى حيلۇڭجياڭ ولكەلىك اۋا رايى ستانسياسىنان ۇعىسۋىنشا، 11 ـ ايدىڭ 28 ـ كۇنى تۇننەن باستاپ حيلۇڭجياڭ ولكەسىندە بيىل قىس كىرگەننەن بەرگى ەڭ كۇشتى سۋىق اعىس بولادى، حيلۇڭجياڭنىڭ كوپتەگەن جەرىندە سۋىق اعىس بولىپ، بوران سوعادى، ورتا، سولتۇستىك بولەكتەردە قالىڭ قار جاۋادى، تەمپەراتۋرا 14 سەلتسي گرادۋس تومەندەيدى.

مەجەگە قاراعاندا، 11 – ايدىڭ 28 – كۇنى تۇننەن 30 – كۇنىنە دەيىن داشيڭ انليڭ تاۋى، حيحى وزەنى، يچۇن، چيچيحاردىڭ سولتۇستىك بولەگى، سۇيحۋانىڭ سولتۇستىك بولەگى، حاربيننىڭ سولتۇستىك بولەگى، حىگاڭ، جامىستىڭ باتىس بولەگى قاتارلى جەرلەردە جالپى جاۋعان قاردىڭ قالىڭدىعى 5 تە 10 ميلليمەترگە جەتەدى، مۇنىڭ ىشىندە داشيڭ انليڭ تاۋىنىڭ وڭتۇستىگى، حيحى وزەنىنىڭ وڭتۇستىگى، يچۇننىڭ وڭتۇستىگى، چيچيحاردىڭ سولتۇستىگى، سۇيحۋانىڭ سولتۇستىگىنىڭ ءىشىنارا جەرلەرىندە قار قالىڭدىعى 10 دا 15 ميلليمەترگە جەتەدى، جاڭادان قوسىلعان قاردىڭ قالىڭدىعى 6 دا 12 سانتيمەترگە جەتەدى، باسقا باسىم كوپ رايوندار قىرباق قار نەمەسە ورتاشا قار جاۋادى.

قار جاۋۋمەن بىرگە، حيلۇڭجياڭنىڭ باسىم كوپ رايوندارىندا 6 دا 7 بال بوران سوعادى، ءىشىنارا جەرلەردە 8 دە 9 بالعا جەتەدى.